Datorren astebururako prest dago San Gabriel auzoko jaiak beste urte batez ospatzeko. Aurtengo nobedadeak haurrentzako proposatzen den programazio sendoa, TURUTA IRRATIAK plazatik larunbatean auzoko giroa jasotzeko zuzenean egingo duen irrati programa eta auzotarren artean egingo den GRAFITTIA izango dira.
Honez gain urteroko moduan, ostiralerako haurrentzako tailerrak, dantza plaza eta bertso afaria daude programatuta, larunbatean LONJERO EGUNA eta igandean goizeko urteroko dantza alardea eta arratsalderako pilota partida zein harrizulatzaile txapelketa daude programatuta.
Auzo elkarteak, gaztetxeak eta Danetarako dantza taldeak elkarrekin antolatzen ditugu jaiak, jai batzorde auzotarrean elkartuz. Ikuspegi herrikoi eta lokal batetatik auzoan murgildu nahi dugu eta auzoari bizia eman. Jaiak pertsonen elkar leku dira, argi geratzen da hori gazteok antolatzen dugun lonjero egunean. Herriko taldeei, herriko kulturari ematen diegu leku eta ez dugu intermediariorik baliatzen kultur ekintzak egiteko, horregatik autogestionatzen ditugu gure jaiak.
Posible da jaiak beste modu batez antolatzea, auzotarrengandik abiatuz egitea. San Gabrielgo jaiak herritarrak dira, gureak eta zureak, parte hartu nahi duenarenak, eta horrela jarraitu dezala nahi dugu.
AURRERA SAN GABRIELGO JAIAK! GOZATU eta PARTE HARTU!
Posible da jaiak beste modu batez antolatzea, auzotarrengandik abiatuz egitea. San Gabrielgo jaiak herritarrak dira, gureak eta zureak, parte hartu nahi duenarenak, eta horrela jarraitu dezala nahi dugu.
AURRERA SAN GABRIELGO JAIAK! GOZATU eta PARTE HARTU!
INFO+: Jaietako egitaraua osorik hemen
