Urte berria hasi da, eta jada gero eta hurbilago daukagu otsaila, laster helduko dira inauteriak, laster helduko da CARRASCOLIENDAS.
3. urtea izango da herrian zehar mozorro eta ondo pasatzeko gogoarekin kalera aterako garela, izan ere, duela 3 urte herriko zaharrei hainbat elkarrizketa egin ondoren eta sorkuntza lan handiarekin antzinako gure herriko inauteriak berreskuratu genituen, orduko kanta ikasi eta dantza bat sortu genuen. Horrekin goizean zehar auzoetatik dantzan eta kantuz joan ginen, eguerdian denon artean bazkaldu eta arratsaldean dantzan herritik segitu genuen gauerarte, herria mozorro, kolore eta musikaz betez, ume, gazte eta zahar artean.
Baina, Carrascoliendas urtero ezberdina da, izan ere sorkuntza eta guztion partehartzea dira honen oinarri, eta guztion ideia berriekin aurrera doa. Hori dela eta, Ostegun honetan URTARRILAK 10 19:00etan batzarra egingo da gaztetxean, dana prestatzen hasi eta zuen guztion ideiak entzuteko, ideia berriek mantenduko baitute jai honen bizitasuna, herriaren bizitasuna!
