2012ko urriaren 25ean amaitzen zen Petronorrek Muskizen egoteko zeukan baimena. Frankismoan eman zitzaion Petronor enpresari Muskizen instalatu eta bere aktibitatean hasteko baimena. Ordutik 40 urtez egon da petroleo lantegia Muskizen kokatua. Petronorrek lana ekarri du, 1000 lanpostu zuzen, baina peajea garesti ordaindu dugu. Meatzaldea da Euskal Herriko minbizi eta biriki gaixotasun handieneko eskualdea (hala dio UPVk 1996-2003 urte bitartean eginiko ikerketak).Bazirudien 2012an amaituko zela Petronor baina okertuta geunden. PNV eta PSOEren arteko paktu baten bidez beste 40 urtez egoteko baimena eman diote Petronorri. 2052. urterarte. Kontua da beti bezala enpresek agintzen dutela gure eskualdean eta ez pertsonek. Meatokien garaian lur guztiak hankaz gora jarri zituzten, langileak esplotatu eta hemengo aberastasuna (burdina) Inglaterra, Frantzia edo Belgikara atera. Beranduago industrializazio garaian gure herriak langile berrientzako etxez izugarri handitu ziren, langile horiek aritu ziren gure eskualdeko enpresa handietan lanean, aberastasuna ordea ez zen gure herrietan gelditu, gure herriak izan dira Bizkaian azpiegitura txarrenak dituztenak, frontoirik ez, kultur etxeak, osasun zerbitzuak eskas....
Orain berdina pasatzen da, politikoek berriz ere Meatzaldea saldu eta enpresaren interesen alde egiten dute. Partidu politikoen lana liteke Petronor herritarrentzat kutsagarria dela jakinik errekonbersio industrial bat planifikatzea, Petronor itxi eta lanpostuak beste sektore batzuetan sortzea, herritarron bizi kalitatea hobetzeko. Josu Jon Imaz dugu ordea Petronorreko gerentea, diruak zenbat pisu duen PNV eta PSOEren poltsikoetan!
Orain berdina pasatzen da, politikoek berriz ere Meatzaldea saldu eta enpresaren interesen alde egiten dute. Partidu politikoen lana liteke Petronor herritarrentzat kutsagarria dela jakinik errekonbersio industrial bat planifikatzea, Petronor itxi eta lanpostuak beste sektore batzuetan sortzea, herritarron bizi kalitatea hobetzeko. Josu Jon Imaz dugu ordea Petronorreko gerentea, diruak zenbat pisu duen PNV eta PSOEren poltsikoetan!
