Urte luzetan hutsik egon ondoren, orain 7 hilabete, Eskontrillako Orixe kaleko etxera bizia sartu zen berriro. Espekulazioaren hatzaparretatik ihesi, bankuarekin ezkondu nahi ez zuten hiru gazteren aukera: Utzita zegoen etxera sartu, konpondu, bizitzeko moduan jarri eta berriz ere etxe zaharreko sutondoari pizturik eustea.Etxera sartu eta hilabetera poliziek jo zuten etxeko atea. Salaketa bat zutela esanez etxetik joateko agindua emanez. Baina gazteek bereari eutsi zioten, inorri molestatu gabe, etxea txukuntzeko lanetan. Hilabeteotan konstanteak izan dira txakurren bisitaldiak.
Azken bixita joan den astean; etxea 3 egunetan hustu ezean desobedientzia delitua leporatuko zietela esanez.
Zein da gazte hauen delitua? Hipoteka eta banku sistema honetan sartu nahi ez izatea? Honen aurrean haien alternatiba eraikitzea? Hutsik zegoen etxe bat jausten ez uztea? Etxe zahar bat konpontzea?
Politiko, polizia, funtzionario: Zein da eskaintzen diguzuen alternatiba? Hipotekaren menpe 40 urtez bizitzea? Etxeak eta etxeak eraiki eta pila bat espekulatzeko hutsik mantentzea? Europan badira beste alternatibak; non dira alokairu sozialak? Non gazte-ikasleentzat apartamentuak? Etxebizitza ez da zozketa edo tonbola bat, eskubidea da! eta pertsonen eskubideen gainetik diruak aginduko duen bitartean OKUPAZIOA ALTERNATIBA!
Eskontrillako gazteei elkartasuna! ADI DEIALDIEI!
