TRAPAGARANEN, JAI HERRIKOI ETA PARTEHARTZAILEAK EGINGO DITUGU

Pasa den astelehenean Gaztetxean koadrila eta talde batzuk bildu ginen jaiei buruz hitz egiteko, hona Bileratik ateratako ondorioak:

Jaiak Herritik Herriarentzat ekimenari segida emango diogu!

San Gabrielen elkarte ezberdinek aurkeztu genuen jai herrikoien aldeko ekimena herrian zabaltzen jarraituko dugu; jai partehartzaileak nahi ditugulako, auzoetako jaiak indartu nahi ditugulako, Jai Batzorde demokratikoa nahi dugulako, jaiak herritik eta herriarentzat nahi ditugulako…

EKIMENA OSORIK: HEMEN

Horretarako datozen egunotan ekimena kalera aterako dugu:

Hasteko, herriko komertzioetara joko dugu. Dendariei Trapagarango jaietan gertatzen ari dena azalduko diegu eta euren ateetan Jai herrikoi eta partehartzaileen aldeko karteltxo bat jar dezatela eskatuko diegu. Animatu eta lagundu mezua zabaltzen!

Ekimena komertzioetan zabaltzeko kedada:
UZTAILAK 26, ASTELEHENA
17:00etan
Pi tabernan

Egitarau partehartzailea osatu dugu!

Trapagarango Jai Batzordean Pilarrek ez digu egitarau herrikoi eta partehartzailea osatzen utzi, baina herriak behar hori du; herriko zahar eta gazte, neska eta mutilen arteko bilguneak eskatzen ditu. Trapagarango herriak jaietan parte hartu nahi du, ez dugu Pilarrek ekartzen dituen espektakulu horien ikusle bakarrik izan nahi. Guk geuk eraiki ditzagun gure jaiak!! Kalea gurea da!
Asteleheneko bileran egitarau partehartzaile hau osatu genuen:

ABUZTUAK 31, ASTEARTEA (TXUPINAZOA)
19:00etan kalejira musikatua Txosnagunetik Udaletxeko plazara
19:45-20:15 KONTZENTRAZIO MUSIKATUA: Jai herrikoi eta partehartzaileen alde
20:30etan POTEO MUSIKATUA Udaletxeko plazatik
GAUEAN KARAOKEA

IRAILAK 1, ASTEAZKENA
21:00etan HERRIKO MUSIKA TALDEEN KONTZERTUAK Txosnagunean

IRAILAK 2, OSTEGUNA
Arratsaldean HARRIZULATZAILEEN PROBA txosnagunean

IRAILAK 3, OSTIRALA
20:00etan KOADRILEN ARTEKO RALLY POTEOA txosnagunetik

IRAILAK 4, LARUNBATA
13:00etan KOADRILEN ARTEKO HERRI KIROLAK Txosnagunean
15:00etan PAELLA LEHIAKETA Txosnagunean
18:00etan KOADRILEN JAITSIERA Olaso Jauregitik Txosnagunera

IRAILAK 5, IGANDEA
18:00etan GOITIBERA JAITSIERA La Rozadako aldapan

JAI HERRIKOI ETA PARTEHARTZAILEEN ALDEKO HURRENGO BILERA IREKIA:
ABUZTUAK 30, ASTELEHENA
19:00etan Txosnagunean

Txosnek elkarlanean jarraituko dugu!

Azken urteotako esperientzia baikorretik abiatuta, txosnak jartzen ditugun taldeak elkarlanean jarraituko dugu:

TXOSNA BATZORDEKO BILERA:

UZTAILAK 29, OSTEGUNA
18:30etan Udaletxeko plazan