Asteazkeneko asanblada emankorra izan zen, aurtengo kurtsoari buruzko proiektu eta ideiak trukatu genituen eta hauek gauzatzeko lehen urratsak ematen hasi.
AUTOGESTIOA da oinarri. Hortik abiatuz aisialdi eta kultura eskaintza bat eraiki nahi dugu gure herrian. Dohainik izango dena eta herritarron baitatik sortuko dena. Astean zehar lokalari bizia ematen dioten tailer eskaintza bat antolatzen ari gara eta asteburuetan gazteok elkartzeko kultur ekintzak antolatu nahi ditugu, gure arteko harremanak sortzeko, elkartzeko, ondo pasatu, gure interesak landu eta herrian murgiltzeko.
Asanbladan antolatuko dugu hori guztia, herriko kultur eta sozial bizian parte hartuz eta gaztetxean alternatibak antolatuz. Datorren asterako gelditu gara gaztetxean egin daitezkeen ekintzen (hitzaldi, zinema, poesia, antzerki, kontzertu, monologo, zirko...) gaineko ideiak asanbladan proposatzeko eta kultur agenda hori osatzeko. Zure alternatiba eraiki nahi baduzu, musika ensaiatu, zerbaitetan hasi, antzerki, kontzertu, hitzaldi, zinema... antolatu. ETORRI eta proposatu ASANBLADAN!
GAZTE ASANBLADA
ostiralero 17:00etan gaztetxean
