Pages

politika etiketadun mezuak erakusten. Erakutsi mezu guztiak
politika etiketadun mezuak erakusten. Erakutsi mezu guztiak

2011-05-23

HAUTESKUNDEAK: Eskozia bezala Euskal Herria eta Trapagaranen aldaketa

BILDUren olatua tsunami bilakatu da hauteskundeetan eta izugarrizko indarrez sartu da udaletxeetan. 314.000 botorekin Hego Euskal Herriko 2. indarra izan da. Alderdi espainolak asko ahuldu dira eta Euskal Herri libre eta ezkertiar bateruntz bidea zabalago eta argiago ikusten da.

Horrela ari da gertatzen Eskozian. 2007an SNP alderdi abertzaleak hauteskundeak irabazi zituen lehenbiziko aldiz Eskozian, orduan autodeterminazio erreferenduma egingo zuela adierazi zuen. Ordutik kaleko lanean ari dira Eskoziako abertzaleak, independentziak dituen onurak azaltzen, gizartea eraldatzen erreferendumerako prestatzen. Emaitzak ere heldu dira: Aurtengo hauteskundeetan abertzaleek gehiengo osoa lortu dute Eskoziako parlamentuan lehenbiziko aldiz. Independentzia erreferenduma egingo dute legegintzaldi honetan eta aditu guztiek diotenez baiezkoak irabaziko du.

Bide beretik ari gara Euskal Herrian. Borroka aramatuaren fasea gainditzen ari garen honetan, erresistentzia fasetik eraikuntzara jauzi egin dugu. Euskal Herri askeak beste gizarte eredu hobe bat ekarriko du, justizia soziala, demokrazia partehartzailea, ongizatea... Ereduen eztabaidan murgilduko gara eta eztabaida horretan BILDUk Euskal Herrian gehiengoa lortzeko lan egingo du. Eskozian bezala Euskal Herria askatasunera eramateko. Euskal Herria XXI.mendeko munduan beste eredu alternatibo baten eraikuntzan ari diren herrien multzoan sartzeko.

Trapagaran prozesu horren baitan dago
-PSOEk (%33,73) beherakada handia izan du eta 2232 botorekin gelditu da.

-PNVk (%33,43) ez du lortu gure alkatearen etengabeko itxikeria eta jauntxokeria irudikatzea eta ez du lortu aurreko hauteskundeetatik boto bat gehiago ere gehitzen eta 2212 boto eskuratu ditu.

-BILDU (%18,38) indartsu sartu da udaletxera eta indarrak gehitzea lortu duen bakarra izan da 1216 boto lortuz.

-PPk (%5,8) zuena mantendu du 384 botorekin.

Emaitza horiekin udaletxea horrela gelditu da osatuta:
PSOE 7 zinegotzirekin
PNV 6 zinegotzirekin
BILDU 3 zinegotzirekin
PP zinegotzi 1ekin
20 urte daramatza orain arteko alkateak boterean, 20 urte eta milaka harresi. Denbora honetan jauntxoak bihurtu dira Sagredo, Pilar eta konpainia. Udaletxearen jarrera lotsagarria izan da azken 4 urteetan, prepotentzia eta txuleria hutsa, inposaketa, anti-euskalduna, herriko edozein proposamenetarako oztopo bat.

Ezin da horrela jarraitu, Sagredo eta bere ekipoa bere aulkietatik desalojatu behar da. Udaletxea herriari ireki, aire berria sartu. Aukerak badaude, BILDU eta PNVren artean konpontzea da kontua. Hurrengo asteak garrantzitsuak izango dira, ikusiko dugu ia adlaketa gauzatzea lortzen dugun!

2011-05-01

Aukera guztiak hauteskundetan egon daitezen: ILEGALIZAZIORIK EZ!

BILDUren ilegalizazioarekin izugarrizko kanapaina egin dute azken asteotan Espainiako komunikabide eskuindarrek azken asteotan. Benetan beldurgarria da Espainian gertatzen ari dena. 40.000 pertsona baino gehiago daude hauteskundeetan aurkeztu ezinik, deliturik egin gabe baina aurreko hauteskundeetan ilegalizatu dituzten alderdien zerrendetan joan direlako. Europan ez da halako egoerarik ezagutzen. Deliturik ez duen jendea, zerrenda beltzetan sartuta eta bere eskubideak kongelatzwen dizkietenak.

Larriagoa da oraindik BILDUrekin Espainiako auzitegietan eramaten ari diren prozesua. EA eta Alternatibako jendea, Euskal Herrian indar ezkertzale eta bateratu sendo bat osatu nahi duten ehundaka pertsona independienterekin batera hauteskundeetara aurkeztea debekatu nahi dute. Helburua bakarra dute buruan, ideia independentista eta ezkertzaleak dituen jendearen aukera hauteskundeetatik kanpo uztea.

XXI.mendeko inkisizioa bezala, informe polizialak dituzte oinarri nor aurkeztu daitekeen eta nor ez proposatzeko. Kontzertu batzuetara joatea edo hauteskunde plataforma ezberdinen alde sinatzea dira akusazio oinarri. GARA egunkariko kazetaria izatea edo manifa legal batera joatea. Bitartean Espainian ehundaka hautagai lapur, ustelkeria eta "malversacion de fondos" kasuetan nahasiak berriz ere aurkezten dira PSOE eta PPren zerrendetan. Baina horiek ez dute aurkezteko arazorik.

Non ikusi halakorik? Espainiak ez du sekulan kultura demokratikorik izan eta berdin jarraitzen du.
Munduan gutxi dira horrelako kasuak, Hego Afrikako ANC (African National Congress) alderdiaren ilegalizazio urteak (1960-1992) hartu daiteke konparazio bezala, harik eta 1980. urtean aliantza demokratiko zabal osatu eta hauteskundeetan azaldu zen arte. Gaur egun Turkiarekin alderatu daiteke alderdi Kurduak legez kanpo uzteko Espainiako alderdien legea hartu baitu oinarri Turkiak.

Egoera dena den lotsagarria da, bakarrik haiek bezala pentsatzen dutenei utzi nahi diete bozkatzen, gero Espainiako errestaurazioan bezala, izan Cánovas edo Sagasta, botera partekatu eta haien negozioak egiteko. Onartezina da.

BILDUk kontzentrazioa deitu du asteartean Trapagaranen. Aukera guztiak hauteskundeetan egon daitezen. Pertsona guztiek herrian ideia poltiko ezberdinak izan gora behera eskubide berdina izan ditzagun. Han izango gara.

KONTZENTRAZIOA
todas las opciones, todos los colores ILEGALIZAZIORIK EZ!
maiatzak 3, asteartea
20:00etan La Caixa parean

2011-04-26

1937ko apirilak 26: GERNIKA

Orain dela 74 urte, gaur bezalako egun batez gertatu zen Gernikako bonbardaketa. Poblazio zibilaren aurkako lehenbiziko bonbardaketa indiskriminatua izan zen Gernikakoa. Trintxerako gerratik bonbardaketa masiboen gerretara pasatu zen, eta horrela gaur egun esan dezakegu zibilak direla oraingo gerretan gehien sufritzen dutenak.

1937ko udaberria zen eta gerra hasia zen Espainian. Militarrak altxatu ziren Frente popularreko gobernuaren aurka eta koiuntura horretan euskal abertzaleek PNV eta ANVren gidaritzapean faxisten aurka eta gobernu errpublikarraren alde borrokatzea erabaki zuten. Horrela sozialista, anrkista, komunista eta abertzaleekin Eusko Gudarostea osatu zen. Aldi berean Espainiako gobernu errepublikarrak euskal lurraldeentzako autonomia onartu zuen. Ordurako frentea Bizkaiko mugan zegoen eta Eusko Jaurlaritzak Bilboko Carlton hotela hartu zuen egoitza bezala. Denbora gutxian euskal txanpona, armada eta abar eratu ziren.

Fraxistek lehen bait lehen Madril hartzea zuten helburu, gerra azkarra nahi egin , indarrak aldiz, berdinduta zeuden eta hasierako saiakeran ez zuten Madrilen sartzea lortu. Orduan estrategia aldatu eta iparraldeko frontea hartzea jarri zuten helburu. Fronterik ahulena zen, isolatuta zegoen eta zuten antolakuntza sendorik. 1937an Bizkaiko frontean faxisten ofentsiba hasi zen. Bonbardekata ugari izan ziren. Durango, Otxandio, Trapagaran ere bai bonbardatu zuten. Apirilaren 26an berriz, Gernikaren txanda izan zen, herria erabat suntsituta gelditu zen, 300 pertsona inguru hilik. Euskal Herriaren askatasun nahia kolpaturik eta gerra galdu ondoren beste belaunaldi berri bat heldu behar izan zen, frankismokoaren aurrean euskal herriaren sugarrari indar eman eta eusteko. Gerrak ulertzeko modua ere erabat aldatu zen.


Denbora pasatu da, baina ez dezagun ahaztu gauzak nola izan ziren, berriz ere ez daitezen errepika.

2011-03-31

LEGALIZAZIOAREN ALDE larunbatean Bilbora.

Kataluniako 200 pertsonalitatek Euskal Herrian egiazko demokrazia eta bakearen aldeko agiri bat sinatu eta publiko egin dute. Espainiako estatuaren inboluzio politikoa salatu dute eta askatasun zein eskubide demokratikoak eskatu dituzte.

Espainiako auzitegi gorenak ez du SORTU alderdia legez kanpo utzi du eta ez dio udal hauteskundeetara aurkezten uzten. Soziologo guztiek esaten dute, Euskal Herria plurala da, tendentzia ideologikoak 4 bloke handitan banatzen dira, ezkerra-eskuina, abertzale eta españolista. Erabaki honekin ezkertiar eta abertzale den sektorea jokoz kanpo utzi nahi du Espainiako gobernuak.

Ze demokrazia klase da hori? Zergatik dio beldurra aukera horri? Enpresa eta lagunen negozioetan segitu nahi dute beste alderdi politiko guztiek, PP-PSOE artean agintea banatuz Espainian, PSOE-PNV artean Euskal Herrian. Aipatzen dute demokrazia, Espainian ordea demokrazia gutxi, herri mugimendua hilik, ezker sindikatuak erosirik, Cánovas eta Sagasta. Lehen bai lehen lortzen badugu independentzia hobeto biziko gara, eskubide demokratiko guztiekin, egiazko hauteskundeekin.

Horregatik joango gara larunbatean Bilbora, aukera guztiak, kolore guztiak hauteskundeetan egon daitezen.

Apirilak 2, larunbata
17:30ak La Casilla (BILBO)

2011-03-21

Abertzaleak goruntz Ipar Euskal Herriko hauteskunde kantonaletan.


Ipar Euskal Herriak ez du errekonozimendurik, ez da existitzen Frantziako egituraren barruan. Kontseilu Orokorrerako hauteskundeak egin zituzten atzo. Kontseilu Orokorra Pauen dago, Euskal Herritik kanpo, horrek Euskal Herriko berezko arazoak eztabaidatzea oztopatzen du eta bertako arazoei aurre ezin egitea. Kontseilukideak eskualdez eskualde (Kantonamenduak) aukeratzen dira, 2 itzulitan. Lehenengo itzulian nahi beste zerrenda aurkezten dira, lehenego itzuli horretatik 2 zerrenda bozkatuenak pasatzen dira eta hamabost egun beranduago bi zerrenda bozkatuenen artean beste botaketa bat egiten da. Bozka gehien dituena izango da kontseilaria hurrengo 4 urtetan. Atzo Ipar Euskal Herriko 11 eskualdetako hauteskundeak egin ziren. Abertzaleek Garazi eta Iholdi eskualdetan bigarren itzulira pasatzea lortu dute.
Emaitzak nahiko onak dira, barnekaldean aukera sendoa da abertzaleena. Kostaldeko hirietan ordea oraindik bada lan handia egiteko. Abertzale proiektua badoa aurrera, Lapurdi, Baxe Nafarroa eta Xiberuan desberdintasunak gaindituz Euskal Herria BAI (EHBAI) koalizioa konsolidatzea eta abertzale bakar bezala indarrak elkartzea ahalbidetu delako.


Abertzale proiektua badoa aurrera, hauteskundeen gainetik gure proiektua kalez kale, etxez etxe, lagunez lagun lantzen ari baikara. Euskal Herria herriz herri eraikitzen ari gara eta hor Euskal Herri luze zabaleko abertzale guztiok itsasontzi berean goaz Baxe Nafarroatik Trapagaranera.

2011-03-02

Joan den astean Baxe Nafarroan agerraldia egin zuten 8 gazte iheslaritatik 7 atxilotu dituzte.


Urrian ihes egin behar izan zuten etxetik. Polizia segimenduak nabaritu zituzten eta atxilotuak izango ziren susmoan etxetik alde egin zuten. Operazio polizial horretan beste 13 gazte atxilotu zituzten eta sartu zituzten kartzelan, beste 8rek ihes egitea lortu zuten. Ez zizkieten etxean armak topatu, ez zieten beste materialik topatu. Euskal Herri independiente baten alde antolatua egotea, gazteen arazotaz kezkatzea eta inplikatzea izan da haien delitua. Haien moduan elkartzea eta SEGIkoak izatea.

4 hilabete egon dira ezkutuan 8 gazteak, lagunen etxeetan babestuak, atera gabe, guraso eta lagunekin hitz egin gabe. Ez dute ordea ezer egin! Horregatik joan den astean haien gordelekutik atera eta Izpura herrian (Baxe NAfarroa) prentsari deituta itxialdian jarri ziren.

Bizi publikoa eramango zutela esan zuten, iparraldean (Lapurdi-BaxeNAfarroa edo Xiberuan) bizimodua egituratzen hasi. Euskal Herriaren aldeko konpromiso eta borrokarekin segitu. Joan den aste osoan zehar horretan elkarte, sindikatu, kolektibo eta talde politiko askok adierazi zien elkartasuna eta babesa 8 gazte hauei. Horrela iparraldeko hainbat zinegotzi gazteak haien etxeetan hartzeko prest zeudela adierazi zuten. Horrela hasi dira gazteak iparraldeko hainbat hautetsiren etxeetan bizitzen.

IRATI TOBAR - Portugaleteko gaztea
(8 gazteetatik libre dagoen azkena)

Espainiako gobernuaren eskaria ordea berehala heldu da. Eskatu du gazteak Espainiara eramateko (Euroagindua) eta Frantziako gobernuak onartu. 8 gazteetatik 6 jadanik atxilotu ditu Frantziako poliziak eta epaileraren erabakiaren zain daude. Noiz arte horrela? Noiz amaituko da euskal gazteen aurkako persekuzio eta jazarpena? Independentzia eta sozialismoaren alde gaude, herrietan auzoetan lanean gaude, utzi bakean! Euskaldunak Euskal Herrian libre!

2011-02-24

Kanpotarrak gara gure herrian. Izpurako 8rak lekuko.

Iragan urrian izandako gazteen aurkako atxiloketetatik ihes egin zuten 8 gazte itxialdian jarri dira Izpuran (BAxe NAfarroa). Astelenean hasita aste bateko itxialdia hasi dute haien egoera salatzeko.


Gazteak dira, Espainiako kartzeletan dauden haien lagunak bezala ez zuten armarik etxean, txostenak, pegatinak, kamisetak, jai herrikoien alde lan egitea, gazteak bildu eta antolatzea, horiek izan dira haien delituak. Horregatik atxilotu, 5 egunez Espainiako poliziaren eskuetan inkomunikaturik egon eta sartu zituzten kartzelara haien lagunak. Finean, euskaldunak, gazteak eta abertzaleak izateagatik. Arriskutsua da hori Espainian.

8 gazte hauek poliziaren atzaparretatik ihes egitea lortu zuten, muga pasatu eta Lapurdi, Baxe Nafarroa edo Xiberuara heldu ziren. Frantziaren menpe dauden euskal lurraldeak. Hizkuntza bera, askatasuna amesten duen lur bera, herri bera.

Euskaldunak ordea ez gara libre gure lurrean. Milaka izan dira Pirinoen hegoaldeko ibarretatik historian zehar iparraldera ihes egin dutenak espainiar poliziengandik ihesi, soldaduskari desertatuz, gerra zibiletik ihesi, karlistadetatik ihesi eta alderantziz, inkisizioari ihesi, gerra mundialetik ihesi...

Azken aldian ordea frantziako poliziak euskal militanteak atxilotu eta Espainiara bidaltzen. Euroagindua deitzen diote prozedura honi. 8 gazte hauek haien jarduera sozial eta politikoagatik Espainiartuak izateko arriskuan daude. Noiz izango gara libre gure herrian? Euskaldunak Euskal Herrian libre! EUROAGINDURIK EZ!





2011-02-23

23 - F: LIBIA eta PANARABISMOA

Arabiar herrialde guztietara zabaltzen ari dira protestak. Tunisian hasi zen, Egipton jarraitu eta oraingoan Libian jarraitzen dute herritar protestek. Gainera Barhein, Yemen, Jordania, Irak eta Iranen ere hasiak dira manifestaldiak eta liskarrak.

Nola gauzkate komunikabideek informatuta? Bitxia egiten da mendebaldeko estatuen jarrera aztertzea. Orain gutxi arte Europar estatuak afrika iparraldeko gobernuekin petrolio eta gas negozioetan aritu direnean, afrika iparraldeko gobernu guztiek zeukaten label demokratikoa, ez zegoen arazorik inon. Orain ordea herritar matxinadak piztu direnean kontatzen digute urte luzeetan gobernuan daramaten diktadura zorrotzak direla. Langabezia tasak itzelak direla. Exportatzen duten petrolio, gas eta balibideek ez dutela herritarren ongizatea hobetzen....

Arabiar herrialdeetako gobernuen jatorria: INTERNAZIONAL SOZIALISTA

Gaurko arabiar estatuetako diktadurek 60.hamarkadan dute jatorria. Deskolonizazio prozesuen ondoren eman ziren iraultzek hasieran itxura ezkertiarreko gobernuak ekarri zituzten arabiar herrietara. Horrela izan zen Libiaren kasua. Mohammed Gaddaffi 1969an iritsi zen boterera Libiako iraultzaren ondorioz. Libiako erregea kaleratu zuten, arabiar sozialismoaren jarraitzailea izan zen, ildo anti-inperialistekoa, horregatik kaleratu zituen Libiatik bertan zeuden italiar guztiak 1970.ean.
Garai hartako iraultzen ondorioz sorturiko afrika iparraldeko arabiar gobernu ugari bezala orduko internazional sozialistan egon ziren sartuta. Gobernuburu haiek gero denborarekin ildo horretatik urrundu, mendebaldeko estatuekin lerratu eta haien menpe jarri ziren arte. Petrolio eta gasa izateak zein Europako enpresa handiek bertan dituzten interesek eman mendebaldeko estatuen onespena eta laguntza.


Bi aukera: Apurketa edo espainiar estiloko transizioa

Egoera horretan, ikaragarrizko langabezia tasen artean, gazteentzako etorkizunik gabe, afrika iparraldeko diktadurek etengabe armada handitzen, beraien inguruko jauntxoak gizentzen, ez dute jakin aberastasuna banatzen. Petrolio eta gasak ematen dizkien baliabideek ez dute herritarren ongizatea hobetzeko balio izan. Hor piztu dira protestak eta borrokak. Orain zer gertatuko den da galdera. Bi aukera nagusi daude;:

Iraultza: Herritarren protestek jarraitu eta egiazko aldaketak gertatzea. Herri boterea, arabiar herrialdeak gobernatzeko estilo propioa garatzea, aberastasuna banatzea, herrialdearen garapenean, ikerketa, baliabideetan, inbertitzea... Munduaren aurrean haien subiranotasuna gauzatuz.

Espainiar moduko transizioa: Gaur da 23F eta egunkari guztietan azaldu da 1981ean Tejerok eman zuen estatu kolpearena. Askok aipatu dute kolpe horren ondorioz ez zela egon frankismoarekin apurketarik eta Espainiako "demokrazia" sortzeko balio izan zuela. Azala aldatu mamia ez aldatzeko. Lehengo jauntxoak edo haien semeak boterean jarraitzeko. Azken egoera hau da Europako gobernuek bilatzen dutena, herrialdeetako jauntxoekin tratuetan jarraitzeko.


PANARABISMOAN al Andalus
60.hamarkadako iraultza islamikoetan garatu zen ideologia zen Panarabismoa. Arabiar herrialde guztiak elkartzearena, gaur egun ikusten da baldintzak antzekoak direla. Afrika iparralde guztia sutan dago, nork daki laster batean iraultza sukarra Andaluzian gora hasiko ez ote den, azkenean Espainia hegoaldeko langabezia datuak (%40) ez dira afrika iparraldeko hain ezberdinak eta herri boterea lortzeko antolakuntza eta borroka, ez dago besterik, hemen eta Soweton.

2011-02-17

Udaberria SORTU: Larunbatean Bilbora manifa.


Udaberria eta hasiak dira aran zuhaitzak loratzen, laster etorriko dira gereziondoak eta atzetik gainontzekoak. Udaberriarekin batera SORTU alderdia aurkeztu du ezker abertzaleak, aurreikuspen guztiak apurtuz alderdien legea beteko duela adierazi du.

Beste garai berri batean sartuko garela dirudi, eztabaida politikoa, herrigintza eta kaleko masa mobilizazioa gailenduko direna. Atzo bertan Britainia Handiko parlamentuan euskal gatazkaren konponbideaz jardun zuten. Kontextu horretan ahul aurkitzen da espainol proiektua Euskal Herrian: PP eta PSOE elkarrekin eta tranpak eginda gobernatzen Kubako independentzia prozesuan (1895) kontserbadore eta liberal espainolak elkar hartuta aritu ziren moduan.

Euskal Herriak mendeen joanean beti iraun dio alboan izan dituen bi potentzia handien erasoei. Mantendu dugu euskara eta gure ikusmolde propioa. Jakin dugu garaietara moldatzen: gerra karlistak galdu genituen eta abertzaletasuna sortu zen. Espainiako gerra (1936) galdu genuen baina hurrengo belaunaldiarekin ETA sortu zen. Ilegalizaturik, bazterturik, zuzendaritza guztiak kartzelaturik baina nola edo hala iraun dugu beti xutik euskal erresistentziak.



Udaberria dator, hasi dira zuhaitzak loratzen eta oraingo loraldia inoizkoa baino sendoago, indartsuago dator. Aukera guztiak hauteskundeetan! Sar gaitezen fase berrira, bultza dezagun sarrera, ETAk aspaldi eman du su etena, legalizatu daitezen orain aukera guztiak. Horregatik izango gara Bilbon:

LARUNBATEAN, otsailak 19
BAKEAREN BIDEAN LEGALIZAZIOA!
Manifestazio Nazionala Bilbon
17:30etan La Casillatik

2011-01-10

ETAren su etena: bideak aurrera darrai.

ETAk su eten iraunkor eta egiaztagarria eman du. Hasi dira telefonoak dantzan, berri ona batzuentzat, txarra besteentzat. Agintari espainolentzat inoiz ez da aski bere euskal herria makurtarazi nahi horretan. Otzan nahi gaituzte, domestikaturik, espainiar herriarentzat asmatu duten saroian asimilaturik. Baina kontrara, erabat galdurik ari dira Rubalcaba eta bere lagunak , prozesu honen sakontasuna ulertu ezinean.

"Domuit vascones" (Baskoiak menperatu genituen) idazten zuten erdi aroan Toledotik gobernatzen zuten bisigodoek. Errege batek bestearen atzetik, Domuit vascones jarriz kronika guztietan. Esaldi honen errepikapenak argi adierazten duenez, euskaldunak ez zituztela menperatu ahal izan. Izan ere ez gara atzo jaioak, aspalditik gatozen zuhaitza gara. Gure birraitonek gerra karlistak egin zituzten, gure aitite-amamak gudari izan ziren 1936ko gerran. ETArekin sasitartean, kartzeletan, ihesean, milaka izan dira azken 50 urteetan aritu diren osaba izeko, aita-ama edo lagunak.

Rubalcabak ordea prozesuaren sakontasuna ulertu gabe jarraitzen du. Ez du ulertzen mendiko lainoartean aritu direnez gain beste asko, milaka eta milaka aritu direla herrigintzan, euskararen alde, langileen eskubideen alde, kultura herrikoiaren alde, lurraldetasunaren alde, auzo elkarteetan herri boterearen alde, zentral nuklearren aurka, ekologismoaren alde, gure herria biziaraziz, mantenduz eta erresistituz.

Rubalcabak ez du ezer ulertzen esaten duenean joan den larunbateko manifaren harira euskal presoak kriminalak direla. Nola ulertzen da ordea 64.000 lagun Bilboko kaleetan euskal presoen eskubideen alde egotea? Europa osoan non ikusi da halakorik?

ETAk eman du urratsa eta zain gaude Espainiako biolentziak noiz amaituko. Bideak ordea aurrera darrai, sustraiak sakon ditu gure arbolak. Rubalcaba oker dabil uste badu Espainiako sistema politikoan sarturik, beste partiduak bezala ustelkerian murgildurik, poltronaren beroan akomodaturik desagertuko dela euskal erresistentzia. Langileak eta kaleko jende oinarri, beste mundu bat dugu amets, herri boterea, beste gizarte bat. Euskal Herria, lurraldea, kultura eta gure ikuskera propioa normal garatu nahi dugu XXI.mendeko munduan. Bertan bizi garenok kanpotik heldu eta heltzen direnekin batera. Ez gara makurtzen, agian mendia eta burni garaiak amaitu dira, baina bagoaz aurrera: inoiz baino gehiago kaleko aktibazioa, agitazioa, proiektu berrien eraikuntza, auzoz auzoko lana, herrigintza eta konfrontazioa piztera goaz. Bideak sakon aurrera darrai, aurrera goaz, independentzia eta sozialismoa, bietan ekinez.

NAZIOARTEKO ERREAKZIOAK:
Gerry Adams - Sinn Feinn

2010-11-16

AZAROAK 20: Santi Brouard eta Josu Muguruza


Institutuan Francisco Franco diktadorearen heriotza egun bezala ikasi dugu azaroaren 20a. Euskal Herrian aldiz, Santi Brouard eta Josu Muguruza euskal abertzaleen erahilketa egunak ditugu gogoan. Biak hala biak Euskal Herriaren askapen prozesuan konprometituak. Biak hala biak Herri Batasunako mahai nazionaleko kideak.

1984ko azaroaren 20n tirokatu zuten Bilbon zuen mediku kontsultan Santi Brouard. 1989an Madrileko Alcalá hotelean Josu Muguruza. HBk Espainiako parlamentuan bake proposamen bat aurkeztuko zuen bezperan.
Biak izan ziren espainiako gobernuak kontratatutako mertzeniari edo indar polizialek erahilak eta bien auziek jarraitzen dute ikertu gabe, errudunik aurkitu gabe, ezer azaldu gabe. Estatu Españolaren ardura atzean dagoen seinale.

Ordutik hona kateak etengabe segitu du bere bidean. Izan dira hildakoak batean eta bestean, atxilotuak eta desagertuak. Gizarteak jasan ditu aldaketak, munduko kontextuak ere bai. Baina ororen gainetik Euskal Herriaren askapen nahiak segitzen du bizirik: Santik eta Josuk ekin zuten bezala XXI.mendean euskaldun eta aske ibili nahiean, beste gizarte eredu justuago eta herrikoi bat eraiki nahiean. Estatuaren debeku, errepresio eta zapalkuntza guztiaren artetik euskal erresistentziak badirau, jakin du belaunaldi berriak lotzen zein etengabe eraldatzen eta aukera berriak irekitzen. Hortara dator datorren larunbatean Bilbon egingo den Josu eta Santiren urteroko omenaldia. Haien borroka ez da itzali, aurrera doa bolie!

LARUNBATA, azaroak 20
18:00etan BILBOKO La Casilla polikiroldegian

2010-10-26

Larunbatean Donostian TORTURARIK EZ!

Hasi dira joan den astean atxilotutako gazteak epailearen aurretik pasatzen. Lehenbiziko lauak espetxeratuak izan dira, tartean sestaoko Ruben Villa gaztea. Lauek tratu txarrak eta etengabeko presioak salatu dituzte.

Egunotan ari da burutzen ere, Donostiako auzitegian Igor Portu eta Mattin Sarasola Lesakarrak torturatzeaz akusatutako 15 guardia zibilen aurkako epaiketa. 2008ko urtarrilaren 6an izan ziren bi lesakarrak Arrasateko mendi gune batean atxilotuak. Kartzelara sartu aurretik Igor Portu sahiets apurtu batekin hospitalizatua izan zen eta Mattin Sarasola begiak ubelduta eta gorputza kolpez beteta sartu zuten kartzelan. Guardia zibilek kolpeak atxiloketa uneko erorketa baten ondorioz izan zirela deklaratu zuten atzo. Gaur aldiz Portuk eta Sarasolak bestelako bertsioa eman dute. Guardia zibilen abokatuak eta gastu guztiak estatuak bere gain hartu dituela ere jakin da.
Ez da kasualitatea Amnesty international erakundeak zein Nazio BAtuen Erakundeko (NBE) behatzaileek Espainian tortutak badaudela konfirmatu dute. Estatuaren ekinbidean ohikoak direla ezaguna da Euskal Herrian. Belaunaldiz belaunaldi torturak irauten du gure gizartean. Noiz arte?
Larunbatean manifestaldi deialdia egin dute Donostiarako Torturaren Aurkako Taldeak (TAT) eta torturak jasan dituzten herritarrek. Torturarik gabeko etorkizuna nahi dugu etorkizunerako! Aski da! TORTURARIK EZ! Eskubide guztiak guztiontzat!
URRIAK 30, larunbata
17:30etan DOnostiako Antiguoko tuneletik
MANIFESTALDIA TORTURARIK EZ!

2010-10-05

Urriak 12: Ameriketako kolonietatik Iruñeara - INDEPENDENTZIA!


1492ko Urriaren 12an heldu omen zen Cristobal Colon Karibeko irla batera. Ondoren Espainiar inperioaren zabalpena eta hegoa amerikako biztanleen genozidioa eta zapalketa etengabea. Urriaren 12a da Espainiaren eguna. Espainia handia, arraza, guardia zibila, inperialismoa, etengabe goraipatuko dute Espainiako irrati eta telebistetan. Desfile militarrak, armak eta izan ziren inperio haren oroitzapena, nahi eta ezinak.

Euskaldunentzat eta Espainiaren barruan ukaturik dauden beste nazioentzat ordea gure desagerpena, asimilazioa, ukazioa eta inposaketaren sinboloa da urriaren 12a. Ez dugu espainiaren zapalkuntza ospatzerik, guk ordea espainiak hego amerikan zein afrikan izandako kolonien independentzia ospatuko dugu. Deskolonizazioa aldarrikatuko dugu herri horietatik Euskal Herrira bizitzera etorri diren lagun berriekin, Ekuatoriano, Peruano, Brasileiro... guztiekin batera. Euskal Herria bertan bizi eta lan egiten dugun guztiok osatzen baitugu eta elkarrekin baigoaz askatasunera!

URRIAK 12an Iruñeara joateko deialdia egin du INDEPENDENTISTAK sareak. Meatzaldetik ere autobusa jarriko da bertara joateko, izena eman nahi baduzu bidali mail bat ostirala baino lehen basetxegaztetxea@gmail.com helbidera.

URRIAK 12, asteartea
17:00tan IRUÑEAKO golem zinemetatik
MARTXA BERDEA

2010-09-29

ESKUBIDE GUZTIAK GUZTIONTZAT: larunbatean Bilbora.


Etengabeko aldaketan, gelditu gabeko mugimenduan bizi da Euskal Herria. Aldatzen da jendea, gizartea, munduko baldintzak, kalea, hiriak, pentsamoldeak eta horren arabera, egoera berriei moldatuz mantentzen jakin duelako iraun du Euskal Herriak bizirik. Estatuen homogeneizazio eta asimilazio prozesuaren aurrean moldatzen jakin duelako eta ororen gainetik belaunaldi bat bestearen atzetik herriaren alde lotu delako. Historian modu ezberdinez erantzun diegu Espainiar eta Frantses estatuen zapalkuntzari. Matxinada herritar (Intifada) moduan karlistadetan, faxismoaren aurka 36ko gerran, ETArekin frankismoan eta ondorengo demokrazia faltsuan... eta paraleloki alternatibak eraiki ditugu, irakaskuntza euskaldundu, gau eskolak sortu, kultur ondarearen alde ekin, euskarazko hedabideak sortu eta zabaldu...

XXI.mendean sartzearekin batera ere badatoz aldaketak Euskal Herrira, Ezker abertzalearen Zutik Euskal Herria prozesuak molde aldaketa ekarri du Euskal Herrira. Gernikan joan den asteburuan Aralar, EA, AB, Alternatiba eta Ezker Abertzaleak plazaratutako BAKE BIDEAN adierazpenak edo ETAren su etenak zein GARAn eginiko elkarrizketak aldaketari ateak irekiak uzten dizkiote. Ezkerreko sektore abertzaleak biltzen ari dira, bloke edo bilgune bat sortzen, bide bat elkarrekin egiten. Estatuak ordea beldur itzela dio egiazko egoera demokratiko bati. Nola galerazi erabakitzeko eskubidea Euskal Herriari gehiengoak hori eskatzen badu? Eskozian datorren urtean dira egitekoak autodeterminazio erreferenduma, Groenlandian iaz onartu zuten, Kosovok bere independentzia eskuratu du. Esapiniak ez du inolaz ere hori onartu nahi Euskal HErrian. Horregatik nahigo du nola edo hala garatzen ari den prozesua hautsi eta beste urte luzez borroka armatu parametroetan segitu. Beste urte luzez sufrimendua, hildakoak, atxilotuak, bizkarzainak...

Horregatik ari da estatu espainola etengabeko probokazioan. Duela 2 aste EKINekoak izateaz akusatuta 9 gazte atxilotu eta kartzelatuz, orain ASKAPENAren kontra ekinez. Manifak debekatuz. Espainol estautak ez du konponbiderik nahi, herriak soilik du konponbidea bultzatzeko ahalmena. Horregatik giza uholdea osatu behar dugu larunbatean Bilbon. Bilboko kaleak gainezka jarri behar ditugu. Manifestatzeko eskubidea, hauteskundeetan edozein aukera egoteko eskubidea, eskubide guztiak guztientzat. Datorren larunbatean manifestazioa Bilbon.

Manifestazioa
DEBEKURIK EZ! ADIERAZPEN ASKATASUNA!
Urriak 2, larunbata
17:00etan La Casillatik (Bilbo)

2010-08-18

Francesco Cossiga hil da: Elkarrizketaren defendatzailea


Euskal gatazka konpontzeko, elkarrizketaren alde egin zuen behin eta berriz. Beldurrik gabe bere iritzia «zorrotz» adierazten zuen politikaria zen, harekin edo haren aurka aritu diren politikari askoren erranetan. ETAren indarkeria gaitzesten zuen, baina argi zeukan bide polizialek eta judizialek ez zutela euskal gatazka konponduko.

1950eko hamarkadan eman zituen lehen pausoak politikan, Alderdi Kristau-Demokrataren eskutik. 1966an, Italiako Defentsa idazkariorde izendatu zuten. Eta geroztik hainbat goi kargu bete zituen: Barne ministro (1976-1978), gobernuburu (1979-1980) eta Senatuko presidente (1983) izan zen. Errepublikako presidente aukeratu zuten ondoren (1985-1992). Azkenik, bizi osorako senatari kargua lortu zuen. Euskal alderdiekin harreman handia izan zuen, batez ere azken bi hamarkada hauetan.Bereziki Lizarra-Garazi akordiotik aurrera.

Alderdien Legean oinarriturik. Horren aurka altxatu zen Cossiga, adieraziz legea askatasunaren eta eskubideen kontra zihoala. Are gehiago, politikoki okerra zela zioen. Batasuna legez kanpo uztearen kontra agertu ziren nazioarteko lehen 70 eragileren artean izan zen.

Euskal Herriarekiko harremanak EAJrekin abiatu bazituen ere, urteak joan ahal ezker abertzalearekin biltzen ere hasi zen.

2006ko bake prozesuaren nazioarteko sustatzaile nagusietariko bat izan zen, izen handiko beste bost politikarirekin batera. 2007an Otegi eta Alvarez karzelan bisitatzeko baimena eskatu zuen, baina ez zioten erantzunik eman ere.

Cossiga ez zen independentista, baina argi zeukan Euskal Herriak erabakitzeko eskubidea zeukala, berezko hizkuntza, kultura eta izaera dauzkalako. Dudarik gabe Euskal Herriak lagun handi bat galdu du. Eskerrik asko Cossiga! eta betirako agur! ASKATASUN EGUNERA ARTE!

2010-06-28

2006ko bake prozesuaz: LOIOLAKO HEGIAK LIBURUAREN AURKEZPENA asteazkenean Trapagaranen


Zer dakigu 2006-2007 bitarteko negoziazio prozesuaz? Prozesu sakona izan zen eta Euskal Herriko gatazka beste konponbideratzeko zorian egon zen. PNV, PSOE eta Ezker Abertzalearen arteko Loiolako elkarrizketa sekretuak, Ginebrako kontaktuak.... Bertan izandako politikariak (Iñigo Urkullu -PNV-, JesusEgiguren -PSOE-, Arnaldo Otegi- Ezker Abertzalea)elkarrizketatu eta hiru bertsioak osatuz liburu bat idatzi berri du Imanol Murua, Berriako kazetariak. LOIOLAKO HEGIAK du izena liburuak.

Liburuaren aurkezpen-solasaldia izango da asteazkenean Trapagaranen izango da Imanol Murua. Gertatu zenaz gehiago jakin eta zure iritzia osatzeko, etorri!
Asteazkena, ekainak 30
19:00etan Trapagarango Olaso jauregian.


2010-03-16

Lapurdi, Baxe Nafarroa eta Xiberua, BATERA demokrazia partehartzailearen bidetik.



Erregio hauteskundeak izan dira iragan asteburuan Frantzian. Horren baitan Lapurdi, Baxe Nafarroa eta Xiberuako biztanleak Akitaniako erregioko ordezkariak hautatzeko deituak izan dira. EHBAI plataforma abertzaleak protesta bozkaren bidez, 4000 pertsonen sostengua lortu du. Emaitzak gora behera, bi mugimenduk erabili ditzute hauteskundeak herri kontsultak egiteko.

1-CADE (AHTren aurkako mugimenduak) Lapurdi kostaldean egin nahi duten Abiadura Handiko Trenaren proiekturen inguruko herri galdeketa antolatu zuen igandean Lapurdiko hainbat herritan (Senpere, Ahetze, Biriatu, Urruña, Azkaine, Arbona, Arrangoitze eta Basusarrin). Parte hartzeak % 40 egin zuen eta AHTren aurka azaldu ziren botoemaileen %90 inguru.

2-Bigarrenik BATERA plataformak berezko instituzio baten gaineko galdera eginez erreferenduma antolatu du iparraldeko 116 herritan. Hemen ere Frantziako gobernu ordezkariaren (prefeta) mehatxu eta oztopoen gainetik 30.000 pertsonek parte hartu dute kontsultan eta baiezkoaren alde azaldu ziren %74.

Gero eta gehiago entzuten dugu erreferendumak egiten direla han eta hemen herria hunkitzen duten gauzei buruz. Usurbilen Otsailaren 25ean egin zuten zaborrak jasotzeko sistemen inguruan, eta eztabaida sakon-publiko baten ondoren herritarrek aukeratu zuten zein sistema nahi zuten. Gero eta gehiago eskatzen du jendarteak gai konkretuez galdetua izatea. Herriak erabakitzea. Ikusiko dugu aurrerantzean agintariek nola erantzuten dioten eskari honi. Guk ere mugimendu guzti hauekin batera oihu egiten baitugu : Demokrazia partehartzailea!

2010-03-01

Independentistak: ARI GARA!


Ari gara, bidea ekinez egiten baita. Bidea elez baino, oinez egiten baita. Mendi oinetik poliki tontorrera bidean jartzea. Eta gu jada hasi gara.

ARI GARA sortu da, independentisten arteko sarea sortzeko asmoarekin jaio den herritar plataforma. Edonori, nahi duen guztiei, irekia. Lehen ekimena apirilaren 4ko Aberri Egunerako ari dira prestatzen. Zuk ere posible duzu sare honetako beste euskarri bat izatea. Atxikimendua emanez edo facebooken zaletuz.

ARI GARA independentistok, abian gara independentistok; oinarritik indar metaketaren bidean, oinarritik askatasunaren bidean.

INFO+: Manifestua

2010-02-15

Nelson Mandela

20 urte dira Nelson Mandela "Madiba" kartzelatik atera zela. Garai latzetan bizi izan zen: 1948tik apartheid egoera ezarria zegoen Hego Afrikan. Apartheida gehiengo ziren beltzen eskubide murrizketan oinarritzen zen horrela zuriek agintea beti kontrolpean zuten, baliabide ekonomikoak kudeatu eta aberastasunak pilatu.

Apartheidaren aurka sutsuki borrokatu zen Mandela, ANC (African National Congress) alderdian aritu eta Umkhonto we Sizwe erakunde armatuko buru izan zez. Horregatik 27 urte eman zituen kartzelan (1962-1990). Denbora horretan guztian, oso baldintza gogorrak bizi izan zituen, tartean sarritan jarri zioten aurrean damutu eta bere bizitza pertsonalean hobekuntzak izateko aukera. Mandela ordea ez zen sekulan damutu eta apartheida zirauen bitartean justizia ideiei tinko eutsi zien.

Artean kaleko mugimendua gero eta biziagoa zen, ondorioz 1990ean Apartheid erregimena bertan behera utzi behar izan zuen orduko gobernuak. Horrekin bat apartheidaren aurka aritzeagatik legez kanpo eta "terrorista" zerrendetan zeuden alderdiak baimendu zituen. Mandela egun batzuk beranduago irten zen espetxetik eta 1994ean Mandela Hego Afrikako lehen presidente beltza bihurtu zen.

Hau guztia jakinda bitxia da ikustea nola hainbat komunikabide españolistek orain Mandelaren ibilbidea edukiz hustu eta zein errexki goraipatzen duten. Ordea, gure inguruan gertatzen diren eskubide urraketak babesten dituzte. Soweton Euskal Herrian baino hobeto?

Hego Afrikari 20 urte beranduago begiratuta: Bistan da, apartheida eraitsi zutela, hainbat eskubide bermatu, baina justizia soziala eta berdintasun osoa ordea hurrun dira. Hego Afrikako lurren %80 zurien esku daude eta soilik %3,6 beltzen esku. Oraindik %26 langabezian daude eta %43 egunean euro batekin bizi dira. Bidea bada egiteko.

2010-02-12

Ez torturarik, ez Euskal Herrian ez inon.


Injustizia egoerak berarekin eraman ohi du sufrimendua eta zigorra injustizia horren aurka altxatzen direnen aurka. Horretarako estatuak bere tresneria armatua izaten du. Indar polizialak, errepresioa eta kartzela. Kontestu horren baitan, Euskal HErria ez da zortixarrez salbuespena, horrela esan daiteke 1936an hasi eta gaur arte ez dela tortura ezagutu ez duen euskal belaunaldirik jaio gurean. Inkomunikazio aldian eginiko atxiloketa eta deklarazioek tortura sufritzeko aukerak handiagotzen ditu, hala diote nazioarteko eragile eta erakundeek (amnesty international-ek eta beste) . Horrela azken hilabetean txapelgorrien eskuetatik atxilotuak eta inkomunikatuak izan diren Ondarruko 9 gazte ikusi ditugu pasatzen. Gehienek salatu dituzte torturak. Beste behin ere.

Horregatik torturaren desagerpena aldarrikatzeko protestaldia egiten da Euskal Herrian urtero Otsailaren 13an . 1981eko Otsailaren 13a izan baitzen Joxe Arregi zizurkildarra, Carabanchelgo espetxean hilik agertu zen eguna, 10 egun inkomunikatuta polizi indarren eskuetan igaro ondoren.

Gure eskualdean Sestaon izango da deialdia:
Larunbata, Otsailak 13
20:00tan Sestaoko Kasko plazatik
TORTURIK EZ! hemen ez inon.