Urriak 12: Ameriketako kolonietatik Iruñeara - INDEPENDENTZIA!

1492ko Urriaren 12an heldu omen zen Cristobal Colon Karibeko irla batera. Ondoren Espainiar inperioaren zabalpena eta hegoa amerikako biztanleen genozidioa eta zapalketa etengabea. Urriaren 12a da Espainiaren eguna. Espainia handia, arraza, guardia zibila, inperialismoa, etengabe goraipatuko dute Espainiako irrati eta telebistetan. Desfile militarrak, armak eta izan ziren inperio haren oroitzapena, nahi eta ezinak.

Euskaldunentzat eta Espainiaren barruan ukaturik dauden beste nazioentzat ordea gure desagerpena, asimilazioa, ukazioa eta inposaketaren sinboloa da urriaren 12a. Ez dugu espainiaren zapalkuntza ospatzerik, guk ordea espainiak hego amerikan zein afrikan izandako kolonien independentzia ospatuko dugu. Deskolonizazioa aldarrikatuko dugu herri horietatik Euskal Herrira bizitzera etorri diren lagun berriekin, Ekuatoriano, Peruano, Brasileiro... guztiekin batera. Euskal Herria bertan bizi eta lan egiten dugun guztiok osatzen baitugu eta elkarrekin baigoaz askatasunera!

URRIAK 12an Iruñeara joateko deialdia egin du INDEPENDENTISTAK sareak. Meatzaldetik ere autobusa jarriko da bertara joateko, izena eman nahi baduzu bidali mail bat ostirala baino lehen basetxegaztetxea@gmail.com helbidera.

URRIAK 12, asteartea
17:00tan IRUÑEAKO golem zinemetatik
MARTXA BERDEA

Urriak 12: Ezer ospatzekorik ez.

Urriaren 12a: Espainiaren eguna. Euskal Herrian berria ezaugarri negatibo nabamenak dituen eguna. Euskaldunontzat egun humillagarria, Espainiaren garaipena ospatzen du egun honek eta noski euskaldunon etengabeko askatasun ekimenen porrotaren aurrean. Nafarroako 1512ko konkistatik hasita azken euskal borrokalarien erorketaraino.

Ez da hori egun honek azaltzen duen ezaugarri negatibo bakarra. 1492ko urriaren 12an heldu zen Cristobak Colon ameriketara. Hor hasi zen bertako herrien hondamendia eta Espainol inperioaren zabalkundea. Justu egun hori baliatzen dute españolek haien egun gisa. España handia beti gogoan, haien inperioko urrezko garaien malenkoniaz.

Urriaren 12, Guardia zibila eta espainiako armadaren eguna. Desfile militar eta paseoak dira eguneko ekitaldi garrantzitsuenak. Militarrak doazela pikutara, hemen edo nonnahi!
HEgo Amerikako herriak askatu ziren Espainiaren zamatik, eta inork ez du itzultzerik eskatu. Baina oraindik orain bagara Espainiaren handinahia jasaten dugun herriak (Països Catalans, EH, Galiza...). Eta lanean gaude, etengabe, gelditu ezinik, iñurri bezala. Helduko da gure eguna. Astelena, urriak 12, Euskal Herrian hainbat lantoki eta ikastetxe irekiko dituzte, hemen ez baitugu ezer ospatzekorik.