Dokumentala GITE-IPESek martxan jarritako 2008ko Julio Araluze bekak bidez egina izan da. Josu Martinezek, Txaber Larreategik eta Iasone Paradak aurkeztutako "Itsasoaren alaba" izeneko dokumentalak jaso zuen aipatutako beka. PSOEko buru batzuk sortutako GALek erahildako Mikel Goikoetxea "Txapela"ren alabak duen sendatu gabeko zauri sakona aztertzen du.Haize Goikoetxea Ugartek hogeita sei urte dauzka. Ipar Euskal Herrian jaio zen. Errefuxiatu bikote baten bigarren alaba da eta urte bi bete gabe zituela, GALek Mikel Goikoetxea, “Txapela” hil zuen: bere aita.
Urte guzti hauetan Haizerentzat sendatu gabeko zauri sakon bat izan da bere aitaren heriotza. Gertaera horrek bere bizitza erabat baldintzatu du, eta gainera, amarekin gaiaz hitz egitea bientzat oso gogorra izan denez beti, gauza gutxi dakizki aitari buruz.
