Meatzaldeko gazteria martxan jarri gara! Herri ezberdinetako gazteak, erakunde, elkarte eta bilgune ezberdinetako gazteak elkartzea dugu helburu, modu ireki eta zabal batez gure eskualdearen etorkizuna eraikitzeko. Horretarako eztabaida jardunaldiak antolatzen ari gara abenduaren 13 eta 14rako Trapagarango gaztetxean.
Sistemaz, agintariez eta haien inposaketez kexatzen gara, posible da ordea gauzak beste era batez egitea? nola eraikitzen ditugu gure harremanak? nola bizi generoei inposatzen zaizkigun rolak? Ze hezkuntza sistema bizi dugu? eta nolakoa nahi genuke? Ze aukera dugu gurasoen etxetik joan eta gure kabuz bizitzeko? lan munduan zein da gure etorkizuna?
Kapitalismoak eta patriarkatuak itotzen gaitu, gazteoi etorkizun iluna utzi. Horregatik jardunaldi hauen inguruan elkartu gara lehenbiziko aldiz meatzaldean eskualdeko gazte elkarte eta erakunde alternatibo eta ezkertzaleak
(eskualdeko gazte asanbladak, Ernai, Gazte Komunisten Kolektiboak, Kimetz erakundea....) ahal den gazte gehienen artean ideiak konpartitzeko. Zer egin dezakegu guk geuk gure herrietan, gure eskualdetik, gauzak aldatu eta beste modu batez bizitzeko?
Zuk zerbait egin nahi duzu? Etorri jardunaldietara! Ideiak konpartitu eta elkarrekin bide berriak eraikitzen hasteko abiapuntua izango dira.
Bihar egitasmo honen lehen agerraldia izango da Arboledako azokan, jardunaldien eskuorri banaketarekin. Apuntatu data agendan!!
abenduak 13-14!!
MEATZALDEKO GAZTE JARDUNALDIAK!
GAZTERIA ELKARREKIN AURRERA!
