Berriz heldu dira Madalena jaiak. Arboleda, kobazulora ibilaldia, eta jaitsiera. Arboledak arboleda izateagatik beti badu zerbait berezia. Baina esango genuke azken urteotan jaiek beherakada handia jasan dutela. Izan ere, azken 2 urteotan gertatu bezala, ez dago jaiak antolatzeko komiterik Arboledan. Udalak jaien antolakuntza enpresa bati eman dio. Urtetik urtera jaiak apalago, jaiak ahulago, gero eta identitate gutxiagorekin. Non daude jaiak antolatzeko Arboledako gazteak? Ematen digutenarekin konformatu behar al dugu? Duela ez asko Arboledako jaiak inguruan famatuak ziren eta jendez betetzen ziren, ez zegoen beste munduko ezer, giroa berezia, eta herriko jendea. Izan ere jaiak herritarrek antolatzeak ematen baitio jokoa, gatza eta piperra jaiei.Eta orain, non gelditu da jendearen parte hartzea eta ilusioa? Non jendea elkartzea, kuadrilak nahastea eta biltzea? Gu geu, herriko auzotarrok gara herria hoberen ezagutzen dugunok. Gu geu antolatzeko egokionak eta gozatuko dugunak. Baina jaien antolakuntza udaletxearen menpe, kulturarekin trafikatzen duten enpresen eskuetan daukagu. Eta plastikozko jai prefabrikatuetan, herritarrak espazioa galtzen ari gara. Larreinetako jaien antolakuntzan enpresen esku, Arboledako jaiak antolatzeko enpresak, Txurrukako jaiak desagertutak, San Andresko jaiak desagertuak eta azkenik Trapagarangoak antolatzeko erdi jai batzorde-enpresa. Udaletxea pozik, dirua askatu eta kitto eta gu geu, herritarrok, ikusle. Auzoetako jaiak ahul. Arboledako jaiak, arboledako gazteak, zuek duzue geroa eskuetan. Hartu antolakuntza eta aurrera! Gaurkoa baino hobea izango da, seguru!
