Larunbatean Donostian TORTURARIK EZ!

Hasi dira joan den astean atxilotutako gazteak epailearen aurretik pasatzen. Lehenbiziko lauak espetxeratuak izan dira, tartean sestaoko Ruben Villa gaztea. Lauek tratu txarrak eta etengabeko presioak salatu dituzte.

Egunotan ari da burutzen ere, Donostiako auzitegian Igor Portu eta Mattin Sarasola Lesakarrak torturatzeaz akusatutako 15 guardia zibilen aurkako epaiketa. 2008ko urtarrilaren 6an izan ziren bi lesakarrak Arrasateko mendi gune batean atxilotuak. Kartzelara sartu aurretik Igor Portu sahiets apurtu batekin hospitalizatua izan zen eta Mattin Sarasola begiak ubelduta eta gorputza kolpez beteta sartu zuten kartzelan. Guardia zibilek kolpeak atxiloketa uneko erorketa baten ondorioz izan zirela deklaratu zuten atzo. Gaur aldiz Portuk eta Sarasolak bestelako bertsioa eman dute. Guardia zibilen abokatuak eta gastu guztiak estatuak bere gain hartu dituela ere jakin da.

Ez da kasualitatea Amnesty international erakundeak zein Nazio BAtuen Erakundeko (NBE) behatzaileek Espainian tortutak badaudela konfirmatu dute. Estatuaren ekinbidean ohikoak direla ezaguna da Euskal Herrian. Belaunaldiz belaunaldi torturak irauten du gure gizartean. Noiz arte?

INFO+: Amnesty international erakundearen informea deskargatu

Larunbatean manifestaldi deialdia egin dute Donostiarako Torturaren Aurkako Taldeak (TAT) eta torturak jasan dituzten herritarrek. Torturarik gabeko etorkizuna nahi dugu etorkizunerako! Aski da! TORTURARIK EZ! Eskubide guztiak guztiontzat!

URRIAK 30, larunbata

17:30etan DOnostiako Antiguoko tuneletik

MANIFESTALDIA TORTURARIK EZ!

ESKUBIDE GUZTIAK GUZTIONTZAT: larunbatean Bilbora.

Etengabeko aldaketan, gelditu gabeko mugimenduan bizi da Euskal Herria. Aldatzen da jendea, gizartea, munduko baldintzak, kalea, hiriak, pentsamoldeak eta horren arabera, egoera berriei moldatuz mantentzen jakin duelako iraun du Euskal Herriak bizirik. Estatuen homogeneizazio eta asimilazio prozesuaren aurrean moldatzen jakin duelako eta ororen gainetik belaunaldi bat bestearen atzetik herriaren alde lotu delako. Historian modu ezberdinez erantzun diegu Espainiar eta Frantses estatuen zapalkuntzari. Matxinada herritar (Intifada) moduan karlistadetan, faxismoaren aurka 36ko gerran, ETArekin frankismoan eta ondorengo demokrazia faltsuan... eta paraleloki alternatibak eraiki ditugu, irakaskuntza euskaldundu, gau eskolak sortu, kultur ondarearen alde ekin, euskarazko hedabideak sortu eta zabaldu...

XXI.mendean sartzearekin batera ere badatoz aldaketak Euskal Herrira, Ezker abertzalearen Zutik Euskal Herria prozesuak molde aldaketa ekarri du Euskal Herrira. Gernikan joan den asteburuan Aralar, EA, AB, Alternatiba eta Ezker Abertzaleak plazaratutako BAKE BIDEAN adierazpenak edo ETAren su etenak zein GARAn eginiko elkarrizketak aldaketari ateak irekiak uzten dizkiote. Ezkerreko sektore abertzaleak biltzen ari dira, bloke edo bilgune bat sortzen, bide bat elkarrekin egiten. Estatuak ordea beldur itzela dio egiazko egoera demokratiko bati. Nola galerazi erabakitzeko eskubidea Euskal Herriari gehiengoak hori eskatzen badu? Eskozian datorren urtean dira egitekoak autodeterminazio erreferenduma, Groenlandian iaz onartu zuten, Kosovok bere independentzia eskuratu du. Esapiniak ez du inolaz ere hori onartu nahi Euskal HErrian. Horregatik nahigo du nola edo hala garatzen ari den prozesua hautsi eta beste urte luzez borroka armatu parametroetan segitu. Beste urte luzez sufrimendua, hildakoak, atxilotuak, bizkarzainak...

Horregatik ari da estatu espainola etengabeko probokazioan. Duela 2 aste EKINekoak izateaz akusatuta 9 gazte atxilotu eta kartzelatuz, orain ASKAPENAren kontra ekinez. Manifak debekatuz. Espainol estautak ez du konponbiderik nahi, herriak soilik du konponbidea bultzatzeko ahalmena. Horregatik giza uholdea osatu behar dugu larunbatean Bilbon. Bilboko kaleak gainezka jarri behar ditugu. Manifestatzeko eskubidea, hauteskundeetan edozein aukera egoteko eskubidea, eskubide guztiak guztientzat. Datorren larunbatean manifestazioa Bilbon.

Manifestazioa
DEBEKURIK EZ! ADIERAZPEN ASKATASUNA!
Urriak 2, larunbata
17:00etan La Casillatik (Bilbo)

Adierazi Trapagaran: Larunbatean guztiok Bilbora.

Herria modu askotan adierazten da, leku askotan. Triste batzutan, alai bestetan. Hitzez, idatziz, kantuz edo dantzaz, oihu garraxiz zein xuxurlaka. Unearen arabera, kontestuaren arabera. Eskubideak murriztuak daude ordea gure herrian. Ez da libre adieraztea Euskal Herrian. ETA adierazi da atzo ekintza armatuen etenaldia aldarrikatu du. Herritarrei dagokigu orain estatuei euskal herrian eskubide guztiak errespetatuak izan daitezen eskatzea, aldarrikatzea eta lortzea. Aukera guztiak posible izango diren egiazko demokrazia eszenatoki bat lortzea. Horregatik manifestaziora deitu dute ADIERAZI EH taldeak larunbaterako Bilbon. Horregatik da hain garrantzitsua Bilboko kaleak jendez betetzea, gainezka jartzea:

1.Eskubide guztiak pertsona guztientzat Euskal Herri osoan indarrean jarriko dituen egoera berri bati atea irekitzeko.

2.Eskubide zibil eta politikoen, giza eskubideen, eskubide indibidual eta kolektiboak errespetatuak izateko.

• Bizitza eta askatasuna
• Euskal presoak Euskal Herrira. Kondena bete dutenak eta gaixorik daudenak kalera.
• Inkomunikazioa eta torturak gelditu
• Adierazpen askatasuna: pertsona guztiak, proiektu guztiak, aukera guztiak.
• Alderdi eta erakundeen legalizazioa, eta ondoriozko auzi eta sententzia guztiak indargabetzea.

Ezker Abertzalea, EA, Aralar eta Alternatiba alderdiek babesa eman diote manifestazioari, baita EB eta PSNko hainbat kideek ere.

ADIERAZI EH
ESKUBIDE GUZTIAK,
GUZTIENTZAT, EUSKAL HERRI OSOAN
MANIFESTAZIOA
Datorren larunbatean irailak 11
17:30etan Bilboko La Casillatik

Jendetza bildu behar gara Bilbon, jende uholdea olatu erraldoi bihurtu. Adierazi Trapagaran! Adierazi gaitezen gu ere, larunbatean Bilbo!. Elkarrekin joango gara herritik. Trapagarango geltokian arratsaldeko 17:00tan.