BASETXE GAZTETXEA -- TRAPAGARAN -- piztu gazte herria

ALBOKA jotzen irakatsiko dute gaztetxean.

2012-01-30T17:35:00.004+01:00

ALBOKA jotzen ikasi nahi duenak Trapagaranen badu aukera. Alboka jotzen ikasteko tailer bat sortu da gaztetxean. Ez da beharrezkoa musika jakitea, gogoak behar dira soilik, datorren hastean hasiko dira arnasketa ariketekin eta hortik aurrera astelenero elkartuko dira.

ALBOKA TAILERRA
astelenero 19:00-20:00 bitartean.

GAZTETXE PUBLIKOA: 3. hausnarketa bilera igandean

2012-01-18T17:07:00.004+01:00

Poliki poliki bagoaz aurrera gure eztabaidan. GAZTETXE PUBLIKO bat behar dugu herrian eta horren inguruan ari gara bueltaka. Lokal autogestionatu batek zer zerbitzu, zein aukera emango lizkiokeen herriari, asko hitzegin dugu horretaz. Nola antolatu eta funtzionatu. Eztabaida fasea amaitzen ari gara horretarako azken bilera deitua da datorren iganderako. Gure proiektua eskakizun konkretuak eta abar zehazteko unea da, hasi gaitezen!

GAZTETXE PUBLIKOA 3.eztabaida irekia
IGANDEAn 18:00etan
Basetxe gaztetxean

CARRASCOLIENDASeko ensaioak hasiko dira datorren astetik aurrera.

2012-01-15T12:53:00.004+01:00

Neguaren erdian badator udaberria eta otsailaren bukaerarekin helduko da berriro gure herriko inauteri herrikoia: CARRASCOLIENDAS.

Iaz berreskuratu genuen gure herriko ohitura zahar hau, baina errepresentaziotik haratago berezko ohiturak mantentzen dituzten munduko gainerako tokitan bezala partehartzean oinarritzen da gure herriko inauteria. Carrascoliendas gurea da eta zurea da, carrascoliendas Trapagarandarrena da, horregatik luzatzen diogu herritar guztiei gonbita. Dantzaria ez bazara baina partehartu nahi baduzu, dantza eta kantua ikasi nahi baduzu eta gure herriaren barrenean sustraitu hemen duzu aukera. Aski duzu ensaioetara etorri eta elkarrekin herrian murgiltzea:

ENSAIO EGUNAK (datorren astetik aurrera):

Astelenero 19:30etan KAPILLAN (San Gabriel)

Asteartero 19:30etan GAZTETXEAN

Asteazkenero 18:30etan KAPILLAN (San Gabriel)
Ostiralero 20:00etan GAZTETXEAN

CARRASCOLIENDAS 2012: Nola egingo dugu aurten?

2012-01-11T21:39:00.005+01:00

Badator Otsaila eta harekin batera Carrascoliendas. Nola egingo dugu aurten? Dudarik gabe iazko urtea izan zen zailena. Guztia zegoen sortzeko, asmatzeko eta egiteko. Ez genekien zer ziren Carrascoliendas eta adineko jendearengana joan ginen hura zer zen jakitera. ELkarrizketa haietatik abiatuz berreskuratu genuen gure herriko inauteri herrikoia. Prozesu hura nola izan zen gehiago jakin nahi duenak hemen du prozesu haren memoria gisa ikuspegi etnografiko-kulturaletik idatzi genuen artikulua:

CARRASCOLIENDAS: INAUTERI HERRIKOI TRADIZIONAL BATEN BERRESKURAPENA INGURU URBANO MODERNOAN:
http://issuu.com/basetxegaztetxea/docs/las_carrascoliendas_memoria

AURTEN ZER eta NOLA?

Otsailaren 25ean izango da Carrascoliendas eguna aurten. Guretzat inauteria ez da desfile eta ez da tradizio, guretzat inauteria barnean duguna adierazteko beste molde bat da, elkar harremanean oinar. NEguaren baitan udaberria datorrela esateko molde bat.

Iazkoan gure inauteri herrikoia sortu genuen eta aurten konsolidatu. Data ordea gainean dugu eta asko dago egiteko. Ideia berriak lantzeko, autogestioa nola egingo dugun pentsatzeko, ensaio egunak zein izango diren erabakitzeko, zein auzotara joango garen... Hau guztia definitzeko eta lanak banatzeko bilera egingo dugu ostiralean gaztetxean.

CARRASCOLIENDAS 2012, NOLA?
Urtarrilak 13, ostirala
20:15ean basetxe gaztetxean

Meatzaldean ere kolosala izango da

2012-01-04T23:58:00.010+01:00

Gaur, eskualde mailako gazte asanbladen artean bilera egon da, Meatzaldeko jendearen artean, hain zuzen ere. Ortuellako gazte lokalean bildu gara euskal preso eta errefuxiatuen alde bilbon urtarrrilaren 7an egingo den manifestaldirako. Lehenik eta behin, Meatzaldeko Gazte Asanblada guztiak larunbatean elkarrekin joatea erabaki dugu; Meatzaldea Euskal Presoen Alde lemapean. Hortaz gain, batzar honetan ere zera adostu dugu; Meatzaldean Gazte Asanbladen koordinadora sortzea, horretarako Otsailaren 8an 20:00etan hurrengo bilera egongo da, Ortuellako gazte lokalean.
Honekin denarekin, gure arteko harremanak sendotu nahi ditugu, Meatzaldea eta hemengo ekimenak indartuz.

MEATZALDEA, HAUXE DA GURE ALDEA

MEATZALDEA, GORRIA ETA IRAULTZAILEA!

Larunbatean Meatzaldeko jendea elkarrekin Manifestaldira joateko ordutegia (Trenean):

Muskizetik 16:50etan aterako den trena.
Trapagaranetik 17:02.

Zenbat kilometro urtero

eta zenbat gose greba

presoak denak honuntza

gure herrietan batzera

gaurkoan manifestaldia

ta atara denok kalera

herriak indarra orain

dena behar du atera

jendea zutik ibitzen

iñurri batzuen antzera

ta atera dira kalera

hauxe oihukatzera

kartzelean gatibu daude

ta ziegatik atera

anmistia osoa eta

euskal presoak etxera

Herriko bertso eskolak urtebete egin du gaztetxean.

2011-12-29T17:59:00.002+01:00

Jada Trapagarango bertsoeskola urtebete daramala martxan. Urte honetako helburuak jorratu ditugu eta ikasturte berriari, hau da, irailetik aurrera, gogo biziz eman diogu hasiera. Muga asko apurtu ditugu, gure lotsak, komplexuak etxean utzi eta egindako plaza bakoitzean helburu zehatzekin joan gara, denon helburu dena, eskualdean dauzkagun mugak apurtzea, gure lurrak gure eskuetan hartzea eta maite duguna egitea, hau da, bertsolaritza zabaltzea gure herrian, euskara esparruak txertatzea eta gazteok guk ezin izan duguna bizitzeko aukera izatea gure herrian, hau da, normaltasunez euskaraz bitzea. urtebete baten bueltan honako ondorioak atera ditugu.

Batetik Gure herriko bertsolariek animatuta eta gure gogoekin ere trapagarango bertsoeskola sortu zen 2011.urteko hasieran, gure irakaslea Nuria da, etorkizuneko bertsolaria oso gaztea da eta jada guri klaseak ematen dago. Nahiz eta ez etorri lan kontuengatik Ion Barrocal gure proiektuaren atzean dago 10 urtez egon da bertsotan kanpoko bertsoeskoletan eta aurten hasi da gurekin batera. Bestetik gaztetxeko giro epela eta gure laguntasuna horrek ere asko egiten du proiektua aurrera eramateko.

Lehen esan bezala gure herriko gazteak bertsozaletzen hasi gara. Alde batetik gure bertsoeskolaren ekimenak, gure artekoak, baina beste alde batetik urtero egiten dira bertsosaioak gure herrian, San Gabrielen 100 bat lagun bildu izan gara afari buelta batean, aurten 3.urtea izango da jada eta gaztetxean ere hainbat aldiz egin ditugu bertsosaioak.

Urte berriari dagokionez gure helburua da lonjetan bertsotan egitea lonjen arteko zirkuitoa, eskoletan bertso-eskolaren bat sortzea ere, umeek bertsotan ikas dezaten, posiblea bada autogestionatutako bertsosaio bat egitea neguan kanpoko bertsolariekin eta amaitzeko musika taldea mantentzea, hilabetean behin behintzat biltzeko helburuarekin bertsogerrilla entsaiatzeko.

Aste honetan ere olentzeroren kontuarekin eskoletan egon gara abesten eta umeekin lehenbizikoz bertsotan aritu gara. ZORIONAK TRAPAGARANGO BERTSOESKOLA !!! Ez gara bertsoeskola baizik eta bertso gerrilla!!

Urtebete ia pasata
hau gure kritika

trapagan badaukagu
egoera polita
bertsotan gure artean
guztiz nahasita
euskara zabaltzea
gure politika.

OLENTZERO BADATOR! larunbaterako prestaketak...

2011-12-20T15:59:00.004+01:00

Hator, hator... Olentzero badator! Hasi da saltsa, aritu gara eskolaz eskola bertsotan jostatzen, haurrak motibatzen eta olentzeroko programazioa azaltzen. Hemen ordea jartzen ditugu Olentzero programazioaren barruan gazteentzat interesgarri izan daitezken ekintzak:

GOIZEAN AUZOZ AUZO
Abenduaren 24ean auzoz auzo arituko gara, kopla, triki, txistu eta dantzan. Bazkaria guztion artean egingo dugu Larreinetan. Norberak etxetik zerbait ekarri eta konpartitu!
Hau izango ibilbidea:

9:30etan Zaballako matadero aurrean elkartu eta ensaioa
10:00etan Durañonako baserrian
10:30etan Ugarten
11:30etan Elgeron
12:30etan San Gabrielen
14:30etan Larreinetan

17:30etan Funikularretik kiroldegira olentzeroren jaitsiera
ondoren USTEAK USTELekin haur berbena.

ABENDUAK 26, astelena
18:30etan GARTXOT filma, Franciscanas de Montpellier ikastetxeko zineman.

ABENDUAK 31, larunbata
11:30etan urteari agurra PICO la CRUZ mendian
13:00ean La Arboledan sarrera eta triki poteoa, txaranga, bertsolari eta txistulariekin.

PROGRAMA OSOA IRAKURRI egingo diren ekintza guztien sinopsiarekin:
http://issuu.com/basetxegaztetxea/docs/olentzero_2011_buzoneo_orria

GAZTETXE PUBLIKOA eraiki dezagun! 2.eztabaida bihar gaztetxean

2011-12-15T18:31:00.004+01:00

Duela pare bat hasi ginen Trapagaranerako GAZTETXE PUBLIKOA proposamena lantzen. HErriko beharretatik hasita, autogestioa oinarri izango zuen herri proiektu bat lantzen.

Taldeak egin genituen, gazte pila bat elkartu, ideiak trukatu, azaldu eta adostu. Bigarren bilera izango dugu bihar. Nola gestionatuko dugu lokala? Nola koordinatu talde guztien artean espazioak? Aurrekoan bezala bihar ere bai, etorri eta parte hartu, zu gabe ez dago gaztetxerik!!

abenduak 16 ostirala
AFARI-BILERA
22:00etan Basetxe gaztetxean

Eztabaidarako gidoia hemen: http://euskalherria.indymedia.org/media/2011/12//78286.pdf

ekarri afaltzeko zerbait etxetik!!

Auzoz auzo OLENTZERO kantatzeko ensaioak hasiko dira ostiralean.

2011-12-13T16:10:00.004+01:00

Aurreko batean esan bezala abenduaren 24ean goizetik auzo auzo Olentzero kantatzen arituko gara aurten herriko gazteak. Kantu, dantza eta koplak auzoz auzo. Ideia berri honekin lehengo Olentzeroko herrikoitasuna berreskuratzea da asmoa, jendearen arteko harremanak, auzoetako jendearen ezagutza... Kantu, kopla eta dantza. Horretarako lehengo olentzeron Trapagaranen kantatzen ziren 4 abesti berreskuratzea da asmoa, hemen jartzen ditugu edonoren eskuragai klikatu eta letra izateko moduan:

1-OLENTZERO JOAN ZAIGU
2-DRINGILIN DRON
3-ELURRA TEILATUAN
4-HATOR HATOR

Gainera kantu hauek ahaztuak edo ezezagun ditugunez 2 ensaio prestatu ditugu trebatu eta ezagutarazteko. Hor doaz ensaio egunak:

Abenduaren 16ean ostirala
arratsaldeko 19:00etan AEK euskaltegian

Abenduaren 23an ostirala
arratsaldeko 19:00etan AEK euskaltegian

OLENTZERO BERRIA, gazte, ume eta zaharrek elkarrekin herria landuz.

2011-12-02T19:31:00.011+01:00

Herrikoitasuna izan da Olentzeroren ospakizunaren oinarria historikoki. Jatorriz Lesaka eta Oiartzungoa da Olentzeroren ohitura, negu partean panpin bat egin eta erretzen zuten haietan, herritik panpina pasiatu ondoren urteko gauza txar guztiak erre eta urte berriari ontasuna eskatzen zioten lehengo euskaldunek horrela. Horren inguruan bazeuden hainbat ipuin, guri txikitan erakutsi diguten olentzerorena kasu.

Olentzero Trapagaranen
Olentzero ohitura jatorriz Lesaka-Oiartzungoa bada ere, frankismoaren amaieran ikastolen zabalkundearekin batera Euskal Herri osora zabaldu zen. Horrela ikastolaren bidez iritsi zen orain 35 bat urte ohitura hau Trapagaranera ere. Talde txikian, gabon egunez kantuak kantatuz kalerik kale aritzen ziren Trapagarango haur-guraso euskaltzaleak.

Ordutik asko aldatu da Olentzero. Komertzializazioaren eskutik errege magoen kopia vascongado baldar bat bihurtzeraino. Oinarria ordea, harremanak, elkarrekin egotea, kantua, koplak, adin ezberdineko jendea biltzea izan da. Azken finean HERRIKOITASUNA. Hori da berreskuratu nahi duguna horregatik aurtengo Olentzero ez da soilik abenduaren 24ra mugatuko, herriko indarra eta lotura bultzatzeko ekimenak berriak izango ditu.

Oles aroa. Berrasmatu dezagun benetan!
Hizkuntzalariek esaten dutenez Olentzero hitza Oles+Aro osaketatik dator, oles (eskea) egiteko gara zabaltzen da abenduaren 24tik aurrera. Pertsonen arteko eta auzoen arteko harremanak piztu nahi ditugu. Horregatik hasiko da aurten olentzero goizetik.

Musika, kantu eta koplatan auzorik auzo
Carrascoliendasen modeloari jarraiki kuadrila bat osatuko dugu goizetik auzoz auzo joateko, jendearekin izan, kantatu, jan, dantza, edan eta giroa sortzeko. Ibilbidea ondorengoa izango da:

9:30 Durañona auzoa (behiek ere abesten dute!)
10:15 Ugarte Kafe ta mistela!
11:15 Elgero
12:00San Gabriel - Trapagaran

Bazkaria Larreinetan eta Olentzerorekin jaitsi

Haur, guraso, zahar eta gazte, kontsumismotik urrunduz harremanetan oinarritutako olentzero proposatzen daetorkizuneko eredu gisan, horregatik honez gain Olentzero batzordean gabonetan hainbat ekimen kultural prestatzeko lanetan gabiltza.

Abenduaren 31ean Pico la Cruz mendira
Aspaldikoa da ere euskaldunen artean urtea agurtzera mendira joatearen ohitura. Mendia izan da beti herri txikien babesleku eta askotan lagun bakar. Asko joaten gara gure herritik egun horretan Gorbeiara, baina zergatik ez sortu gure herrian ohitura hori? Herriko Larrañeta Mendi Taldearekin landu dugu ideia, finkatua dago zita, abenduaren 31an Pico la Cruz mendian elkartuko gara, turroia, txanpaina konpartitu, eta irrintzi txaplekta egin! ekarri musika instrumentuak. Indartu dezagun gure herriko nortasuna!

Abenduak 31,
11:30etan Pico la Cruz mendian
13:00ean sarrera musikatua La Arboledako plazan!

BIHAR GAZTE EZTABAIDA: GAZTETXE PUBLIKO BAT TRAPAGARANEN POSIBLE DA?

2011-11-24T13:43:00.003+01:00

Gazteen arteko eztabaida ireki bat abiatuko dugu ostiral honetan gaztetxean. Esaten dute Zaballako mataderoan zerbait egingo dela... Zer nahi dugu zehazki gazteok? Nola gestionatuko genuke lokal hori? Zer eskaini ahal dio herri osoari?

BIHAR, OSTIRALA GAUEKO 22:00etan

AFARI EZTABAIDA GAZTETXEAN
ekarri zerbait etxetik afaltzeko eta parte hartu!!

INFO+: Eztabaidarako gidoia deskargatu (5 talde egingo ditugu)

Gazte eztabaida ostiralean- GUZTION ARTEAN GAZTETXE PUBLIKOA ERAIKI DEZAGUN

2011-11-22T12:09:00.007+01:00

Ezker eskuin entzuten da gazteon artean Zaballako matadero zaharra gazte ekintzetarako izango dela. Gabezia asko ditugu herrian, ez esateagatik denak, gazte arloan aldiz aurrerapauso asko emanak ditugu gaztetxetik sortu diren proiektuen bidez: Kuadrilen arteko harremanetan, jaietako giroan, lonjen arteko proiektuetan... asko aurreratu dugu. Benetan posible da zaballako mataderoan gazteentzako zerbait egitea, horregatik da orain momentua gazte guztion artean proiektu bat landu eta herriari aurkeztu eta praktikara eramatekoa.

"Gaztetxe publikoa" deitu diogu proiektu horri. Posible da Trapagaranen autogestio oinarri batetik herriaren zerbitzura egongo den instalazio publiko bat kudeatzea?Nolakoa izan daiteke proiektu hori? Nola gestionatu daiteke eraikina? zein zerbitzu eman diezaioke herriari?

Hau guztia definitzeko hemendik gabonak bitartean eztabaida bat antolatu dugu. Herriko arazo orokorretatik hasiko gara eta hortik abiatuz guztion artean definituko dugu herriko gazteon proiektua (eztabaida gidoia hemen irakurri). Lehenengo afari-bilera datorren ostiralean izango da. Bost talde txiki egingo ditugu gure interesguneetaz errazago eta hobeto hitz egiteko: (1)kultura, (2)musika, (3)kirola, (4)sozial arloa eta (5)jaiak-lonjak. Ekarri afaltzeko zerbait etxetik eta etorri!!

GAZTETXE PUBLIKOA TRAPAGARANEN. Eraiki dezagun!
Gazte eztabaida-afaria
Azaroak 25, ostirala
22:00etan gaztetxean

Trapagoniako BERTSOGERRILLA herrira jaitsiko da azaroaren 18an

2011-11-10T16:41:00.003+01:00

TRAPAGONIAKO BERTSOGERRILLA mendiko kobazuloetan babesturik, prestakuntza eta ensaietan egon ondoren, Barakaldoko eta Zallako lagunekin elkartu eta menditik herrira jaitsiko da azaroaren 18an.

Aurreko agirian esan genuen bezala aurtengo asmoa izango da noizean behin bertso saio bat egitea herrian, izan lonjetan, izan gaztetxean edo izan tabernaren batean. Azaroaren 18koa trapagaranen sortu nahi dugun bertso zirkuituaren lehen saioa izango da. Gure zirkuitu honetan danok bihurtzen gara gerrillera, beraz hartu zure instrumentua (kajoi flamneko, txistu, saxo, bonbo, biolin, turuta...) eta sartu gerrillan! mendia gure laguna da!

Datorren ostiralean poteoa egingo dugu tabernaz taberna eta ondoren afaria Sokraren tabernan. Lekua txikia da, beraz afarira etorri nahi baduzue (15 euroren inguruan egongo da) bidali mezu bat ondorengo helbide elektronikora: bertsogerrilla@hotmail.com

AZAROAREN 18an, OSTIRALA
arratsaldeko 19:00etan LA PINTA tabernatik POTEOA
iluntzeko 22:00etan SOKRAREN TABERNAN afaria
hartu izkillua eta bihurtu gerrillera!

Ostiralean herriko presoek egunkaria izan dezaten kontzertua egingo da gaztetxean.

2011-11-02T10:46:00.005+01:00

Ihes egindako, zigortu zein presoekiko afinitatea beti izan da handia lurralde disidenteetan. Euskal Herrian aspaldikoak dira errepresioa bere gordinean sufritu duten familiei babesa, laguntza eta elkartasuna adierazteko ekimenak. Horrela egiten ziren Lizarraldean adibidez lehenengo gerra karlista galdu ondoren Kuba zein Hego Amerikara joan behar izan zuten ehunka nafarren familiei laguntzeko diru bilketak, eta berdin antolatu ziren hainbat herritan 1936ko gerran zigortutako gudarien familiei laguntzeko. Ordutik frankismotik gaur egundaino izan dira presoak eta zigorrak eta hauei laguntzeko, elkartasuna adierazteko, familiak eta lagunak babesteko antolatu dira hainbat komite. Hauetako beste bat dugu ostiral honetan gaztetxean ikusiko duguna.

Urrun, oso urrun dauzkate giltzapeturik herriko presoak, Zigor Curtisen (A Coruñan), Oskar Cordoban eta Nerea Madrilen. Urrunduak, isolatuak, Euskal Herriaren berri jakitea izaten da hainbat euskal presoren indar iturria. Horretarakoherriko hiru presoek egunerokotasunez Euskal Herriko aktualitatea jarraitu dezaten, antolatzen dugu "Preso bat, egunkari bat" jaialdia.

Kontzertuan aterako den dirua beraz Zigor, Oskar eta Nereari egunkari baten urteko harpidetza ordaintzera bideratuko da. Egoera berrian gaudelako, biolentzia bakarra orain estatuarena delako, egiazko konponbidea nahi dugulako. PRESOAK ETXERA NOW!

"Preso bat, egunkari bat" kontzertua
Trapagarango gaztetxean.
Azaroaren 4ean, ostirala, gaueko 21:30tan, 4 euro.

-Salbuespunk
-Feos pero Majos

EUSKAL HERRIKO GAZTEOK ZER?

2011-11-01T11:37:00.005+01:00

Euskal gazteriaren tendentzia, gustu eta ekintza berrien inguruan ikerketa soziologikoa egin du IPES-eko ikerlari talde batek. Euskal Herriko 7 lurraldeak aintzat hartuta gizarteko aldaketek zein eragin dute gazteriaren kultur espresioetan? Dantzan, musikan edo antzerkigintzan?

Egun politika egiteko modu berriak agertu dira, zein dira espresio hauek? Zein da gure konpromisoa mugimendu berriekiko? Zein da indibidualismoaren eragina guregan? Teknologia berriek zein eragin dute gazteon ohituretan?

Ikerketa lan hau dokumentatu eta liburuxka batean bildu dute. Bihar bertan egingo dute lan honen aurkezpena BILBOn.

Bihar, Azaroak 2 aurkezpena
19:30etan La BOLSA eraikinean
BILBOko alde zaharrean
ETA GAZTEOK ZER? Euskal Herrian gazteon aldaketa eta joera soziopolitikoak

Amaitzeko ikerketa honetan interesa dutenentzat hemen jartzen dugu PDF artxibo batean eskuragarri ikerketaren ondorio den liburuxka:

Eta GAZTEOK ZER? (PDF): https://sites.google.com/site/giteipes/artxiboak/liburuxka_etagazteokzer_web.pdf?attredirects=0&d=1

kolonizatutako lurrean bertso gerrilla martxan.

2011-10-20T17:53:00.006+02:00

Trapagarango bertso eskolak hasi du kurtsoa, iazkoari jarraipena emanez herrian finkatu dela dirudi. Bi helburu nagusi planteatzen ditu aurtengoan gure bertso eskolak:

1-Iaz bezala astelenero lagun giroan elkartu eta bertsotan ikasi eta aritzeko tailerra.
Etorri eta aritu nahi duenak ateak zabalik ditu, bertso tailerra astelenero 19:30etan gaztetxean.

2-Trapagaranen bertso zirkuitu bat finkatu nahi dugu. Joan den asteburuan esperientzia oso polita izan genuen "el batas"-en lonjan. Afaltzera gonbidatu gintuzten eta lehenengo bertso afaria izan genuen herriko bertso titiriteroek bertan. Gaiak jarri zizkiguten, lonja lepo beteta, benetan bikaina izan zen. Ez genuen inoiz pentsatuko halakorik euskaraz, bertsotan eta gurean ikusiko genuenik. Kolonizatutako lurretan bertsolaritza herrikoia bertoko estilo propioz! Beraz esperientzia horretatik hasita bertso zirkuitu bat zabaldu nahi dugu herrian lonjetatik abiatuz.

Azaroaren 18an enkarterriko bertsolariak eta bertso titiriteroak elkartuko gara herrian, poteoa egingo dugu eta ondoren Sokrarenean afaltzea da asmoa. Hori izango dugu abiapuntu. Ordurako lonjetatik pasatuko gara, zirkuituan parte hartzeko proposatu eta gure zirkuituko geltokiak definitu. Beraz pentsaezina zirudiena gauzatzera goaz, gure bertoko ekosisteman, prefabrikatu gabeko giroan euskaraz aritzea. Honen parean ez du hainbeste garrantzi errimaren ortodoxiak, berdin zaigu kitarra flamenkoaz, biolon errumaniarraz edo perreo baseekin aritzea. Badoa aurrera meatzaldea euskalduna, gure estilo propioan, kolonizatutako lurretan, bertso gerrilla martxan doa street oi kaleetako ke artean!

Igandean 18:00etan gaztetxean garbiketa egiteko.

2011-10-20T12:06:00.003+02:00

Pasatu da gazteguneko uholdea eta hartu dugu atseden, orain uholdeak gaztetxean utzitako ondorio kolateralak txukuntzeko, atontzeko, egokitzeko GARBIKETA EGUNA deitua dago gaztetxean. Ondoren 19:30etan asanblada egingo dugu.

GARBIKETA EGUNA
Igandea urriak 23
18:00etan in the gaztetx

DANTZA TAILERRA asteartero gaztetxean.

2011-10-16T15:29:00.005+02:00

BETIDANIK EUSKAL DANTZAK EZAGUTZEKO GOGOAK IZAN DUZU BAINA INOIZ EZ DUZU IKASTEKO AUKERA IZAN? AURTEN LORTU DEZAKEZU!

Datorren asteartetik aurrera, dantza tailerra hasiko da gaztetxean. Jauziak ikasi nahi dituzula? Fandango eta arin-arina? Carrascoliendaseko dantzak, bals, zortziko edo inauteri dantzak. Etorri asteartero gaztetxera! 19:00etatik 20:30etara!

HASIERA DATA: Urriaren 18an hasita asteartero

ORDUTEGIA: 19:00etatik - 20:30ak bitarte

LEKUA: Basetxe Gaztetxea

ANIMA ZAITEZ ETA ETORRI PLAZARA, DANTZARA !!!! SIENTE EL CHOQUE!

Larunbateko gaztegunak, GAZTETXE PUBLIKOA eskatzea izango du ardatz.

2011-09-21T10:01:00.004+02:00

Urteak dira Traspagarango gazteak gaztetxean antolatzen garela, ordutik hamaika izan dira herrian sortu eta garatu ditugun proiektuak: Carrascoliendas, Lonjero Eguna, Gazteguna, jaietako partehartzea, tailerrak, kontzertuak, antzerki, hitzaldi edo ekitaldiak...

Gaztetxearen egoera ordea irregularra da, Plan General berriarekin desagertzeko arriskuan, instalazio kaxkarra. Erresistentziatik eraikuntzara pasatzeko garaia da. Trapagaranek merezi duen gazteentzako lokal autogestionatu duin hori eskuratzekoa. Udalari dagokio lokal hori ematea eta gazteei zein herriko kolektiboei kudeatzea. Aukerak, baldintzak, zein motatako instalakuntzak beharrezko diren, guztia dago hitz egiteko eta zehazteko. Hausnarketan hasi gara eta negu honetan horren gaineko proposamen zehatz bat lantzea hartu dugu helburu. Gazteguna izango da ideia honen zabaltzeko lehen geltokia. Autokudeaketa eta autogestioaren trenak indar berria hartu du gure herrian. 90.hamarkadan gaztetxearen aldarrikapenarekin hasi ziren haien eskakizun berdina garai berrira eguneratzen air gara. Urte luzeetako erresistentziaren ondoren eraikuntzarako baldintzak ireki daitezen hemendik aurrera gure herrian.

GAZTETXE BATEN FUNTZIOEZ eta AUKEREZ
Iruñeako euskal jai adibidez

Horregatik egiten dugu deialdia gazte eta zahar, haur eta guraso datorren larunbatean gazteguneko ospakizunetan kalera ateratzeko, kalea hartzeko, guztiok elkarrekin gaztetxe publikoa eskatzeko.

ETXEZ ETXE BUZONEATU DEN ALDIZKARIA (ZABALDU!):
GAZTETXE PUBLIKOA 0km (pdf)

GAZTEGUNA EGITARAUA ZEHATZ MEATZ

2011-09-21T09:35:00.005+02:00

Badator datorren larunbatean gazteguna eta hemen jartzen ditugu egitarauko argitasun guztiak. Gehin bat eguneko giroa indartu nahi dugu, horrekin batera gaztetxe publikoaren aldeko aldarrikapena. Beraz atera zure lagunekin eta hartu kalea!!

TRAPAGARANGO GAZTEGUNA IRAILAK 24

12:00etan bajada zaratatsua Funikularretik
"GAZTETXE PUBLIKOA ORAIN"

13:00ean AITZOL eta bere TXOTXONGILOAK Habana plazan
PATXARANGA13 taldearekin kalejira

15:00etan BAZKARIA Escontrilla eskolako frontoian

18:00etan SALBUESPUNK street konexion poteoa

21:30etan KONTZERTUAK
REVOLTA PERMANENT
http://www.myspace.com/revoltaEHpermanent
XUTIK
http://www.myspace.com/xutik
ENKORE
http://www.myspace.com/enkore09
USTEAK USTEL
DJ GOTZON

ANIMATU! Bazkariko txartelak hartzeko azken eguna bihar da. Gogoratu, 10 eurotan La Pinta, Ilargi, Gernikako eta Trasgu tabernetan!!!!!

GAZTEGUNeko antolakuntza eta merkatari azoka.

2011-09-15T13:01:00.007+02:00

Poliki poliki badoa gazteguna aurrera, ekintza gehienak badaude lotuak eta poliki poliki antolakuntza lotzen ari gara. Aurtengo gazteguna gaztetxe publikoaren aldarrikapenarekin karakterizatu dugu. Lokal bat behar dugu, gazteok autogestionatu eta kudeatuko dugun lokal bat, tailerrak eta ekintzak egiteko, proiektu berriak mamitzeko, musika ensaiatzeko. Okupaziotik egoera normalizatu batera igarotzeko garaia da. Gaztetxe bat behar dugu herriko talde guztiontzat. Gaztegunarekin gaztetxe piblikoaren 0 km-a jarri nahi dugu martxan. Gazteentzako lokal publiko autogestionatu bat behar dela aldarrikatu eta herrian zabaldu eta hortik trapagaranerako gaztetxe publiko proiektu bat definitzen hasi.

Lagorrigako jaia eta merkatarien azokan
Gaztetxe publikoaren ideia zabaltzen, gazteguneko propaganda banatzen bietan egongo gara eta bi postu jarriko ditugu. Larunbatean Lagorrigan eta igandean herriko merkatarien azokan.

Gaztegunerako laguntzaileak
Honez gain oraindik laguntzaileak behar dira datorren astean txosna muntatzeko, kartelak jartzeko, bazkaria antolatzeko, txosnako txandak antolatzeko edo elektrizitatea jartzeko. Hau guztia antolatzeko datorren igandean elkartuko gara,

igandean 19:00etan trapagarango polikiroldegian
merkatarien azokan gaztetxeak izango duen standean.
animatu lagunekin eta etorri!
GAZTETXE PUBLIKOA ORAIN!
TI-TA egingo dugu!

larunbatean LAGORRIGA: folklorea baino zerbait gehiago?

2011-09-15T11:55:00.008+02:00

Hamar urte baino gehiago dira Loiola urtegiko xokoan, kanposantutik beherako meatokiko sarreran LAGORRIGAKO JAIA egiten hasi zirela. Urteetan jai herrikoia, espontaneoa eta pirata izatea izan dira festa honen ezaugarri nagusiak.

Udalak inolako esku sartu gabe, jendearen lan kolektiboa, indarra eta nahia izan dira oinarri sendoenak proiektu hau aurrera ateratzeko. Izan ere Lagorrigako jaia, festa autogestionatua da, laguntzaile eta partehartzaileen borondatean oinarritua erabat eta horrek ematen dio bere xarma berezia.

La Rondatik Lagorrigara
Hamarkada honetan ikasi dugu auzo horri oraindik ere La Ronda esaten zaiola ofizialki, meatoki garaian La Arboledako kuartelean zeuden pikoletoek eguneroko ronda bertaraino luzatzen zutelako ingurua kontrolatu nahiean. Baina ikasi dugu ere jatorrizko izena Lagorriga dela, "Lurgorriaga" izen zaharretik iritsia, burdinaren ezaugarri den lur gorria adierazten zuen toponimoa, alegia. Hamar urte hauetan bertoko auzokideak ezagutu ditugu, jakin dugu Trapagarenen egonagatik ere oraindik Lagorrigan badaudela urik eta telefonorik gabeko etxeak, badaudela mendia bizitzeko baliatzen dituzten abeltzainak, bertoko izaera berezia eta gogorra mantentzen dutenak eta bertako antolakuntzan aritu diren hamaika lagun, militantziaz, konpromisoz elektrizitatea jartzen dutenak, ura, toldoak, txosnan lan egin... belaunaldien gainetik lagun egin ditugu, egiazko eredu ere izan ditugu.

Folklorea baino zerbait gehiago, belaunaldi berrien esperoan

Lagorrigako jaiaren beste ezaugarri bat izan da gure eskualdeko euskalduntasuna lagundu eta babestea. Dirurik gabe, laguntzarik gabe, baina guk geuk Lagorrigan ikusi ditugu gure inguruan baztertuak izan diren hamaika kultur ikuskizun. Dantzak era herrikoi batean, lasto altxatzaileak, idiak, artzai txakurrak, Errekatxoko Larrea aizkolariak, eskualdeko tortila handiena, herrien arteko sokatira... eta ikurrina airean. Jaia antolatzen zutenenentzat euskalduntasunaren oinarrizko ezaugarriak direnak ez dira hainbeste bealunaldi berri eta euskaldunagoentzat. Ezinbestekoa da belaunaldi berriek beste ikutu bat ekartzea jaiari, gure herrian eta gizartean euskalduntasunaren bidean eragin nahi badugu eta horretarako belaunaldi berrien ekarpena beharrezkoa izango da. Bestela urteroko folk-gastronomi mozkor jaian geldituko baita hasierako haiek egin zuten ahalegina eta eskaini diguten aukera.

GORA LAGORRIGAKO PIRATAK!

larunbatean bertan izango gara!

GAZTEGUNEKO BAZKARIKO TXARTELAK SALGAI

2011-09-14T16:21:00.004+02:00

Gazteguneko bazkariko txartelak salgai egongo dira 10 eurotan bihartik aurrera eta datorren asteko osteguna bitarte ondoko tabernetan, hartu zeurea!

TRAPAGARANEN
La Pinta, Ilargi, Gernikako Arbola eta Trasgu tabernan.

ORTUELLAN
Txoko Atxitun

GALLARTAN
Herrikon

GAZTEGUNA antolatzeko bilera igandean.

2011-09-09T18:58:00.003+02:00

IRailaren 24ean izango da Trapagarango gazteguna. Bi aste eskas falta dira, guztia dugu antolatzeko. Gainera GAZTETXE PUBLIKOAren aldarrikapena kaleratu behar dugu, nola, zein eratan?

IGANDEAN 18:00etan
GAZTEGUNA antolatzeko BILERA GAZTETXEAN

LARREINETAKO JAIAK.

2011-09-07T17:52:00.003+02:00

Bideoan ikusten moduan kriston giroa Larreinetako jaietan

TRapagarangoen ondoren heltzen dira Larreinetako jaiak. Ostiralean hasiko dira eta hauekin itxiko dira auzoetako jai tradizionalak, gero geldituko zaigu Lagorriga (irailak 17) eta azkenik Gazteguna (irailak 24).

Azken urteotan jai batzorderik gabe egon da Larreineta eta udaletxeko kultura bulegoak antolatu ditu jaiak, sota-caballo-rey estiloan eta jai batzordea zegoen garaietan baino 3 aldiz presupuesto gehiago baliatuz (guztia subkontratatua baita). Azken urteotan ordea auzo elkartearen ekimenez kultur ekintzak egiten ari dira Larreinetan, zinema, haurrentzako ekintzak eta abar... eta horrela aurtengo jai programan hainbat ekimen sartzea lortu dute, auzorako lortu dituzten buruhandiak edo igandeko trikitilariak kasu.

Auzoetako giroa indartu behar da, auzoetan sinisten dugu, bertako bizian, eta haien geroan. Horregatik izango gara asteburu honetan Larreinetan. Far westeko pistoleroak, txupito eta perreo gaua Irene tavernean, eta ardo isotonikoak gimnasiokoentzat Funin. Herri txikiek benetan zerbait badutelako, bideoan azaltzen den bezala, basati zirkuluaren barruan kanpotik heldu garen lagunei beti lekua egiten digutelako XUTIK LARREINETA!

LARREINETAKO JAIEN PROGRAMA

Trapagarango jaiak atean daude!

2011-08-29T10:14:00.005+02:00

Joan dira Bilboko jaiak eta badatoz Trapagarango jaiak eta aurtengoan berrikuntza batzuekin:

1-Udaletxean orain arte egon den blokeoa gainditu da, jai batzordea inoiz baino irekiagoa izan da, udaletxe berriaren sorrerak izan du horretan eraginik eta inoiz baino talde eta kuadrilla gehiagok parte hartu dugu antolakuntzan. Fase berri batean sartzen dira Trapagarango jaiak, eta hurrengo urteotan modelo berria definituko dugula uste dugu.

2-Txosnaguneak leku berria izango du eta barrankoko eszenatokiaren inguruan izango du bere txokoa. Gure ustez eszenatokia sobredimensionatua badago ere, espazio berriak aukera berriak emango dituela uste dugu.

3-Kuadrillen arteko liga da aurtengo apustu handiena. Ekimen honekin parte hartze kultura sortu nahi dugu gure herrian. Bilboren antzeko konpartsen edo kuadrillen giro bat sortu, egunez eta gauez. Sentsibilitate eta adin ezberdinetako jendea elkartuz. Egunero egongo da parte hartzeko ekimenen bat.

4-Herriari dagokionez, jai batzorde moduan herri ikuspegia lantzea falta zaigu, oraindik jai batzordea ez dago kohesionatua, talde bakoitza joan eta gurea botatzen dugu, baina ez dugu herriko bisiorik. Hurrengo urteetan zuzendu beharreko gauza bat dugu. Azkenean herriarentzat jai eskaintza bat egin behar dugu, horretan inplikatu behar gara, elkar eraginez eta gure txokoeriak baztertuz.

5-Azkenik, txosna gunea asko indartu dugu, baina jaiak txosna baino gehiago ere badira. Herriak egiten ditu jaiak, eta oraindik herriko hainbat gune baztertuta gelditzen dira. Kalea jai bihurtu behar dugu, jai batzorde sendo eta kohesionatu batek dinamizaturik. Hori da erronka nagusia, ikusiko dugu hurrengo urteetan nola eboluzionatzen duen.

Ondo pasa jaietan eta aurrera TRAPAGARAN!

Datorren ostegunean, GAZTETXEEN ALDE! Bilboko Aste Nagusian.

2011-08-19T10:58:00.005+02:00

Kukutzaren auzia oinarri hartuta gaztetxeen aldeko zita jarri dute Bilbon datorren ostegunerako. Bilboko Aste Nagusian, Manifestaziorako deialdia zabaldu du Bilboko Okupazio Mugimenduak (BOM). Azkenengo hilabeteotan, hainbat gaztetxek eta gune liberatuk jasaten ari diren oztopoak, kolpeak zein proiektu libre eta autogestionatuen ixteak salatzeko. Instituzioen aldetik gaztetxe eta proiektu autogestionatuen aurkako erasoa orokorra izan da azken hilabeteotan, prentsa begiratu besterik ez dago. Plentziako ermitatze gaztetxearen ixtea, Portugaleteko koskoenea ixtea, zallako gaztetxeari su ematea edo kukutzaren egoera dira egoeraren erakusgarriak.

Horregatik, Euskal Herriko gaztetxe guztiek bat egiten dugu osteguneko manifestazio deialdiarekin, proiektu libre eta autogestionatuen alde. Auzo, zein herrien autoeraketa proiektu kolektiboen alde, Abuztuaren25ean, osteguna, arratsaldeko 17.00etan, Bilboko plaza zirkularrean izango gara. ZABALDU MEZUA!

Egun osoan zehar ekimenak egongo dira, manifestazioaz gain, bazkari herrikoi erraldoia, errekaren okupazioa, sikoblok-a, kontzertuak eta...

BUSTI GAZTETXEEN ALDE!
abuztuak 25, osteguna
17:00etan plaza zirkularretik
MANIFESTAZIOA!

Federico Garcia Lorca. 1936-8-18

2011-08-18T11:20:00.005+02:00

Federico Garcia Lorca Espainiar olerkari eta antzerkigilea izan zen, generación del 27 deitu zen literatur mugimenduaren partaide izan zen. 1922an idatzi zuen bere lehen olerki liburua "libro de poemas" izenekoa. Andaluziakoa izanik, Andaluziako molde tradizionalak landu zituen "Romancero gitano", "poema del cantante jondo" moduko liburuak idatziz. 1929an Estatu Batuetara joan zen eta bertan idatzi zuen bere olerki bilduma famatua "poeta en Nueva York". 1933tik aurrera Errepublikako gobernuak eskaturik "La Barraca" antzerki taldea osatu zuen eta herririk herri ibili zen klasikoen obrak plazaratzen.

1936ko Gerra hasi zenean Garcia Lorca Madrildik Granadara joana zen opor egun batzuk gurasoekin pasatzera. Primo de Riveraren adiskidea izen zen zenez (ostiraletan elkarrekin afaltzen zuten, Gabriel Celayak kontatu zuenez), hasieran ez zen larritu harik eta faxistak abuztuaren 9an etxea miatzera joan ziren arte. Orduan Luis Rosalesen etxean ezkutatu zen harik eta abuztuaren 16 atxilotu zuten arte, torturatu eta abuztuaren 18-19 arteko gauean hil zuten. Euskal Herrian Juan san Martin, Sabin Muniategi, Gabriel Aresti edo Harkaitz Cano izan dira bere poemen euskaratzaile, baina Juan Luis Zabala egin zuen lanik handiena Poeta en Nueva York liburua itzuliz.

"Poeta en Nueva York" liburua euskaraz irakurtzeko sakatu hemen:
Poeta New Yorken

DONOSTIAKO PIRATAK: Jai herrikoien erakusgarri.

2011-08-16T14:10:00.006+02:00

10 urtetan zerotik egiazko alternatiba izatera pasatu dira Donostiako Piratak. Donostiako Aste Nagusia beti karakterizatu da guretzat bere elitismoagatik edo jai prefabrikatuen famagatik. Azken urteetan ordea, Donostiako piratek erakutsi dute proiektu konkretu batean kolektiboki sinistuz eta lan eginez posible dela haien hirira egokitutako alternatiba herrikoi eta partehartzaile bat sortzea.

Abordaia da Donostiako Piraten sinboloa eta ekintza jendetsuena. Arrakasta itzela eta indar izugarria hartu du ekimen herrikoi honek. Goizean goiz elkarturik Donostiako kaian biltzen dira kuadrillak eta bertan muntatzen dituzte balsak, elkarrekin bazkaldu eta arratsaldean portutik Kontxako hondartzara iristen saiatzeko. Aurtengo ekitaldian 5000 pertsona inguruk parte hartu dute.

Arrakasta honen erakusgarri da urte luzeetako ukazioaren ondoren aurten azkenik udalak "la flamenca" jai gunea muntatzeko baimena ematea piraten mugimenduari eta horrela Donostiako aste nagusian piratek antolatzen dituzten pilaka ekintza partehartzaile, zein kontzertu duintasunez eta zentraltasunez garatu ahal izateko. Indar metaketa eta herriaren baldintzak baliatzea izan da gakoa. Guk ere geurean badugu lan egiteko.

INFO+: Pirata mugimenduaren bilakaera eta historia (GAUR8 aldizkarian)

Hay que ampliar el puerto (El diario vasco)

ELGEROKO JAIAK: abuztuak 15.

2011-08-10T13:02:00.004+02:00

Poliki poliki badoa aurrera uda eta Ama Birginaren egunarekin batera, abuztu erdialdean, Elgeroko jaiak heltzen dira. Trapagarango beste auzo bateko jaiak. Tamalez, komunikazio txarrak direla edo auzoetako jaiei orain arte babesik eman ez zaiela ez dugu elkar ezagutzen, ez dugu Trapagarandik Elgerora joateko ohiturarik.

Historikoki ez da gure herrian kohesio handirik egon. 3 gune nagusi egon dira, batetik Escontrilla-Llano-Zaballa, bestetik Arboleda-Larreineta-Barrionuevo eta azkenik Salcedillo-Galindo-Elguero. Azken honetan harreman handiak izan dira betidanik Sestaorekin eta 3 nukleoak elkarrekin garatu dira General Electrica zein Babacock lantegien inguruan. Azken hamarkadetan ordea, auzoek marginalizazio, huste, eta zahartze prozesua bizi izan badute ere duela ez aspaldi bizitasun handiko gunea izan da Elgero-Galindo-Salcedillokoa. Prozesu horretan, "FONDA ELGUERO" taberna ixtea auzo biziaren ahultzearen beste erakusgarri bat besterik ez da.

Dena den eta zailtasunak zailtasun Elgeroko auzokideek segitzen dute haien auzoko jaiak antolatzen, auzoari bizitasuna ematen eta auzo inplikazioa handitzen. Elgeroko komunikazioak hobetu behar dira, auzoetarako kultur ekintza sare bat sortu eta sendotu. Auzoetako jendeari bere buruaren jabe egiteko tresnak eman eta bide horretan gazteen inplikazioa segurtatu, gazteek ekartzen baititugu ideia eta molde berriak.

Ondo pasa Elgeroko jaietan! Eutsi horri! AUZO TTIKIAK BIZIRIK!

ELGEROKO JAIEN PROGRAMA: http://www.trapagaran.net/archivos/noticias/PROGRAMA%20FIESTAS%20ELGUERO%202011.pdf

Abuztuak 6, SALBATORE EGUNA, gure herriaren eguna.

2011-08-06T18:03:00.004+02:00

Bere eguna zein den ez dakien herria, arimarik gabeko herria omen da. Izan genuen nortasun bat baina gure herriaren garapen demografikoa batetik, kontsumo kulturaren sarrera bestetik eta udaletxearen utzikeriaren ondorioz itota ahaztu egin zaigu gure herria zein den eta gu nor garen. Horrela gaude, gazteek uste dugu San Ramon (abuztuak 31) dela gure herriaren eguna baina hori ez da beti horrela izan.

Abuztuak 6 da Trapagaranen eguna
Abuztuak 6 izan da beti Trapagarandarren eguna. Oraindik ere Gorbeialdeko euskaldun zaharrek gure herriari euskaraz Salbatore deitzen diote, izan ere egun horren inguruan, abuztuaren lehen astean, ospatzen baitziren historikoki gure herriko jaiak. Meatzaldean oso jai famatuak ziren eta gure herriko zaharrek esaten dutenez 6 egun irauten zuten (astelenean hasi eta iganderarte). Haurrentzako jolasak, erromeriak eta txarangak egoten ziren, txirrindularien karrera profesionala, igela txapelketa, artzain txakurrak, txiste kontalariak, tronpalariak...

Abuztuak 31 zergatik bihurtu da gure herriko jaia?
Ramon de Durañona XIX.mendean Trapagarandik Argentinara joan zen "indiano" bat izan zen. Ameriketan aberastu zen eta eskola bat sortzeko dirua bidali zuen Trapagaranera. Trapagarango lehenbiziko eskola izan zena gaur egungo udaletxearen beheko partean kokatu zen, eta eskola gestionatzeko fundazio bat sortu zuten: Ramon de Durañona fundazioa. Fundazio horretan 6 patrono zeuden (Urioste, Escontrilla, Llano, San Andres eta Zaballako ordezkari bat + alkatea) eta fundazioak abuztuaren 31ean San Ramon egunean Ramon de Durañonaren omenez meza bat egiten zuen.

Frankismoan, Trapagarango INDARRA dantza taldea abuztuaren 31ean euskal dantza alarde bat egiten hasi zen, Ramon de Durañona fundazioaren egunaren aitzakipean euskalduntasuna eta abertzaletasuna gure herrian berriz piztu asmoz.

Horrela Frankismoa amaitu ondorengo lehenbizko udaletxea sortu bezain laster jaiak abuztuaren amaierara pasatu zituzten. Hasieran abuztuaren 31an amaitzen ziren gure herriko jaiak eta horrela ezagutu ditugu gehienok, baina orain Bilboko jaiak atzeratzearekin batera, gure herriko jaiak ere atzeratu egin dituzte eta abuztuaren 31an hasten dira. Zein herri klasetan bizi gara bere eguna finkaturik ere ez daukana?

Gure nortasuna berreskuratzea, helburu estrategikoa.
Gaur egungo ikerketa soziologiko nagusiek herri nortasuna eta gizarte sare sozial sendoak hartzen dituzte herritarren sokuntza, inizatiba eta partehartzearen oinarritzat. Berako jaiak abuztuaren hasieran izan dira eta hala jarraitzen dute, Lizarrakoak ere bai eta ez dituzte Gasteizkoekin koinziditzen dutelako aldatzen, Portugaletekoak abuztuaren bigarren astean dira eta arrakastaz eusten diete, Arratiako Areatzan Bilboko Aste Nagusiarekin bat datoz.

Ez dugu herri nortasunik, herri bazkaria ikusi besterik ez dago, gure herriaren taminako edozein herritan 800-1000 pertsona bildu ohi dira, non gaude gurean? Egia da aurten parte hartzea jai batzordean handitu dela baina asko falta zaigu egiteko: gizarte sareak sendotu, herriko taldeetan oinarritutako jai eredu propio bat sortu eta kuadrillen partehartzea bultzatzeko ohitura sortu. Ez dugu esaten abuztuaren bukaerako jaiak berriz hasierara itzuli behar direnik baina bai abuztuaren 6a berreskuratu behar dugula. Eguneko jai egun bat berrasmatu behar dugu, carrascoliendasekin egin dugun bezala, inter-generazionala, gaudenak kalean elkartuko gaituenak. Gure herriaren identitatea ber-sortu eta gizarte sarea trinkotuz Trapagaran berria eraikitzeko, bestela berdin izango baitzaigu gure herriko jaietan egon, Mao-Mao diskotekan zein Salouko edozen hondartzako rave batean, nahiz eta txosnak egon. Azkenean herriko zahar batek gaur goizean lehengo garaietaz oroituz esan digun bezala jaia herriak egiten du.

Poliziaren errepresio kolpeen ondoren, azkenean 15M mugimenduak Sol plazan sartzea lortu du.

2011-08-06T11:42:00.007+02:00

Aita Santuaren bisitaren aurrean ematen du Madrideko erdigunetik 15M mugimendua baztertu nahi dutela.

INFO+: "el papa despierta el lado neocon de Euskal Herria"

Sol plazatik kanporatu ondoren, 3 egunez aritu dira plazara itzultzek saiakeretan, atzo azkenean berriz plazara sartzea lortu zuten. Dudak bagenituen udal hauteskundeen ondoren 15M mugimenduarekin zer gertatuko zen, egiazko ezker bilgune bat Espainian sortzen ari dela dirudi. Alderdi politikoek ez dute erabakitzen, finantza etab ankuen erresuman. Sindikatuak patronalaren eskuetan salduta, ere ez. Beraz herritik, asanblearismotik, ohiko alderdi eta sindikatuen kontroletik kanpo ezker mugimendu, sozial, alternatibo eta ekintzaile berri bat sortzen ari da Espainian, zertara joango den ez dakigu baina herria pizten ari da eta hori ona da.

Egia da halaber mugimenduak ez duela oraindik zehaztasunik, ez duela heldutasunik, baina "Che"-k esaten zuen moduan ezker baloreetan formatzeko unibertsitaterik onena iraultzaren bideetan murgiltzea da. Erresistentzia eta alternatiba eraikuntza.

15M mugimenduari buruzko dokumental bat jartzen dugu hemen, mugimendua hobeto ezagutu eta mezua zabaldu asmoz. AURRERA HERRIA! DEMOCRACIA DIRECTA y PARTICIPATIVA! EKONOMIA BERRIA HERRIAREN ALDE!

INSIDE 15M: 48 horas con l@s indignad@s Vimeo.

Bihar garbiketa eguna gaztetxean. Sardinxaharren aurka!

2011-07-27T11:49:00.002+02:00

Lonjero egunean hasi eta orain arte segitzen duen sardin-xaharren erasoa amaitzeko unea heldu da. Bihar garbiketa eguna izango da.

Gabiketa brigada
anti-sardin-xahar
16:00etan GAZTETXEAN

Gaur hasi dira Arboledako jaiak.

2011-07-21T20:16:00.004+02:00

Bihar Madalena eguna, zaldiak, jendea, kobazulora joan etorria, bajada eta erromeria. Egiazko Far West. Gaur hasi dira Arboledako jaiak, eta ez da dudarik zerbait berezia badutena. Lekuagatik, etxe, plaza eta tabernen aglomerazioagatik (metro karratuko taberna gehien duen herria!). Bereziak dira Arboledako jaiak, baina lehen bazuten beste indar bat.

Urteak dira Arboledan egiazko jai batzorde bat ez dagoena. Herritarren banaketa, inplikaziorik eza, herri antolakuntza eta autonomia desagertarazi du, udalak antolatzen ditu orain jaiak. Herriarekin loturarik gabe, norabiderik gabe, andaluziako feria de abril estiloan. Lehengo jaietaz gogoratzen garenok, 15 egun irauten zuten jaiek, akanpadan igotzen ziren beheko herrietakoak, Reincidentesek ere jo zuen behin, erromeria partehartzaileak, herritarren bazkaria, pilota txapelketak edo herri kirolak, gau eta egun egoten zen giroa bertan eta hartaz oroitzen gara.

Arboledak baditu aukerak Trapagaranek ez dituenak. Arboleda herri bat da, Arboledak badu indarra, plaza txukuna du, bertako jendea benetan inplikatzen da, tabernak eta herrikoitasuna. Erabil dezagun indar hori herriaren onerako, gazteei balibideak emateko, berriz ere Arboledako giroa pizteko, meatzaldeako Lesaka berpizteko. Ez gaitzaten bihurtu plastikozko pertsonak plastikozko munduan. ARBOLEDA BIZIRIK! MEATZALDEA BIZIRIK! Bertan ikusiko dugu elkar:

ARBOLEDAKO JAIETAKO PROGRAMA: http://www.trapagaran.net/archivos/noticias/ARBOLEDAKO%20JAIAK%202011_1.pdf

KOLORETAKO UHOLDEA bildu zen larunbatean KUKUTZAREN ALDE.

2011-07-18T11:59:00.003+02:00

Milaka eta milaka jende, kolore ezberdinetako banderak, malabareak, mozorro, klown, musika... Manifestazio koloretsu handi batek Kukutzak Errekaldeko gaztetxe autogestionatu eta libre izaten jarraitzeko eskatu zuen larunbatean. Bertan egon ginen Trapagarango gaztetxekoak ere bai. Protesta handia izan zen eta jendearen aniztasuna argi gelditu zen. Urrats bat izan zen Kukutza gaztetxearen defentsan. KUKUTZATIK EZ DIRA PASAKO!

Herri osoari irekiak dauden espazio libreen alde, autogestio eta auzotarren antolakuntzaren alde. Ondorengo bideoan azaltzen da kukutza gaztetxearen historia, antolakuntza eredua eta urteetan zehar Errekalde auzoan eraikitakoa. Gaztetxeko eta auzokideen ahotik:

MANIFESTAZIOKO ARGAZKIAK

TRAPAGARANGO JAIAK: eredu herrikoi eta partehartzailean sakonduz

2011-07-15T16:05:00.002+02:00

Erori da harresia, jai batzorde irekia eta benetan demokratikoa daukagu. Gauzak bertan proposatzen dira, eztabaidatu, adostu eta aurrera eraman. Aurrerapauso itzela da hori eta hortik helduko dira aldaketak ondorengo urteetan ere bai. Jai eredu berria sortzen ari gara, ezberdinen artean, parte hartzean oinarrituz Trapagaranerako.

Nola sartu orain jai berrien eraikuntza, parte hartzea eta herrikoitasunaren bidean. Zein oinarriren arabera mugitu edo sakondu? Hainbat ideia nagusi landu ditugu, azpian sakonago azaltzen dugun txostenean.

1-Txosnagunea marginalitatetik atera eta jai gune bat gehiago bezala erabili. Barrankoko eszenatokiaren inguruan ipini.

2-Herrian eguneko giroa piztu, herri barruan jai gune berriak sortu egunez ekintzak egiteko.

3-Txosnetako kuadrilla eta lonjak oinarri hartuta liga partehartzaile bat antolatu eta herriari ireki (kuadrillen bajada, ginkana, goitibera....)

4-Txapelketa gastronomikoak indartu eta elkartu. Herri ikuspegitik indartu.

5-Makro-Kontzertu handien eredua gainditu, talde ertainagoekin kultur eskaintza osatu, herriko kultur talde eta balibideak dinamizatu eta indartu eta jaietako presupuestoa murriztu.

Poliki poliki ari gara jai egitaraua guztion artean osatzen eta laster izango dugu konfirmatuta. Hemen lotzen ditugu jai batzordean gaztetxetik defendatu dugun posturaren oinarriak:

INFO+: http://euskalherria.indymedia.org/media/2011/07//75400.pdf

KUKUTZA gaztetxea zutik! Larunbatean Bilbora.

2011-07-12T17:29:00.004+02:00

Gaztetxe mugimenduaren artean Euskal Herrian sinbolorik bada Errekalde auzoko Kukutza gaztetxea da horietako bat. Auzoak berreskuratutako pabelloi industriala, gazte asanbladak gestionatua. Rokodromoa, kontzertu gunea, tailerrak, haurrentzako ekintzak, ensaio gune, kultur gune askea eta autogestionatua.

13 urte dira gazteek kukutza auzoarentzat ireki zutena, orain edifizioa konstruktora batek erosi duela eta epaiketan sartuta epaileak desalojo eta derriboaren alde egin du. Kukutzak ordea balore espekulatiboa baino gehiago du. Autogestiaren eskola, auzoari bizia emateko gunea, edozeinentzako espazio irekia... Badira aukerak desalojoa geldiarazteko, udaletxeak konstruktorari eraikitzeko beste lur batzuk ematea eta kukutza mantentzea beste batzuen artean.

Ekipo bat muntatu dugu Trapagaranen ere egoera honen berri emateko eta ahal gehien zabaltzeko (Eskuhorriak banatzeko 18:00tan gelditu gara BBK.-ko gurutzean, ahal duena etor dadila). amaitzeko Kukutzarekin elkartasunez larunbatean Bilbon egingo den kukutzaren aldeko manifara deialdia ere zabaltzen dugu. Han elkartuko gara. Kukutza eta gaztetxe guztiak zutik!

LARUNBATA, uztailak 17
KUKUTZAREN ALDEKO MANIFA INTERNAZIONALA
18:00etan Bilboko udaletxetik

EHZ festibalak ateak ireki ditu gaur Heletan (Baxe Nafarroa)

2011-07-01T15:54:00.005+02:00

1996ean egin zen lehenbizikoz Euskal Herria Zuzenean festibala, kapitalismoa eta globalizazioari aurre egiteko, alternatiba kulturala eraikitzeko gaitasuna dugula agerian utzi nahiean. Jadanik hamasei urte, milaka laguntzaileri esker EHZ plantan eta oztopo meteorologikoak, ekonomikoak edo geografikoak gaindituz EHZk .

Geroztik 8000 inguru laguntzailek, 500 bat musika taldek eta 300 000 festibalzalek EHZn parte hartu dute. Zifra horiek hobetzeko prest badator EHZ hamaseigarrena.

Hiru egunez, bost eszenatoki eta 60 emankizun hori izango da EHZ festibalaren eskeintza. Musika estilo asko, nazioartekoa (Bongo botrako, Tokyo Sex Destruction, edo Tiken Jah Fakoly) zein Euskal Herrikoak (Ken 7, Gose, Betagarri edo Anari) eta programazio aberatsa bilduko ditu jaialdiak Euskal Herria bizirik dela erakutsiz.

INFO+: http://www.ehz-festibala.com/

Festibal alternatibo eredugarria

Logika komertzialari uko egiten dion festibala da EHZ. Enpresa handien babesa baztertuz boluntario eta laguntzaileen lanean oinarritzen da festibalaren antolaketa, (this is not BBK live!) baita beste gizarte eredu baten aldarrikapena egitean eta praktikara eraman eta 3 egunez eredu horretan bizitzean.Europa mailan alternatiboki antolatzen den festibal gutxietariko bat da EHZ. Urik gabeko komun ekologikoak, zabor bilketa berezitu eta eredugarria, sare alternatiboko edariak, bazkari eta elikagai ekologikoak...

Musikaz gain hitzaldiak, antzerkiak, haurrentzako emanaldiak, dokumentalak, akle animazioak...
Milaka lagunek festibalaren baloreak diren euskal kultura eta hizkuntza, euskal preso politikoen eskubideen defentsa, globalizazioaren aurkako borroka eta orohar, elkartasuna, partekatuko dituzte festa giroan Baxe Nafarroako Heleta herrixkan. Muga geografikoa, politikoak, sozialak eta kulturalak gainditzeko gogoz "mugetatik'at" lelopean haren hamaseigarren edizioa ospatzen du festibalak.
extrait pour code de vidéo....

LORTU DUGU JAI BATZORDEA. Lehengo bilera astelenean udaletxean.

2011-06-24T11:49:00.006+02:00

JAI BATZORDEan orain arte aritu diren taldeek alkatearekin hitz egin ondoren, martxan hasiko da berriz jai batzordea. Kuadrilla eta herriko talde guztiei irekia, edozein ideia eta proposamenei irekia. Bertan erabakiko dira jaiak nola, zer eta non egingo diren. GUZTION ARTEAN LORTU DUGU EGIAZKO JAI BATZORDEA!

Orain da momentua! beste jai eredu bat sortu behar dugu, bakoitzak genituen ideiak bota eta praktikan jartzekoa. Herri osoa hartuko duen jai eredu berri bat sortu behar dugu, eguneko giroa bultzatuko duena, adin ezberdinen arteko loturak egingo dituena, euskal kulturan eta partehartzean oinarrituko dena eta herri bezala indartuko gaituena. Guztia dago irekita, horregatik da inoiz baino garrantzitsuago zure kuadrillak, elkarte edo taldeak parte hartzea. Bertan erabakiko da guztia. Elkarrekin osatuko ditugu Trapagarango jai berriak. Datorren astelenean izango da lehenego bilera. Trapagaran da gure herria! eraiki dezagun! ETORRI, PARTE HARTU!

JAI BATZORDEA 1.bilera
ekainak 28, ASTELEHENA
19:30etan udaletxeko pleno aretoan

Bihar hasiko dira Ugarteko jaiak

2011-06-22T16:02:00.004+02:00

San Juanak datoz eta horrekin batera Ugarteko jaiak. San Gabrielgo jaien ondoren, herrikoitasunean eta partehartzean oinarrituz Ugarteko jai batzordean gazteek antolatzen dituzte jaiak. Hemen duzue egitarau osoa. AUZOAK BIZIRIK! Ondo pasatu eta bertan ikusiko dugu elkar!

EKAINAK 23, OSTEGUNA

19:00	Txupinazo y pasacalles.
19:00	Tortilla txapelketa
20:00	Txosna irekitzea.
0:00	San Juanada.

EKAINAK 24, OSTIRALA

11:00	Kalejira.
12:00	Meza santua.
12:15	Haurrentzako parkea.
18:00	Boloak katxete erara.
18:00	Patinak, bizikleta eta molto motor lehiaketa.
19:30	Futbol partidua: solteros y casados.
0:00	“LISKER” taldearekin erromeria

EKAINAK 25, LARUNBATA

11:00	Kalejira
11:30	Paella txapelketa.
11:30	Concurso de Rana.
12:00	Haur tailerra
16:00	Mus txapelketa.
18:00	Ginkana.
19:00	Txakur erakustaldia
23:00	Diskotxoua.

EKAINAK 26, IGANDEA

11:00	Kalejira.
11:30	Marrazki txapelketa.
12:00	Txinbera txapelketa.
13:00	Euskal dantza alardea.
18:00	Tiragoma txapelketa.
19:00	Cerato el gallinato.
20:00	Jotak "Alma Navarra eta Alma Latina"
22:00	Azken Traka.

San Juan gaua bihar gauean funikular atzean

2011-06-22T15:06:00.005+02:00

Ekainak 21ak egiten du Udaren hasiera. Urteko egunik luzeena, gaurik laburrena. Ziklo baten hasiera eta bestearen amaiera. Horrela ulertzen zuen lehengo gizakiak eta horregatik egiten zuen sua mendie eta auzoetan. Kristautasun aurreko ohiturak dira hauek. Elizak eta kristau fedeak indarra hartu zuten neurrian ekainaren 24ra pasatu zuten Sua egiteko ohitura, Udaren hasiera festa San Juan apostoloaren egunarekin lotuz. Horrela heldu da guganaino.

Bihar ere udako sua antolatuko dugu herriko gazteek. Bihar 21:00tatik aurrera, funikular atzean, parrillada lonjero eguneko sobrekin, musika, txalaparta... ETORRI eta ANIMATU!

LONJERO EGUNAk 4. aldiz arrasatu egin zuen.

2011-06-20T16:22:00.005+02:00

Arrakasta ikaragarria, aurreko urteetan baino askoz jende gehiagoz 300 gazte inguru elkartu ginen kriston giroan. Goizean goiz lasai hasi zen futbito txapelketa, parrilladan giroa berotzen hasi zen, sokatirarekin jarraituz. ORKRESTA taldearekin egin genuen lonja kalejira maratonikoa, lonjaz lonja, batzuen eta besteen tragoez lagundurik eta bereziki ANFIko edabe magikoarekin lortu genuen amaitzea! Hortik berriz San Gabrielera eta segituan hasi ziren Humus Sapiens eta Usteak ustel San gabrieleko eszenan. Kriston giroa eszenatokitik emanez, ALDATS taldearen berbenak segitu zuen krsiton dantza betean eta txosnako DJak amaitu zuen eguzkiaren irteeran bakoitzak ahal zuen moduan etxerako bidea hartzen zuelarik.

Ondorio garbiak:
1-San Gabrieleko jaiak berreskuratu ditugu. Jaietako ekitaldi guztiak jendetsuak izan dira, asteburu osoa jendez lepo egon da San Gabriel eta horren motorra lonjero eguna izan da. Duela 4 urte Lonjero eguna egiten hasi ginenean beheraka, ia ia desagertzeko zeuden San Gabrielgo jaiak. Baina badaude gertakizunak inguruan eragiten dutenak eta lonjero eguna izan da horietako bat. Gazteengandik hasita auzora zabaldu da ilusioa, erakusgarri garbia; aurten inoiz baino familia gehiagok bazkaldu dute kalean, txosnan lagundu dute pintxoak ekarriz eta ekitaldietan parte hartuz. San Gabriel auzoa indarrez bizirik dago, guztion indarrez berpiztu dugu.

2-Lonjero eguna zabaldu da eta gazte berriak heldu. Duela 4 urte gaztetxetik bultzatuta 5 kuadrila hasi ginen lonjero eguna antolatzen. Gaur egun 300 gazte baino gehiago biltzen gara. Gazte berriak heldu gara eta esan dezakegu bereziki 16-20 urte bitartean guztiak bertan gaudela. Gainera gazteen artean pasotismoa baztertzen eta jendea gero eta gehiago bere erara pizten ari da, musika taldeak sortzen, bere zaletasunak lantzen. Zorionak usteak-ustel! Pizten ari gara.

3-Jai herrikoien eredua bultzatzen ari gara: Autogestioaren bidez, presupuesto handirik gabe baina herrian oinarrituz, jendearen arteko harremanak eta partehartzea bultzatuz beste jai eredu bat martxan jarri dugu. Herriko taldeen laguntzaz eta kale kulturan oinarrituz, euskara eta euskal kutlura bultzatzen ari gara. Lonjero egunaren bidez San Gabrielgo jaiak modernizatu ditugu, XXI.mendeko auzo jai modernoak bihurtu dira San Gabrielgoak.

4-Herria indartzen ari gara. Lonjero egunean 30 urtetik 15 urterako gazte gehienak elkartzen gara eta honek herriko gazteen arteko giroa hobetzen lagundu digu. Orain elkar ezagutzen dugu eta nabari da inguruko beste herrietako jaietan elkartzen garenean. Gazteen arteko sare bat sortzen ari gara, aurrera begira beste edozer egiteko aukera ematen diguna.

Etorkizuneko erronkak.
1-Belaunaldi berrien inplikazioa. 4 urte dira lonjero eguna antolatzen dugula, 22 urte genituenek lehen 26 dauzkagu orain. Atzetik gazte pilo bat lotu dira egunari, baina fase bat amaitzen ari da eta beste bat hasi. Ideia berriekin eguna birmoldatu, hobetu eta garai berriei egokitzeko unea da. Belunaldi gazteagoek ardurak hartzeko garaia.

2-Herrian eragin. Lonjero egunaren bidez sortu dugun gazteen arteko sareak gauza gehiago egiteko aukera ematen ditu. Jai herrikoien ereduan gustura gaude, herriko jaietarako egiazko jai batzordea osatuko da berehala. Baina egiazko jai herrikoiek nahi baditugu ez dira hauek talde baten edo bestearen kontzertuetan oinarrituko, kuadrillen partehartzean eta inplikazioan egongo da gakoa. Ez izan kultura kontsumitzaile, izan protagonista, zure kultur espresioak garatu, lagunekin musika taldea sortuz, edo bajadan parte hartuz, edo bertso eskolakoak bezala gerrillarekin... Parte hartu jai batzordean ideiak emanez eta ardurak hartuz, eta parte hartu ekintza partehartzaileetan. Lonjero eguneko olatua ez dezagun galtzen utzi, bihurtu dezagun tsunami!

SAN GABRIELGO JAIAK 2011: EGITARAUA

2011-06-16T13:19:00.002+02:00

Open publication - Free publishing - More arkotxa

Badatoz San Gabrielgo jaiak. Auzoetako jaiak, auzoak bizirik nahi ditugulako, auzoetan urtean zehar kultur ekintzarik egiten ez delako, bizilagunak elkartu eta harremanak indartzen dituelako. Haurrentzako ekintzaz beteta, Txan magoa, kontzertuak, dantza agerraldiak , lonjero eguna, Orkresta, Humus Sapiens, Mendeku Itxua, Usteak Ustel, ALdats, Harrizulatzaileak, Bertso-afaria, Pilota partidak, tortilla txapelketa....

Etorri eta gozatu, hartu kalea, bizi auzoa! SAN GABRIEL BIZIRIK!

JAI batzorde bat osatzeko bilera irekia bihar

2011-06-15T13:06:00.002+02:00

Alkatetza aldatu da, orain egiazko jai batzorde bat sortzea beharrezkoa da. Alkate berriarekin bilera bat eskatuko dugu datorren asterako. Gauzak aldatzeko aukera dago orain. Harresia jausi da, jai herrikoiagoak egiteko aukera daukagu:

-Eguneko giroa piztuz
-Kuadrillen partehartzea bultzatuz
-Txosnaguneari erabilgarritasuna emanez
.....

Jai eredua aldatzeko unea da hau. Horregatik bilera deitu dute jai batzordea osatzen duten taldeek zein hainbat txosnek. Bilera irekia da, ideiak trukatu eta alkateari egingo diogun proposamena zehazteko.

BIHAR arratsaldeko 19:30etan
anbulategi zaharrean
Protesta fasea gainditu dugu, eraikitzera goaz!

Haur eta gurasoentzako ekitaldiz lepo SAN GABRIELgo jaiak

2011-06-14T16:12:00.002+02:00

Haur eta gurasoentzako ekintzaz lepo datoz San Gabrielgo jaiak. Euskaraz, familiarekin, haurrekin... bizi auzoa, hartu kalea!

EKAINAK 18, larunbata
12:00etan AITZOL eta bere txotxongiloak
San Gabrielgo plazan

EKAINAK 19, igandea
18:00etan TXAN MAGOA
San Gabrielgo plazan

LONJERO EGUNEKO bilera bihar.

2011-06-12T17:42:00.002+02:00

LONJERO EGUNA antolatzeko azken bilera egingo dugu bihar, hitz egingo diren gaiak ondorengoak dira:

1-Futbito txapelketa eta taldeak
2-Parrilladarako zerrenda eta lan txandak
3-Txosnako txandak.
4-Lonja poteoko ibilbidea.
5-Gaztetxe publikoaren aldarrikapen testua.

Bihar, ekainak 13 astelena
LONJEN ARTEKO BILERA
19:00etan gaztetxean

MAIALEN LUJANBIO, JON MAIA eta FREDI PAIA San Gabrieleko jaietako afarian.

2011-06-08T16:48:00.003+02:00

Iaz bezala, aurten ere BERTSO AFARIA egingo dugu San Gabrieleko jaietan. Gaztetxean hasi ginen orain 5-6 urte bertso afariak antolatzen, eta hortik hasita egin dugu aurrera. Gutxi ginen eta askoz gehiago gara orain. Gazteengan bertsolaritza eta euskara zabaltzen ari gara. Kalea, plaza irabazten ari gara. Gaztetxetik herrira goaz. San Gabrielgo jaiak bultzatuz, espazio herrikoiak irabaziz.

EKAINAK 17, ostirala

Trapagarango bertso gerrilla
gaztetxetik 18:30etan hasita lonjaz lonja

21:30etan BERTSO AFARIA
MAIALEN LUJANBIO, JON MAIA eta FREDI PAIA
Afariko txartelak 12 eurotan
Ainhoa ileapaindegian, Gernikako arbola, Ilargi eta La Pinta tabernetan
*txartelak asteazkenerarte salgai egongo dira.

JAI BATZORDE BATEN ALDE ostiralean protesta. Danok kalera!

2011-06-07T15:42:00.006+02:00

Pilar Soutok kontratazioak egiten jarraitzen du. Jakin dugun azken kontratazioa MOJINOS ESKOSIOZ taldearena izan da. Haien webgunearen bidez jakin dugu. Konprobatu nahi duenak hemen sakatu besterik ez dauka: http://www.mojinos.com/conciertos.asp

Aski da! Jende guztiak komentatzen du hau ez dela normala, baina ez du balio lagunekin edo tabernan kejatzea. Aurrera egingo badugu kalera irten behar gara. Meatzaldeko beste herriek badute JAI BATZORDEA. Guk ere behar dugu geurea. Arazoa ez da Mojinos datorrela edo Andy Lucas. Egiazko arazoa da nork erabakitzen dituen gauza horiek. Ez dakigu zenbat diru gastatzen duten, ez dakigu jaien egitaraua zein den, ez dakigu proposamen herrikoiekin (gotiberak, pilota txapelketa, harrizulatzaileak, herriko musika taldeak...) zer gertatuko den. Ezin dugu horrela jarraitu!

Garaia da bidea egiten hasteko, garaia da espazioak irabazteko. JAI BATZORDEA osatzen dugun taldeek protesta zaratatsu eta alaia deitzen dugu datorre ostiralerako. Ahalik eta jende gehien elkartu behar gara. JAI BATZORDEA ORAIN! Derrigorrezkoa da!

PROTESTA ZARATATSU eta ALAIA
Ostiralean, ekainak 10
19:30etan udaletxeko plazatik

Etorri lagunekin, ekarri turuta, kazuela edo nahi duzuna!
JAI BATZORDEA TRAPAGARANEN ORAIN!

EGIN DEZAGUN BIDEA

2011-06-07T15:10:00.003+02:00

Nork ez dauka gaur egun seme-alaba, lagun, senide, ezaguna kartzelan? Asko dira gaur egun preso dauden euskaldunak. Gehiegi dira gure herriaren askatasunaren bila barroteak aurkitu dutenak. Haien herriarekiko maitasunagatik hasi ziren borrokan, eta egun batean bere burua ziega ilun batean aurkitu zuten. Gure herria bezala, haiek ere haien askatasuna ukatuta ikusi zuten. Kartzelan sartu zituzten pertsonak ez balira, haien eskubide guztiak kentzen, haien familia eta lagunengatik urruntzen. Egunero barroteen artean, egunero bakardadea, jipoiak, torturak…

Kanpoan sakabanaketaren beste aldea, guk, familia eta lagunak. Bizitza aurrera doa, baina gure bihotzetan zintzilik bizi dira. Astebururo errepidean gaude. Istripuak, arazoak espetxeetan… Milaka eta milaka kilometro egiten ditugu kristal lodi eta hots baten atzean 40 minutu elkar ikusteko.

Hau aldatzeko garaia heldu da. Asko izan ginen urtarrilean, egin genuen urratsa. Orain bidea egiteko eguna heldu da. Datorren igandean, ekainak 12, guztiok egon behar gara Bilbon. Gure oihuak entzun egingo dira espainiako eta frantziako espetxe guztietan!

ESKUBIDE GUZTIEN JABE EUSKAL PRESOAK ETXERA!

EKAINAK 12, IGANDEA GOIZEKO 12.30ETAN GUGGENHEIMETIK

MAITE ZAITUZTEGU!!!

ABB GALINDOko 160 langile kaleratzeko arriskuan. Gaur hasi dituzte protestak.

2011-06-01T17:06:00.005+02:00

Krisiak gogor jotzen ari du gure eskualdea. Inguruko enpresa handi guztiak ixten ari dira, zein etorkizun datorkigu gazteoi?

Babcockekin hasi genuen urtea
Aspaldi hasitako prozesua bere amaierara heldu zen. BabcockWilcox itxi zuten udaberri honetan eta langileak halamoduz gelditu dira. Negoziazioek jarraitzen dute baina gaur bertan jakin dugunez 220 langile izan dira inolako prestaziorik gabe daude langabezia eta jubilazio polizak ordaindu ezinik. INFO+Babcock: http://www.finanzas.com/noticias/economia/2011-06-01/494655_prejubilados-babcock-2004-manifestaran-este.html

ABB Galindo izan da azkena
Maiatzean jakin genuen Nervaceron 80 pertsonako ERE bat martxan zegoela, La Naval beste 125eri luzatu diete EREa eta azkena ABB Galindo izan da 160 langile kaleratzeko asmoarekin. Etorkizuna beltza ageri zaigu. Ehunka langile zuzenki kaleratuak etabeste hanibat enpresa eta tailer txikiren itxiera helduko da gero. Industriarik gabe, merkatal zentru handien eta multinazionalen menpean lagabezi tasa handiak dira gurean. Egoeraren adierazgarri dira gure eskualdeko kaleetan lanean berriz hasi diren langabetuen asanbladak.

INFO+: Trapagarango langabetuen asanblada

Krisia eta "marco vasco de relaciones laborales" arazoaren iturri.
Krisiak eragina du Euskal Herrian. Krisiak eragin itzela du Espainian, erreskate ekonomikoaz ari dira hitz egiten bankuak, industriarik gabe, eraikuntza sektorea erabat lur jota eta levanteko turismoaz eusten ari da Espainia.

Krisia mundu osoa ari da kolpatzen. Merkatu libreen eta espekulazioaren porrota da. euskal Herria ere kolpatzen du krisiak eta horren adierazgarri dira enpresa handien itxierak. Hala ere ABBk irabaziak ematen ditu oraindik, agian ez nagusiek nahi bezain beste, baina bai lantegia mantentzeko moduan. Kontua da, Galindoko planta Turkiara eraman nahi dutela. BErtan langileei gutxiago ordaintzen dietelako eta diru gehiago irabazteko.

Espainia ordea lastre bat da ekonomikoki Euskal Herriarentzat. ABBko kasua garbia da horretan. Madrilen, Bartzelonan, Kordoban eta Galindon dauzka ABBk lantegiak. CCOO eta UGT nagusiak dira lantegi guztietan Galindon izan ezik. Trapagarango lantegian ESK da nagusi. NEgoziazio orokorretan ordea ESK ez du ordezkaritzarik eta UGT eta CCOOk ari dira Espainia mailako negoziazio proposamenetan. Horrela ABB enpresaren barruan egingo duten errekonbersio osoan kaleratuko dituzten langile gehienak Euskal Herriko lantegietakoak izango dira.

INFO+: ABB reducira en 6% su plantilla, la mayoria en Euskadi

Zer egin daiteke? Trapagarango gazteok herrian bizi nahi dugu, herrian lan egin nahi dugu! Baina beti bezala aberatskumeen morroi gara. Lehen NEgurin bizi ziren jauntxoak, orain multinazionalen menpe, baina beti berdin. SANGRE MINERA, SEMILLA GUERRILLERA esaten zuen gure herriko punk musika talde batek.

ABBko langileekin bat egiten dugu. HErriko protestetan han izango gara. Trapagaran bere ekonomiaren alde. MEATZALDEA BIZIRIK!

Ostegunean JAIEI BURUZKO BILERA IREKIA

2011-05-31T13:49:00.003+02:00

Pilar Soutok Andy Lucas kontratatu duela. Jai batzordeko taldeek ez dakigu horretaz ezer, baina Andy Lucasen orrian horrela agertzen da. Urtero istorio berdina errepikatzen da eta ez dugu aurrera egiten. Bada garaia gure herrian egiazko jai batzorde bat izateko. Herriko kultur eta kirll taldeek eta kuadrilek osatua. Bada garaia jai batzordeak gure herriko jaietaz okupatu eta antolatzekoa. Horrela antolatzen dira jaiak Ortuella, Gallarta, LAs Carreras eta Muskizen. Horrela antolatzen dira San Gabriel, Ugarte edo Zaballan. Zergatik ez Trapagaranen?

Nola gainditu udaletxeko blokeoa? Egoera hau behingoz gainditu behar dugu, horretarako indarrak bildu behar ditugu. Protesta bat antolatu nahi dugu hurrengo asteetan. Herriko gehienek nahi dugu jai batzorde bat. Protesta hori antolatzeko, ideiak trukatzeko eta zerbait egiteko bilera irekia konbokatu dute jai batzordeko taldeek ostegunean. Abixatu zure lagunak eta etorri!

TRAPAGARANEN JAI BATZORDEA NAHI DUGU!
Zer egin?
BILERA IREKIA
Osteguna 19:30etan
Anbulategi zaharrean

HAUTESKUNDEAK: Eskozia bezala Euskal Herria eta Trapagaranen aldaketa

2011-05-23T16:53:00.005+02:00

BILDUren olatua tsunami bilakatu da hauteskundeetan eta izugarrizko indarrez sartu da udaletxeetan. 314.000 botorekin Hego Euskal Herriko 2. indarra izan da. Alderdi espainolak asko ahuldu dira eta Euskal Herri libre eta ezkertiar bateruntz bidea zabalago eta argiago ikusten da.

Horrela ari da gertatzen Eskozian. 2007an SNP alderdi abertzaleak hauteskundeak irabazi zituen lehenbiziko aldiz Eskozian, orduan autodeterminazio erreferenduma egingo zuela adierazi zuen. Ordutik kaleko lanean ari dira Eskoziako abertzaleak, independentziak dituen onurak azaltzen, gizartea eraldatzen erreferendumerako prestatzen. Emaitzak ere heldu dira: Aurtengo hauteskundeetan abertzaleek gehiengo osoa lortu dute Eskoziako parlamentuan lehenbiziko aldiz. Independentzia erreferenduma egingo dute legegintzaldi honetan eta aditu guztiek diotenez baiezkoak irabaziko du.

Bide beretik ari gara Euskal Herrian. Borroka aramatuaren fasea gainditzen ari garen honetan, erresistentzia fasetik eraikuntzara jauzi egin dugu. Euskal Herri askeak beste gizarte eredu hobe bat ekarriko du, justizia soziala, demokrazia partehartzailea, ongizatea... Ereduen eztabaidan murgilduko gara eta eztabaida horretan BILDUk Euskal Herrian gehiengoa lortzeko lan egingo du. Eskozian bezala Euskal Herria askatasunera eramateko. Euskal Herria XXI.mendeko munduan beste eredu alternatibo baten eraikuntzan ari diren herrien multzoan sartzeko.

Trapagaran prozesu horren baitan dago
-PSOEk (%33,73) beherakada handia izan du eta 2232 botorekin gelditu da.

-PNVk (%33,43) ez du lortu gure alkatearen etengabeko itxikeria eta jauntxokeria irudikatzea eta ez du lortu aurreko hauteskundeetatik boto bat gehiago ere gehitzen eta 2212 boto eskuratu ditu.

-BILDU (%18,38) indartsu sartu da udaletxera eta indarrak gehitzea lortu duen bakarra izan da 1216 boto lortuz.

-PPk (%5,8) zuena mantendu du 384 botorekin.

Emaitza horiekin udaletxea horrela gelditu da osatuta:

PSOE 7 zinegotzirekin
PNV 6 zinegotzirekin
BILDU 3 zinegotzirekin
PP zinegotzi 1ekin

20 urte daramatza orain arteko alkateak boterean, 20 urte eta milaka harresi. Denbora honetan jauntxoak bihurtu dira Sagredo, Pilar eta konpainia. Udaletxearen jarrera lotsagarria izan da azken 4 urteetan, prepotentzia eta txuleria hutsa, inposaketa, anti-euskalduna, herriko edozein proposamenetarako oztopo bat.

Ezin da horrela jarraitu, Sagredo eta bere ekipoa bere aulkietatik desalojatu behar da. Udaletxea herriari ireki, aire berria sartu. Aukerak badaude, BILDU eta PNVren artean konpontzea da kontua. Hurrengo asteak garrantzitsuak izango dira, ikusiko dugu ia adlaketa gauzatzea lortzen dugun!

INFO+: Trapagarango emaitzak 2007koekin alderatuta

Gaztetxe publikoaz alderdi guztiekin bildu gara.

2011-05-18T16:44:00.003+02:00

Trapagaranen gazteentzako gune publiko bat behar dugu. Autogestionatua, gazteok kudeatua. 10 urte daramtzagu gaztetxean, lana, proiektuak, ekimenak milaka izan dira, baina egoera normalizatzeko garaia da. Belaunaldi berriak sendo datoz, beste batzuk badoaz eta gaztetxeak badu ordua erkonozimentu publikoa jaso eta bere egoera normalizatzekoa.

Hauteskunde aurretik alderdi politiko guztiekin biltzea zen gure asmoa. Bilera eskatu genien guztiei eta guztiekin bildu gara PSOErekin izan ezik. PSOEri behin baino gehiegotan eskatu diogu bilera eta beti esa ndigute momentuan oso okupatutak daudela eta deituko digutela. Deiaren zain segitzen dugu.Dena den oso positiboki jo ditugu bilerak, ideia nagusietan ados azaldu baitira guztiak (PNV, Ezker Batua, BILDU):

1-Gazteentzako lokal publiko baten beharra ikusten dute guztiek.

2-Lokal hori gazteok beraiek autogestionatu beharraz aritu dira guztiak.

Aukerak badaude gaztetxe publiko autogestionatu txukun bat lortzeko. Hemendik aurerako hilabete eta urteotako borroka, nahia eta ereikuntza, gazte mailan hara bideratua izango da. Lortuko dugu! TRAPAGARAN GAZTEA eta BIZIA!

Hemen atxikitzen ditugu alderdiekin izandako bileren aktak:

Bileren aktak euskaraz:
http://euskalherria.indymedia.org/media/2011/05//74125.pdf

Bileren aktak erdaraz:
http://euskalherria.indymedia.org/media/2011/05//74126.pdf

LONJERO EGUNA antolatzeko bilera ostiralean.

2011-05-18T15:30:00.003+02:00

Ekainaren 18an izango da Lonjero Eguna. San Gabrielgo jaien barruan. Egun hau guztion artean antolatuko dugu. Ideia berriak eman eta egin. Horretarako 2 bilera egingo ditugu, lehenengoa ostiralean 20:00etan gaztetxean.

Parte hartu nahi duten kuadrila guztiek zita daukagu bertan, gure jaiaren oinarria jendearen partehartzea eta guztien artean antolatzea delako. Horregatik antolatzen dugu lonjero eguna guztion artean. Erakutsiko diogu Pilarri presupuestorik gabe, super STAR kontzerturik gabe, baina herrikoitasunez eta kuadrila guztien artean kriston jaia muntatuko dugula! Hau da gure estiloa, gazteherriaren estiloa! eta San Gabrieleko auzoko jai txikiak indartuko ditugu!

LONJERO EGUNA ANTOLATZEKO BILERA
OSTIRALA 20:00etan GAZTETXEAN

Pilar Soutoren oparia: Andy Lucas Trapagarango jaietan egongo da.

2011-05-16T22:42:00.003+02:00

Aurrekoan esan genuen bezala jai batzordea deitu gabe udala kontratazioak egiten ari dela. Inork ez du erabaki zein talde etorriko den, inork ez daki ezer, baina Andy Lucasen orrian jada azaltzen da Trapagaranen izena. Hemen ikusi daitzekeen moduan:

http://www.andyylucas.com/andylucas/site/concert

Ez dugu ezer Andy Lucasen kontra, eta onartuko genuke jai batzordean eta herriko talde guztien artean erabakiko balitz. Baina berriz ere Pilarrek guztia airetik bota eta kontratazioak itxi ditu.

PILAR SOUTO CACIQUE!
Pilarrek jauntxo baten moduan jokatzen du. Inorrekin kontatu gabe hartzen ditu erabakiak, lotu kontzertuak. Zer dago guzti horren atzean? Milaka euroko kontratazioak egiten dira eta gero ez dira kontuak inon erakusten. Urteko kultur presuouesto guztia jaietan gastatzen dute eta gero ez dago beste ezer urtean zehar.

JAI EREDU PENAGARRIA
Dirua eta dirua gastatu eta gero ez dago ezer egunean zehar. Jendea eta kuadrilek parte hartzeko ezer eta txosnak jartzeko mugak eta arazoak. Aski da! Asperttua gaude honekin! Gaztetxetik uste dugu badela garaia hau gainditzeko. Jai eredu bat nahi dugu egunez ere jaia izango duena. Kontzertu handietan hainbeste diru gastatzea astakeria galanta iruditzen zaigu gurea bezalako herri batentzat. Egin kontzertu txikiagoak baina jai egun gehiago. Haurrentzako gauzak euskaraz. HErriko taldeen partehartzea bultzatu.

ZER EGIN DEZAKEGU?
Egoera oso larria da. Noiz arte egon behar dugu Pilar jasaten gure herriko marquesa bezala ibiltzea? Hauteskundeen menpe utzi behar al dugu dena? Aski da! Pilar bere aulkitik bota ala ez elkartu behar dugu, herriko gazte desbedinak elkartu, eztabaidatu,erabakiak hartu eta elkarrekin kalera atera. Ez dugu ezer kontatzen, ez gaitu kontutan hartzen eta herritar guztien gainetik pasatzen da behin eta berriz. Ezin dugu betirako horrela ibili! Zabaldu informazio hau! eta adi deialdiei!

Zorionak TRAPAGARAN B, TXAPELDUNAK!

2011-05-15T21:27:00.002+02:00

Izugarrizko meritua Trapagaran B futbol taldeak egin duena. Herriko jokalariekin osatutako taldearekin ligako txapeldun gailendu du bere burua. Eredu izan da azken 3 urteotan eraman duen bidea, taldea, lagun artea eta giroa landuz, ekipoak kohesioa lortu du, afizioa eta giroa sortu partiduetan. Atzo azkenean Burtzenari 2-3 irabazita lortu du txapela gure herriko taldeak.

Ekipo honek erakutsi du posible dela herriko gazteei lekua eginez, giroa eta afizioa landuz, goi mailan arituko den talde bat izatea. Posible dela kirola herriko jendeari irekitzea, osasuna, lagun giroa eta herria landuz. AUPA KUADRILA! Granadatik behera!

Zorionak TRAPAGARAN B! TXAPELDUNAK!

Aurten dirudienez ez da jai batzorderik egongo.

2011-05-11T23:35:00.005+02:00

Non dago jai batzordea? Hori da jai batzordean parte hartzen dugun taldeek egiten dugun galdera. Hilabeteak aurrera doaz eta ez dago notiziarik. Normalean martxoa - apirilerako deitzen du jai batzordea udaletxeak, oraingoan ez du deitu. Baina estra-ofizialki jakin dugu udaletxea bere kabuz jaiak antolatzen ari dela eta bereziki kontzertuak lotzen.

Jai batzordea ez deitzeko arrazoia hauteskundeak direla esaten dute batzuek. Baina zer uste dute? Ez dute inoiz jai batzordea serio hartu. Kazike batzuk bezala aritzen dira. Jauntxoak bezala. Gustuko dituzten gauzak onartzen dituzte eta besteak debekatu. Baina zer da hori? Pilarren ahotsa besteena baino gehiago da? Pilar, ez al dakizu guztion diruarekin egiten dituzula jaiak? Herriko elkarte eta taldeez paso egiten dute eta hau horren erakusgarri da.

Aski dA! Pilar, non dago jai batzordea? Zergatik ez duzu onartzen herriko talde eta elkarteen nahia? Ez ahaztu Pilar...

Itzali ezin diren argiak gara
isildu nahi dituzten ahotsak gara

JAI BATZORDE DEMOKRATIKOA ORAIN!

TRAPAGARANEN JAI HERRIKOIAK NAHI DITUGU
GUZTION ARTEAN ANTOLATUAK eta PARTEHARTZEAN OINARRITUAK!

Aukera guztiak hauteskundetan egon daitezen: ILEGALIZAZIORIK EZ!

2011-05-01T15:57:00.003+02:00

BILDUren ilegalizazioarekin izugarrizko kanapaina egin dute azken asteotan Espainiako komunikabide eskuindarrek azken asteotan. Benetan beldurgarria da Espainian gertatzen ari dena. 40.000 pertsona baino gehiago daude hauteskundeetan aurkeztu ezinik, deliturik egin gabe baina aurreko hauteskundeetan ilegalizatu dituzten alderdien zerrendetan joan direlako. Europan ez da halako egoerarik ezagutzen. Deliturik ez duen jendea, zerrenda beltzetan sartuta eta bere eskubideak kongelatzwen dizkietenak.

Larriagoa da oraindik BILDUrekin Espainiako auzitegietan eramaten ari diren prozesua. EA eta Alternatibako jendea, Euskal Herrian indar ezkertzale eta bateratu sendo bat osatu nahi duten ehundaka pertsona independienterekin batera hauteskundeetara aurkeztea debekatu nahi dute. Helburua bakarra dute buruan, ideia independentista eta ezkertzaleak dituen jendearen aukera hauteskundeetatik kanpo uztea.

XXI.mendeko inkisizioa bezala, informe polizialak dituzte oinarri nor aurkeztu daitekeen eta nor ez proposatzeko. Kontzertu batzuetara joatea edo hauteskunde plataforma ezberdinen alde sinatzea dira akusazio oinarri. GARA egunkariko kazetaria izatea edo manifa legal batera joatea. Bitartean Espainian ehundaka hautagai lapur, ustelkeria eta "malversacion de fondos" kasuetan nahasiak berriz ere aurkezten dira PSOE eta PPren zerrendetan. Baina horiek ez dute aurkezteko arazorik.

Non ikusi halakorik? Espainiak ez du sekulan kultura demokratikorik izan eta berdin jarraitzen du.
Munduan gutxi dira horrelako kasuak, Hego Afrikako ANC (African National Congress) alderdiaren ilegalizazio urteak (1960-1992) hartu daiteke konparazio bezala, harik eta 1980. urtean aliantza demokratiko zabal osatu eta hauteskundeetan azaldu zen arte. Gaur egun Turkiarekin alderatu daiteke alderdi Kurduak legez kanpo uzteko Espainiako alderdien legea hartu baitu oinarri Turkiak.

Egoera dena den lotsagarria da, bakarrik haiek bezala pentsatzen dutenei utzi nahi diete bozkatzen, gero Espainiako errestaurazioan bezala, izan Cánovas edo Sagasta, botera partekatu eta haien negozioak egiteko. Onartezina da.

BILDUk kontzentrazioa deitu du asteartean Trapagaranen. Aukera guztiak hauteskundeetan egon daitezen. Pertsona guztiek herrian ideia poltiko ezberdinak izan gora behera eskubide berdina izan ditzagun. Han izango gara.

KONTZENTRAZIOA
todas las opciones, todos los colores ILEGALIZAZIORIK EZ!
maiatzak 3, asteartea
20:00etan La Caixa parean

Maiatzak 1. Langileak eta munduko zapalduak

2011-04-29T16:17:00.008+02:00

Maiatzaren 1a izango da igandean eta mundu osoan milaka eta milaka langiloe irtengo dira kalera haien eskubideak aldarikatzera. Sindikatuak buru, jendea atzetik. Badu zentzurik horrelako egun batek gaur egun? Zer da langileria XXI.mendean?

Gure guraso asko langileak izan dira fabrika handietan, gure aitite amamak meatzariak meatokietan. Langileak, milaka eta milaka jende biltzen zuen talde homogeneo bat zen orduan, orain aldiz, lantegi bakoitza desberdina da, badira langile gutxiz osatutako lantokiak, kooperatibak edo tailer txikiak. Heterogenizatu da langileria.

Esaten digute eroso bizi garela, klase konzientzia iraganeko gauza dela, badira ordea oraindik talde homogeneo egiten gaituzten gauzak. Etxebizitza bat lortzeko bizi guztirako hipotekatzea, gero eta justuago bizitzea.. Horrekin batera emakumeek orokorrean gizonek baino baldintza okerragoak izatea eta soldata txikiagoa, inmigranteen esplotazioa...

Zer esanik ez munduko hirugarren munduko herrien borrokak, indigenak, nekazari txikiak, eta lantegi kooperatibak sortu dituzten langile taldeak.
Agian maiatzaren 1ak lehengo zentzua galdu du sindikatu handiek instituzionalizatua, baina oraindik beste mundu baten aldeko aldarrikapen eguna da. Pertsonen eskubideak oinarri dituen mundu justuago eta berri baten aldeko eguna. Horregatik igandean euskal sindikatuen manifan egongo gara.

MAIATZAK 1eko MANIFA
11:30etatik Bilboko Jesusen Bihotzetik irtenda

INFO+: 1º mayo Eduardo Galeano

ZABALLAko JAIAK: urteko lehenak.

2011-04-27T16:04:00.003+02:00

Udaberriarekin batera hasten dira herrietako jaiak. Trapagaranen Zaballakoak izaten dira lehenak, beti maiatzaren 1aren inguruan eta Zaballako ermitaren ondoko plazan.

Auzoetako jaiak auzoetako taldeek antolatzen dituzte, Ugarteko jai batzordeak ugarteko jaiak, San Gabrielgo jai batzordeak San Gabrielgo jaiak eta Club Zaballak Zaballakoak. Auzo historikoetako (Ugarte, Zaballa..) jaiak zaharrak diren arren 60.hamarkadan indartu ziren eta gaurko ereduarekin agertu. Azken urteotan tamalez ahuldurik azaltzen dira jaiak. Udalak ez die babes handirik ematen, diruz eskas, auzoetako parte hartzea ez da lehen bezain handia eta poliki poliki ahultzen joan dira.

Beste eredu baten beharra: Gazteen parte hartzean oinarrituz.
Auzoetako jaiek ez dute presupuesto askorik, baina hurbiltasuna eskaintzen dute. Auzoko eta herriko jendeare arteko harremana, intergenerazionala izatea, herriko eta inguruko taldeek jo ahal izatea... Horregatik indartu behar ditugu auzoetako jaiak eta partehartzea bultzatu. Oraingoan urteroko harrizulatzaileak, dantza edo txorizadaz gain, gazte kuadrillen arteko olinpiadak egingo dira Zaballan. gaztetxeko jubilatuek, gaztetxeko berriek eta lonjetako gazteek elkar harturik. Osatu 6 laguneko ekipoa eta etorri jolastera! Akuaplaning, auzolan korporatiboa, lokotx bilketa... Zaballan elkar ikusiko dugu!

19:30etan Kuadrillen jolasak
21:30etan parrillada
22:30etan kontzertuak
PABERNOS MATAO + La WEST + PASAJEROS SIN BILLETE

INFO+: Zaballako jaiak programa osoa:

http://euskalherria.indymedia.org/media/2011/04//73697.pdf

1937ko apirilak 26: GERNIKA

2011-04-26T15:56:00.002+02:00

Orain dela 74 urte, gaur bezalako egun batez gertatu zen Gernikako bonbardaketa. Poblazio zibilaren aurkako lehenbiziko bonbardaketa indiskriminatua izan zen Gernikakoa. Trintxerako gerratik bonbardaketa masiboen gerretara pasatu zen, eta horrela gaur egun esan dezakegu zibilak direla oraingo gerretan gehien sufritzen dutenak.

1937ko udaberria zen eta gerra hasia zen Espainian. Militarrak altxatu ziren Frente popularreko gobernuaren aurka eta koiuntura horretan euskal abertzaleek PNV eta ANVren gidaritzapean faxisten aurka eta gobernu errpublikarraren alde borrokatzea erabaki zuten. Horrela sozialista, anrkista, komunista eta abertzaleekin Eusko Gudarostea osatu zen. Aldi berean Espainiako gobernu errepublikarrak euskal lurraldeentzako autonomia onartu zuen. Ordurako frentea Bizkaiko mugan zegoen eta Eusko Jaurlaritzak Bilboko Carlton hotela hartu zuen egoitza bezala. Denbora gutxian euskal txanpona, armada eta abar eratu ziren.

Fraxistek lehen bait lehen Madril hartzea zuten helburu, gerra azkarra nahi egin , indarrak aldiz, berdinduta zeuden eta hasierako saiakeran ez zuten Madrilen sartzea lortu. Orduan estrategia aldatu eta iparraldeko frontea hartzea jarri zuten helburu. Fronterik ahulena zen, isolatuta zegoen eta zuten antolakuntza sendorik. 1937an Bizkaiko frontean faxisten ofentsiba hasi zen. Bonbardekata ugari izan ziren. Durango, Otxandio, Trapagaran ere bai bonbardatu zuten. Apirilaren 26an berriz, Gernikaren txanda izan zen, herria erabat suntsituta gelditu zen, 300 pertsona inguru hilik. Euskal Herriaren askatasun nahia kolpaturik eta gerra galdu ondoren beste belaunaldi berri bat heldu behar izan zen, frankismokoaren aurrean euskal herriaren sugarrari indar eman eta eusteko. Gerrak ulertzeko modua ere erabat aldatu zen.

Denbora pasatu da, baina ez dezagun ahaztu gauzak nola izan ziren, berriz ere ez daitezen errepika.

ABERRI EGUNA: Herriaren Eguna.

2011-04-22T16:03:00.004+02:00

Munduko estatu guztiek dute haien eguna. Espainiak urriaren 12an ospatzen du bere eguna ameriketako konkista eta herrien zapalkuntza oinarrituta Espainolak Ameriketara heldu ziren eguna oinarri hartuz. Frantziak ere bere inperio nahia aldarikatzen du uztailaren 14ean.

Munduko herri zapalduentzat ordea beste zentzu bat hartzen du egun honek. Askatasunaren aldarrikapena, munduan gainontzeko estatuekin batera egoteko eguna: egun hau Diada deitzen da Katalunian, Newroz kurdistanen eta aberri eguna geurean.
PNVk deitu zuen lehenbizko aldiz aberri eguna 1932ko bazko igandean ospatu zen Bilbon eta 60.000 pertsonek parte hartu zuten. Horrela jarraitu zuen 1933, 34 eta 35ean. Donostian, Gasteizen eta Iruñean ospatu zen harik eta 36ean gerra hasi eta Frankismoan debekaturik gelditu zen arte.
1963an lehenbiziko aldiz PNVtik kanpoko talde batek Aberri Eguna eitu zuen, Itsasun (Lapurdin). Hortik aurrera 1966an ETAk aberri egunerako deialdia egin zuen Irun-Hendaian eta 1967an Iruñean (Azken honetan 300 atxilotu egon ziren).

Transiziotik aurrera ordea alderdi bakoitzak bere kabuz deitzen zuen aberri eguna gaur egun INDEPENDENTISTAK sareak, kaleko herritarrez osatuta eta independentziaren lema hartuta aberri eguna alderdikeriatik kanpo eta herri bezala ospatzeko deia egiten hasi den arte. Aurten Gernika eta Baigorrirako deia egin du INDEPENDENTISTAK sareak. Garai berriak datozen seinale. Euskal Herria, herri bat munduan. Espero dezagun laster aberi eguna ospatzeko beharik ez izatea.

LONJERO EGUNA 2011 antolatzeko bilera bihar gaztetxean.

2011-04-19T16:18:00.004+02:00

Lonjero Eguna antolatzeko bilera egingo dugu bihar gaztetxean. Zenbat kuadrillek parte hartu nahi duten, nola zabaldu lonja ez duten kuadrillei, animazioak, kontzertu eta ideia berriak. Batzuek jadanik proposatu dute futbito txapelketa ostiralean bertan hastea. Gainera Zaballako jaietan egigno den gazte olinpiada eta parrilladarako zerrendak ere egingo ditugu.

Zita jarrita dago. Etorri, guztien artean errezago izango da!

Bihar 20:30etan Gaztetxean

Korrika Donostian amaitu zen.

2011-04-18T16:39:00.004+02:00

Trebiñun hasi eta 10 egun eta gauez Euskal Herri osoa gurutzatu ondoren atzo iritsi zen azkenik Korrika Donostiara. Gau eta egun gelditu gabe, Ebroren magaletik Pirineo ibarretara, Bizkaiko industrigunetik Xiberuko herri txikietara. Ez dago mundu osoan horrelako ekimenik 2500 kilometro erreleboka eta korrika bere herria gurutzatuz egiten duenik.

Ez dago eliterik Korrikan, berdin egiten du korrika haur jaio berri batek zein 80 urteko agure batek. Atzo bertan Marokotik heldu den emigranteak zein mendiko auzoko baserriko alabak. Guztiak osatzen baitu gure herria eta guztiok egiten dugu Euskal Herria.

Euskal Herria ez da mapetan existitzen, ez du hori jartzen gure nortasun agirietan. Euskaldunak ordea, bagara. Hemen egon gara mendeetan zehar eta hemen jarraitzen dugu. Nafarroako erresuma izan zen Europan izan genuen egituraketa politiko bakarra. Ondoren poliki poliki Espainiaren menpe, Frantziaren menpe, bi estadutan banatu gaituzte. Euskara debekatua eta ukatua izan da mende luzez. Herriak mantendu zuen euskara jauntxoek eta boteredunek espainola eta frantsesaren alde egin zuten bitartean.

Administrazioan euskara ez erabiltzeak, eskoletan izandako zigor eta debekuek, eskualde askotan euskara galtzea ekarri zute. Horren ondorioz 1850 aldean hil ziren azken euskaldunak gure herrian. Baina orain berriz ere bagara, trapagarango gazte gehienak gure gurasoek egindako ahaleginaren ondorioz eskoletan euskaldundu gara.

Korrikak adierazten du ezerk baino hobeto Euskal Herriaren indarra. Herri guztietan dago norbait euskararen alde korrikatzeko, gau zein egun, lanegun zein jai egun. Euskara galdu duten eskualdeetan edo eskualde erabat euskaldunetan. Gu gara Euskal Herriaren oinarria, XXI.mendean bizirik eta euskaraz sartu nahi duen herria.

KORRIKA bihar helduko da gure herrira.

2011-04-14T14:14:00.003+02:00

Ttipi ttapa ttipi ttapa KORRIKA!! Gero eta hurbilago entzuten dira korrikaren oihuak gure herrian, bihar bertan izango baita! Joan de ostegunean hasi zen korrika Trebiñon, eta Euskal Herri osotik pasa ondoren eta traba guztien gainetik helduko da gurera .

Eguerdian, 14.15etan suhiltzaileen gainetik sartuko da San Gabrielera Korrika. Lehenengo kilometroa herriko gazte kuadrilla ezberdinek hartuko dugu, Aldai gainetik gaztetxe parera. Bertan gazteok euskaldun garela adieraziko dugu, baina gure herrian dagoen arazo handia salatuko dugu ere. Gazteok lokal publiko bat behar dugu, udaletxeak emanda eta gazteak autogestionatuko dutena. Eta hau posible dela ondo dakigu, gaztetxeak 10 urte eman ditu lanean, era guztietako traba handiekin, eta beti aurrera egiten! Eta aurten ere korrikan parte hartuko du gazte guztiekin, gure herriko arazoak salatzen, gure herria pizten, herria euskalduntzen!

Baina Korrikak berarekin dauka euskara eta euskaldun bizitzea, Korrika instant batean pasatzen da, baina igarotzen den herrietan uzten du bere sugarra. Horregatik beste hainbat ekitaldi antolatu dira ostiralerako:

18:00etan Patxi Perezekin (Lapurdi) dantza plaza La Habana plazan

22:30etan JONU KANTAUTOREA gaztetxean

JONU myspace: http://www.myspace.com/jonukan

MAITATU, IKASI, ARI.... EUSKALAKARI!

TRAPAGARANEN GAZTETXE PUBLIKO BAT? Aurrera egiteko garaia.

2011-04-13T16:34:00.004+02:00

Trapagarango gaztetxeak 10 urte egin ditu. 10 urte eta 11 proiektu. 10 urte ez dira ezerezean pasatu, denbora guzti honetan gaztetxeak jakin du belaunaldi berriak lotzen eta zabaltzen. Gaur egun egoera asko zabaldu da, ostiraletako arrakasta adibide garbia, Carrascoliendas inauteriaren berreskurapena, Lonjero eguna edo jaietan lortzen ari garen gero inplikazio handiagoa.

Jende asko gaude, egoera ordea lehengo berdina da. Udalaren partetik ez dago gazteontzat lekurik herrian eta gaztetxeak betetzen du horren funtzioa. Gaztetxearen egoera aldiz irregularra da, edifizioa okupatuta, onarpenik gabe, beti kinka betean. Bidea egin dugu, ondo funzionatzen dugula erakutsi, herriari aportatzen diogula ikustarazi diogu. Bada garaia guztiok elkartu eta gazteontzako gaztetxe publiko bat lortzeko. Udalaren onarpena izango duena. Baldintzak emanak daude, gure lanaren arabera lortu dezakegu.

Nola egin? zein motatako gaztetxea nahi dugun, prozesua nola abiatu... horiek dira airean dauden galderak. Gure proiektua zehaztu behar dugu. Horretarako antolatu dugu afari-bilera ostiralean.

Hemen duzue eztabidarako gidoia, zabaldu eta buelta batzuk buruan emateko eta ostiralean bildu gaitezen!

http://euskalherria.indymedia.org/media/2011/04//73424.pdf

EZTABAIDA-AFARIA
OSTIRALEAN, APIRILAK 15
20:30etan gaztetxean

...eta ondoren JONU KANTAUTOREArekin gaualdia!

31 urte kartzelan eman ondoren bihar itzuliko da "Gatza" etxera.

2011-04-12T14:38:00.002+02:00

Jose Maria Sagardui "Gatza", Europan urte gehien kartzelan daraman pertsona da. 1980ko uztailaren 8an atxilotu zuen Guardia Zibilak eta ordutik espetxean dago. Bihar 31 urte luzeren ondoren irtengo da espetxetik eta itzuliko da etxera. 1995ean irten behar zen kalera, baina euskal presoa izateagatik kondena osoa betetzera zigortu dute.

31 urte espainiako kartzeletan, denbora horretan zenbat aldaketa, zenbat atxilotu, kartzela, bidai eta sufrimendu. Gatzak Andaluziako kartzeletan eman du denbora gehiena, horrela, bere guraso eta senideak astebururo bidaia amaigabeetan murgilduta bizi behar izan dute denbora guzti hau. 31 urte luze hauetan zenbat saiakera, amets, proiektu eta asmo.

Entrevista a Begoña Moja y Santos Sagardui

Orain Euskal Herrian bide berri bat hastera goazen honetan badator Jose Mari etxera. Lortuko ote dugu askatasunerantz , gure nortasun eta herri eraikuntzan aurrera egiteko bidean asmatzea?

Jose Mari atxilotu zutenean bezala, 36ko gerrara gudari joan ziren haiek bezala, orain ere bai bagaude Euskal Herri aske baten alde konprometiturik gauden gazteak. Ehundaka, milaka... eta bagoaz bidean aurrera. Konpromisoz, saiatuz, amestuz, ekinez... lortuko dugu!

ONGI ETORRI ETXERA GATZA!

Omenaldi ekitaldia
Apirilak 16, larunbata
17:30etan Zornotzan

McFly show: monologoa bihar gaztetxean.

2011-04-07T14:48:00.002+02:00

Trapagaran eskubaloi team taldeko monologista famatuenak egingo du bihar gaztetxean gaueko aktuazioa. Monje budista baten moduan, erlijiotik ateismora eta hortik a la fiesta de la huerta... Nola izango den, zer izango den, etorri eta ikusi!

Bihar gaueko 22:30etan
McFly show gaztetxean

Bihar hasiko da Korrika Trebiñun.

2011-04-06T16:06:00.005+02:00

Bihar hasiko da 17.Korrika Arabako Trebiñun. Bihartik aurrera gau zein egun apirilaren 17rarte arituko da Euskal Herrian barrena euskararen aldeko lasterketa. Mauletik Zallara, Tafallatik Pasaiara, Trapagaran beretik ere igaroko da apirilaren 15ean.

Desagertzeko sortu zen Korrika, desagertzeko helburua zuen AEK-k. Tamalez 30 urte luze pasatu badira ere oraindik ez da hasierako helburua bete. Euskal Herria ez da erabat euskaldundu eta larriagoa dena, oraindik Euskal Herriko eskualde zabalenean euskara ez da ofiziala (Nafarroa hegoaldean edo Lapurdi, BaxeNafarroa eta Xiberuan). Horrek asko zailagotzen du euskararen normaltasuna bere lurralde osoan. Horregatik beharrezkoa da Korrika, euskararen gainean sentsibilizatu eta guztiek parte hartzeko. AEK diruz lagundu eta euskaltegiak konpondu zein berriak eraikitzeko. Guztiok ematen dugu zerbait eta guztiok laguntzen dugu Euskal Herriaren euskalduntze prozesuan.

Trebiñun hasiko da Korrika. Arabako zulo beltzean. Arabaren erdian, Gasteizko mendien bestaldean, gari eskualdea. Burgosen menpe dagoen eskualdea da Trebiñu. Euskara ez da ofiziala bertan. Bertakoak ordea arabarrak dira eta hala adieraziko dute bihar. Meatzaldean berriz , bihartik hasita zain gaude. IK IK IK, KORRIKA!

NEWROZ, kurdistan eta Euskal Herria.

2011-04-03T20:25:00.005+02:00

Newroz duela bi aste ospatu zuten Kurdistanen. Kurduen aberri eguna. Martxoaren 21ean mendi kaskoetan sua eginez ospatzen dute Kurduek urte berria eta horrekin batera haien eguna.

Munduko estaturik gabeko nazioetan Kurdistan da handiena. 40 milioi Kurdu, 4 estatutan banatuta, Siria, Irak, Iran eta Turkia. Azken hau, Turkia, da hain zuzen Espainiarekin batera XXI.mendeko Europan alderdiak legez kanpo utzi eta militante politikoak kartzelatzen dituen bakarra. Hala pasatu da Kurduek sortu dituzten alderdi politiko guztiekin. 9 aldiz sortu dituzte alderdi berriak Kurdistanen eta 9 ilegalizazio izan dira. Ezker Abertzalearen aurkako Espainiako epaiak oinarri hartuz, azken aldian Turkiak DTP (Gizarte Demokratikoaren Alderdia) legez kanpo utzi zuen.

INFO+: Turkiak DTP alderdiko 84 alkate Kurdu atxilotu ditu

Espainian eta Turkian XXI.mendeko inkisidoreak lanean dabiltza, azkena Espainia aldetik heldu zaiguna. Auzitegi Gorenak SORTU alderdiari ez dio uzten hauteskundeetan aurkezten. Euskal Herriko sentisibilitate oso bat legez kanpo. 20.000 pertsona "zikin" aurretik zerrendaren batean joategatik eta hauteskundeetara aurkeztu ezinik.

26.500 lagun Bilbon manifestatu ginen atzo. Legalizazioren alde eta normalizazioaren alde. Euskal Herrira ere udaberria helduko al da! NEWROZ PIROZ BE!

LEGALIZAZIOAREN ALDE larunbatean Bilbora.

2011-03-31T16:19:00.003+02:00

Kataluniako 200 pertsonalitatek Euskal Herrian egiazko demokrazia eta bakearen aldeko agiri bat sinatu eta publiko egin dute. Espainiako estatuaren inboluzio politikoa salatu dute eta askatasun zein eskubide demokratikoak eskatu dituzte.

Espainiako auzitegi gorenak ez du SORTU alderdia legez kanpo utzi du eta ez dio udal hauteskundeetara aurkezten uzten. Soziologo guztiek esaten dute, Euskal Herria plurala da, tendentzia ideologikoak 4 bloke handitan banatzen dira, ezkerra-eskuina, abertzale eta españolista. Erabaki honekin ezkertiar eta abertzale den sektorea jokoz kanpo utzi nahi du Espainiako gobernuak.

Ze demokrazia klase da hori? Zergatik dio beldurra aukera horri? Enpresa eta lagunen negozioetan segitu nahi dute beste alderdi politiko guztiek, PP-PSOE artean agintea banatuz Espainian, PSOE-PNV artean Euskal Herrian. Aipatzen dute demokrazia, Espainian ordea demokrazia gutxi, herri mugimendua hilik, ezker sindikatuak erosirik, Cánovas eta Sagasta. Lehen bai lehen lortzen badugu independentzia hobeto biziko gara, eskubide demokratiko guztiekin, egiazko hauteskundeekin.

Horregatik joango gara larunbatean Bilbora, aukera guztiak, kolore guztiak hauteskundeetan egon daitezen.

Apirilak 2, larunbata

17:30ak La Casilla (BILBO)

TRAPAGARANGO KUADRILEN ARTEKO JAIETAKO LIGA

2011-03-30T15:19:00.003+02:00

Trapagarango auzoetako jaiak indartzeko eta eredu partehartzailean sakontzeko kuadrilen arteko jaietako liga antolatzea proposatu dugu. Zaballako jaietan hasita, San Gabriel eta herriko jai nagusietan amaitzeko. Saria hurrengo udazkenean kuadrila txapeldunarentzat heriko taberna batean afaria.

Nola antolatuko dugu? Zein joko? Zaballako jai batzordekoek aipatu dute pin pon mahaia edo futbolina erabili daitezkeela, akuaplaning jokoa ere aipatu da, aulki jokoa edo sokatira.... San Gabrielen casting-a egitea ere aipatu da koldo eta asieren taldearekin, jai nagusietan berriz baditugu goitiberak, kuadrila jaitsiera, iaz egin genuen karaokea...

Nola puntuatuko da? Nola epaitu? Zaballako jai batzordekoak Zaballan? San Gabrielekoak San Gabirelen, Baturikeko merkatariak gonbidatu nonbaiten?

Azkenik, KOMUNIKAKZIOA: nola zabaldu herriko gazte guztioi? Institutuan kartelak ipintzen? Gaztetxeko blog eta facebook bidez? Beste webgune bat irekiko dugu puntuazio segimendua egiteko?

Hauek dira definitu beharreko gauzak. Horretarako bilera egongo da bihar. ETORRI!

19:30etan Gaztetxean

BIZKAIA BENETAN MAITE (BBM): martxa lurraren defentsan

2011-03-29T12:56:00.002+02:00

Bizkaia Maite da foru aldundiaren leloa, gure paraje berde eta kostalde paregabearen irudia aurkezten digu. Baina guk ez dugu hori jasotzen. Ez ditugu ikusten paisai horiek guztiak. Lurrari etengabeko erasoak ikusten ditugu, ikusi eta sufritu behar ditugu. Egunero agertzen dira proiektu txikitzaileak, enpresa kutsagarriak… etengabe gure bazter guztiak hondatuz.

BIZKAIA BENETAN MAITE manifestua

Hau aldatzeko beharra ikusten dugu, ezin dugu onartu desarrollismo zoro hau, zentzurik gabeko proiektu erraldoiak. Horregatik Bizkaia Benetan Maite koordinakundea sortu dugu Bizkaiko hainbat auzo elkarte, kultur edo gazte taldek. Gaztetxekoek ere bertan parte hartu dugu eta BBM koordinakundetik bizkaitar guztioi animatzen zaituztegu hurrengo asteburuan egingo den martxan parte hartzera. Martxa lurraren defentsan herri garaipenaren sinbolo izango da, Plentziatik irtengo gara datorren larunbatean eta kostalde bizkaitarretik pasa ostean, igandean gurera helduko da. Datorren igandean (apirilak 3) martxa gure eskualdetik pasatuko da, Santurtzi, Portugalete, Ortuella, Abanto gurutzatuz Muskizen amaitzeko. Bertan Petronorren eta La Arena hondartzaren dragaren kontra diharduten herri borrokekin bat egingo dugu.

IBILBIDEA eta xehetasunak: http://bizkaiabenetanmaite.blogspot.com/

BESTE MUNDU BAT POSIBLE DA!

BERBALAGUNA proiektuaren aurkezpena egingo da ostegunean Trapagaranen

2011-03-27T21:29:00.004+02:00

Euskaldun asko gaude Trapagaranen. Askok euskaltegian ikasten dugu, beste askok eskola eta ikastolan, kalean ordea ez dago hitz egiteko aukerarik. Ez dugu ohiturarik euskaraz hitz egiteko, ez dugu girorik topatzen... zer egin hau aldatzeko? Horretarako sortu da BERBALAGUNA proiektua.

Zer da BERBALAGUNA?
Berbalaguna egitasmoak kalean euskaraz hitz egiteko espazioak irekitzea du helburu. Horretarako taldeak osatzen dira euskara praktikatu nahi dutenen edo euskaltegiko goi mailako jendearen artean. Astean behin kalean, taberna batean edo leku publiko batean gelditu eta euskaraz hitz egiten egoten dira, hitzegiteko ohitura hartu eta hizkuntza hobeto menperatzeko edo soilik ez galtzeko edo zergatik ez! euskaraz hitz egiten lagunak egiteko.

Horrez gain noizean behin euskarazko kultur ekintzak egingo dira herrian. Tailerrak, kontzertu, antzerki eta moduko gauzak.

3 urte berandu dator

Berbalaguna egitasmoa udala eta AEK-aren arteko hitzarmen baten bidez sustatzen da. Udalak ekonomikoki proiektua onartu eta bultzatu behar du ekonomikoki dinamizatzaile bat jartzeko babesa emanez. Baita kultur ekintzak egiteko diruz lagunduz.

Proiektu hau onartzen Trapagaran izan da eskualdeko azkena. Ortuella, Abanto eta Muskizek aspaldi jarri zuten praktikan Berbalaguna. Trapagaranen ordea beti ezetz izan da erantzuna. Orain badirudi hauteskundeak baino lehen udaletxeko agintariak euskararen aurka egoteagatik daukaten fama kentzeko onartu duela egitasmoa. Horrela izan ala ez ongi etorri berbalagunak! Ba zen ordua!

INFO+: meatzaldeko berbalagunak

OSTEGUNEAN egingo da EGITASMOAREN AURKEZPENA
19:00etan OLASO JAUREGIAN
Joan eta bete dezagun Olaso jauregia!
TRAPAGARAN EUSKALDUN!

Igandean merkatarien azokan egongo gara.

2011-03-25T15:02:00.002+01:00

Herriko merkatariek berriz ere merkatarien azoka antolatu dute herrian. Urte bat udaletxearen oztopoen ondorioz antolatu gabe egon ondoren berriz dator gure artera. Urtean zehar dendetan pilatu diren gauzak, eskaintza bereziak baina guztiaren gainetik herriko ekonomia bizi baten aldeko deialdia ere bada egun hau.

Open publication - Free publishing - More azoka

Herrian oinarrituta antolatu dute eguna BATURIKeko komertzioek: merkatariak bertan egongo dira baina haiekin batera herriko hainbat elkarte ere gonbidatu gaituzte. Gaztetxeak ere barra jarriko du bertan. Trapagarango merkatari biziaren alde, lanpostuak herrian sortzearen alde eta ekonomia zirkuitu hurbilen alde.

LARUNBATEAN MERKATARI AZOKA

Dantza tailerra ostiraletan gaztetxean.

2011-03-23T12:54:00.004+01:00

Musika eta dantza. Dantza eta musika beti elkarrekin joan ohi diren bikotea. Tamalez gurean ez da dantzatzeko ohitura handirik. Ohitura falta batzutan, dantza tradizionalak ez ezagutzea bestetan. Kontua da folkloretik kanpo, herrikoiki gutxitan dantzatzen dugula espontaneoki. Gainera eskolan ez dugu gorputz espresioa lantzen. Hala ere dantzatzen zuten gure zaharrek, dantzatzen dugu guk ere, landu dezagun! ikasi euskal dantzak eta zergatik ez jaietako berbenan, musika entzuten dugunean dantzatu etortzen zaiguna!

Ematen du Carrascoren etorrerak zerbait sortu duela gurengan. Dantzak badu zerbait berezia, sentimendua, alaitasuna edo tristura adierazteko gaitasuna, indarra eta ahuldadea. Dantza beste territorio libre ttiki bat da guztiz kuadrikulatua den hormigoizko gizartean.

DANTZA IKASTEKO TAILERRA
OStiralero gaztetxean
20:00-21:30 bitartean

Abertzaleak goruntz Ipar Euskal Herriko hauteskunde kantonaletan.

2011-03-21T15:46:00.004+01:00

Ipar Euskal Herriak ez du errekonozimendurik, ez da existitzen Frantziako egituraren barruan. Kontseilu Orokorrerako hauteskundeak egin zituzten atzo. Kontseilu Orokorra Pauen dago, Euskal Herritik kanpo, horrek Euskal Herriko berezko arazoak eztabaidatzea oztopatzen du eta bertako arazoei aurre ezin egitea. Kontseilukideak eskualdez eskualde (Kantonamenduak) aukeratzen dira, 2 itzulitan. Lehenengo itzulian nahi beste zerrenda aurkezten dira, lehenego itzuli horretatik 2 zerrenda bozkatuenak pasatzen dira eta hamabost egun beranduago bi zerrenda bozkatuenen artean beste botaketa bat egiten da. Bozka gehien dituena izango da kontseilaria hurrengo 4 urtetan. Atzo Ipar Euskal Herriko 11 eskualdetako hauteskundeak egin ziren. Abertzaleek Garazi eta Iholdi eskualdetan bigarren itzulira pasatzea lortu dute.

Emaitzak nahiko onak dira, barnekaldean aukera sendoa da abertzaleena. Kostaldeko hirietan ordea oraindik bada lan handia egiteko. Abertzale proiektua badoa aurrera, Lapurdi, Baxe Nafarroa eta Xiberuan desberdintasunak gaindituz Euskal Herria BAI (EHBAI) koalizioa konsolidatzea eta abertzale bakar bezala indarrak elkartzea ahalbidetu delako.

Abertzale proiektua badoa aurrera, hauteskundeen gainetik gure proiektua kalez kale, etxez etxe, lagunez lagun lantzen ari baikara. Euskal Herria herriz herri eraikitzen ari gara eta hor Euskal Herri luze zabaleko abertzale guztiok itsasontzi berean goaz Baxe Nafarroatik Trapagaranera.

INFO+ HAUTESKUNDE KANTONALAK 2011:
Emaitzak eskualdez eskualde

Ixabel Etxeberriaren analisia

Lonjek irekiko dute ostiraletan gaztetxea.

2011-03-18T15:59:00.004+01:00

Gure herrian ez dago kultur eskaintzarik. Ez dago kontzertu, ez antzerki, ez zinema, ez halakorik. Dagoen kultur eskaintza jaietara mugatzen da, beti enpresen menpe eta jendearen iniziatiba bultzatu gabe. Ostiraletan askotan gaude gure lonjan, pokerrean edo trago batzuk hartzen, baina zergatik ez bildu? Zergatik ez elkarrekin, elkarrentzat gauzak antolatu? Noizbait udaletxeak gazte guztiok erabiltzeko, kultur ekintzak, hitzaldiak... egiteko lokal bat eman beharko dio herriari. Momentuz gaztetxea daukagu herrian eta erabili dezakegu. Taberna bezala ireki, kontzertu edo antzerki edo monologo antolatu. Gazteok ostiraletan herrian gustura egoteko lekua ireki.

Gaurtik aurrera Trapagarango lonjek irekiko dute ostiraletan gaztetxea. Manifestua ere bai egin dute:

Manifestua (PDF): TRAPAGARANGO KUADRILEN BATZORDEA

Etorri lagunekin, aportatu, sortu, ideiak eman, antolatu kontzertuak zure lagunekin, proiektuan parte hartu, gaurtik aurrera ostiralero 21:00-21:30tatik aurrera gaztetxean.

NEXT MUSIC STATION: Fermin Muguruzaren dokumental sorta Al Jazeeran emititzen hasi dira.

2011-03-17T13:48:00.012+01:00

Joan den astean hasi ziren emititzen Fermin Muguruzak egin duen dokumentaletatik lehenengoa. Hurrengo geltokia, NEXT MUSIC STATION. 9 herrialde arabiarretan ibili eta 80 musikarirekin egon ondoren sorturiko 11 dokumentalen sorta da Next Music Station. Nola bizi da musika arabiar herrietan? Musika tradizionala, musika modernoa, sentimenduak, egoerak, gizartea.

Ez dugu arabiar herrietako musika ezagutzen. Ez dugu bertako errealitatea ezagutzen. Nahitara ezkutatu digute multinazionalek eta mendebaldeko jauntxoek bertako petrolio eta ondasun guztiak arpilatzen jarraitzeko. Orain ordea arabiar herrien matxinadek jarri digute hango eskualdea gure egunerokoen lehenbizko orrietan. Zer hobeto hangoa ezagutzeko bertoko kantu-doinuak ezagutzea baino? Herri baten arima, sentimendu eta nahia bere kantuetan islatzen zela zioen filosofo zahar batek. Euskaldunei buruz Pirinioen bi aldeetan kanta eta dantzatzen genuen herria ginela esaten zuten erromatarrek. Ezagutu dezagun arabiar herrietako musika eta gozatu! NEXT MUSIC STATION. Al Jazeera documentary channel-en.

Argia.com atarian NEXT MUSIC STATION diaporama

CARRASCOREN biharamuna: Butterfly effect.

2011-03-15T13:44:00.007+01:00

Txinako esaera zahar baten arabera "Tximeleta batek hegoak mugitzean sortzen duen aire bolada txikiak, tsunamia eragin dezake Munduaren beste aldean". Esaera hori hartzen da oinarri butterfly effect azaltzeko. Azkenean gauza txikiek aldaketa handiak sorrarazi ditzaketela hainbat faktore nahastu eta gauzatzen badira.

Gauza txiki bat izan da Carrascoliendas inauteria, beti izan dugu ondoan, ixilean gure zaharren buruetan. Orain aldiz konturatu gabe eta hortik abiatuz Trapagaranerako inauteri herrikoi bat sortu dugu. Hamaika sentimentu, sentsazio, oroitzapen eta ondorio artera daitezke larunbatekotik. Zer izan zen guztia hain berezi egin zuena? Horrela sentiarazi gintuena?

Auzoak

Larunbatekoa ez zen posible izango auzoetako elkarte eta jendearen laguntzarik gabe. Auzoetan egin ziguten harrera. Sortu zen giro berezi eta goxoa zein eskaini zizkiguten janari eta edariak. Benetan eskerrik asko Club Zaballa, Ugarteko auzo elkartea eta Elgeroko Aldapa elkarteari. Zuek ematen diozue bizia zuen auzo eta txokoei. Zuek eman zeniguten hurbiltasuna eta etxean bezala sentitzeko aukera. Zuek gabe martzianoak ginateke zuen auzoetan.

Euskal kultura

Zer da euskalduna izatea? Galdera handia benetan. Zailtasun asko dauzkagu euskaraz bizitzeko, gure gurasoak ez dira euskaldunak, erdaraz aritzen gara etxean, erderaz gehienetan lagun artean. Zaila da, larunbatean ordea errazago egin zitzaigun. Nork esan bertsolaria geure barnean zegoenik, kantaria, dantzaria. Folklorea baino gehiago, joan den egunean sentitu genuena herrikoitasuna izan zen. Hurbiltasuna. Musika eta dantza.

Euskal kulturak, euskaldun izateak ematen digu hau guztia bizi eta disfrutatzeko aukera gero eta uniformizatuago den mundu komertzialean. Europatik Euskal Herrira etortzen diren ikerlariek, soziologoek beti nabarmentzen dute Euskal Herrian nola bizi dugun belaunaldi ezberdinak elkarrekin ibiltzen garen. Arraroa egiten zaie nola elkarrekin gabiltzan adin ezberdinetako jendeak, jaietan, bazkarietan edo berdin protestaren barrikadan. Ez omen da ohikoa mundu modernoan. Gurean ordea gazte zein guraso, eta haur, elkarrekin ibili ginen egun osoan zehar bikain.

Musika eta traktorea
Gaurko munduan dirua guztiaren oinarri dela sinestarazi nahi diguten honetan, nola ulertu larunbatekoa? Kriston soinu ekiporik gabe, argi handirik gabe, jendea libre giroan sarturik. Jendearen arteko harreman eta laguntasunak egin zuen guztia. Musikariak izugarri aritu ziren, gustura eta kriston egurra ematen eta jendea ero moduan. Zer esan traktoreaz? Trapagaranen baserritarrak izateagatik daukagula egiazko esnea eta traktorea. Durañonatik etorrita. Musikariak zein traktore gidaria, herriko jendea, jende herrizalea. Ederto pasatu genuen! Eskerrik asko benetan!

Telefono dei bat baino gehiago jaso dugu igandean eta astelehenean. Baten aitite kantua kantatzen hasi dela eta ez zekiela haren aititek hori ere kantatu zuenik gaztetan! Elgeron ere zahar batek baino gehiagok oroitzen duela kantua orain. Ugarten ere azaldu zen baten bat gaztetan kantatu zuela eta letra eske.

Hego Amerikako olerki batek dio mundua su txikien itsasoa dela. Mar de fueguitos. gu geurea pizten ari ari gara. Herri egiten gaituen sua. Non eta industrializazioak guztia arrasatu zuen eskualdean. Butterfly effect, mugimendu txiki batek beste handiago bat sortzen duela eta gurean mugimenduan bagaude, mugimenduan bagoaz. Aupa peña! Larunbatekoa ederra izan zen! Egiazkoa!

Badator! larunbatean: CARRASCOLIENDAS eta kristona izango da!

2011-03-09T15:02:00.008+01:00

Hainbeste buelta eta ensaio, dantza asmatu eta mozorro muntatu, auzo elkarteei proiektua aurkeztu, udaletxeko permisoen harresia gainditu (kostatu zaigu baina pilarica eta aita santuaren baimena ere bai!! Badugu!)... eta azkenean badator eguna eta larunbatean irtengo gara kalera CARRASCOLIENDAS kantatzera. Aurreko ostiraleko ensaioan 100 lagun baino gehiago bildu ginen! plaza bete genuen! Seguru gaude kristona izango da!

Carrascoliendas XXI spota

Herrikoitasuna eta partehartzea oinarri

Azken hilabeteetan gure herriko zaharrenak elkarrizketatu ditugu. Inauteria gerra aurretik (1936) Trapagaranen nola egiten zuten kontatu digute. CARRASCOLIENDAS kantua nola kantatzen zuten. Nola etxez etxe eskean aritzen ziren eta ondoren elkarrekin bazkaria egiten zuten. Mozorrotuak joaten ziren Uriosten eta mozorrotu gabe Trapagaranen. Oilar beltz bat lagun.

Zaharrek esplikatu digute inauteria traje desfile bat baino gehiago dela. Haientzat egiazko inauteria: Egun osoan zehar lagunekin kalean egotea da, mozorrotuta gizarteko presio eta mugetatik kanpo zu zeu izatea. Funtsean herriko jendearen arteko harremanak dira inauteria, elkartu eta gustura ederrean herrian egotea. Hori da hain zuzen berreskuratu nahi duguna. Lehengo ohitura zaharra berreskuratzea baino, gaurko Trapagaranera egokitutako inauteri herrikoia sortzea dugu helburu. Intergenerazionala, zahar, guraso, haur eta gazte elkartuko dituena. Horregatik asmatu dugu "Trapagarango inauteri dantza" izango dena. horregatik etorriko da txaranga gurekin egun osoan, horregatik mozorrotuko gara.

DOKUMENTAZIOA etxez etxe buzoneatu den aldizkaria PDF: http://euskalherria.indymedia.org/eu/2011/03/72653.shtml

Egun osorako alternatiba
Egun osoan arituko gara kalean, goizean auzoetan eta arratsaldean herrian. Gauean berriz tabernetan mozorrotuta egoteko ohitura sortu nahi dugu. Udaletxeak desfileaz gain ez du ezer gehiago antolatzen eta herriko gazteak beti alboko herrietara bideratzen gaituzte. Guk ordea gure herrian egon nahi dugu, inauterian ere bai.

Auzoak
Auzoz auzo arituko gara udaletxeak auzoak abandonatuta dituelako eta bertan kultur ekimenik egiten ez dituelako. Horregatik izan da auzo elkarteen harrera hain ona eta inplikazioa izugarria. Auzoetako bizimodua gainera ezberdina da, harreman zirkulu txikiagoak dira, herrikoiagoak, elkar ezagutu, elikatu eta piztuko ditugu!

Euskaraz far westen ere bai!
Elkarrizketatu ditugun zaharrek ez dute euskaldunik ezagutu herrian. Are gehiago oso ondo egiten dute ezberdintasuna eta hitz egiterakoan "vasco" deitzen diote euskara dakiten eta Eskuinaldetik edo Txorierritik etorri ziren eta euskara zekiten auzokideei.
Aspaldi galdu zen euskara gure herrian, orain 200 urte inguru. Orain ordea gazte guztiek dakigu euskara, euskaraz bizi nahi dugu. Horregatik kantua bere baitan, erdaraz mantendu, baina herriko bertsolariak arituko dira koplatan auzoetako gora beherak kantatzen. Gero eta gehiago euskaraz ari garelako, Euskal Herriko far westen ere bai!

Euskal Herriko kultur berreskuratze prozesuarekin bat.

Euskal Herria kultur dinamika indartsuko lurraldea da. Euskal Herriak estatu independienterik ez izateak kultura bultzatzeko tresna ofizialik ez izatea ekarri du. Ondorioz kulturaren transimisioa eta sorkuntza herriak hartu du bere gain geurean. Horrela sortu dira Euskal HErrian hamaika kultur ekimen, asmakizun, ideia, proiektu.

Ez gara bakarrak inauteri zaharrak berreskuratzen edo inauteri herrikoiak sortzen. Hor daude Eibarren duela 3-4 urte sorturiko KOKO ESKEA, Lesakan aurten berreskuratu duten mairu eta kristauak edo Anhauzeko inauteriak. Gureak ere bai, CARRASCOLIENDAS! Larunbatean danok kalera!

MARTXOAK 8 emakumearen nazioarteko eguna.

2011-03-08T14:29:00.003+01:00

Martxoak 8, kolore morea bazterretan, diskurtso politak han eta hemen. Mota guztietako politikoak irten dira gaur komunikabideen aurrera, emakumeen egoeraz hitz egiten. Eguna etorri da eta bihar joango da, baina funtsean egiazko aldekatarik ez, egiazko proiektu estrategikorik ez. Ez baitago planteamendurik emakumearen eskubideen alde aberastasun metaketa oinarri den gizarte batean.

LILATON 20urte martxan

Egia da azken hamarkadetan asko aurreratu dela emakumeen eskubideetan: emakumea lan mundura sartu da, bozkatzeko eskubidea lortu, kiroletan eta goi karguetan ikus daitezke.... Hala ere aski da gure herrira begirada botatzea ikusteko oraindik orain emakumearen askapena lau haizetara aipatzen duten poltikoek besterik dioten arren asko falta dela ikusteko. Norena espazio publikoa? Orain emakumeak ikusten dira tabernetan, baina iniziatiba beti gizonena. Norena aisialdia? Gizonena. Kirolari erreparatuta ia ez dago emakumeentzako kirol talderik herrian. Lonja askotan zein gazte artean errepikatzen diren rolak ere esanguratsuak dira oso.

Udaletxeko zerbitzuei dagokienez ere hutsaren hurrengoa. 4 emakume maltratatu izan ditugu gutxienez aurtengoan Trapagaranen eta oraindik ez dago babes etxerik herrian.

Etxeko lanak, nagusi eta haurren zaintza oraindik emakumeen eskuetan dago nagusiki. Baloratu gabeko lan beltza. Sindikatuek bestalde gaurkoan atera ditzuten datuak argi adierazten dute krisiak eta prekarietateak emakumeak kolpatzen dituela gehien. Lazo morea paparrean jarrita diskurtso politak eman dituzte politikoek. Bihar itzuliko dira beren eguneroko jardunera ez baitago funtsean egoera hau errotik aldatzeko interesik. Ez baita egoera hau aldatzerik aberastasunaren pilaketan oinarritutako gizartean oinarrizko balore aldaketa heltzen ez den bitartean. Pertsonen eskubideak oinarri dituen gizartea, harremanak, zoriontasuna, askatasuna lehenetsiko dituen gizartea. Martxoaren 8a da gaur eta politiko ustelen diskurtsoen gainetik gainetik munduko emakume borrokalariekin dago gure gogo eta indarra. Aurrera emakumeon borroka! biharko pertsona libren mundu librerantz!

Senegaletik Errumaniara: bertan ere CARRASCOLIENDAS

2011-03-02T22:38:00.008+01:00

Xiberuan egon ginen pasa den asteburuan gaztetxeko hainbat lagun. Xiberuko inauteri herrikoia, maskarada, ikusten. Bertan kontatu ziguten nola Baxe Nafarroan inauteritan etxez etxe kantuz eta mozorrotuta joateko zegoen ohitura herri askotan galdu zen. Hala ere, hor ere bai, ari dira gazteak ohitura zaharra berreskuratzen. Kontu kontari geundela guri carrascoliendas etorri zaigu berehala gogora. Euskal Herrian ohitura zen inauteri garaian eskean etxez etxe aritzea. Ezker eta eskuin, ipar eta hego, han eta hemen.

Errumanian ere bai badute bere inauteri propioa: TZIGANOAK deitzen dira. Inauteri honek diotenez, badu Xiberuko maskaradarekin antzekotasunik, antzerki, parodia, basatikeria eta halakorik. Bata zein bestea, haiena zein gurea, antzinako gizakiaren mundu ikuskeraren parte. Ordena desordenaren arteko borrokaren parte, gizarteko mailen arteko borrokaren parte.

CDak saltzen ari den senegaldarra heldu zaigu gero eta esplikatu digute nola TAJABON egiten duten bere herrian. Neguaren amaieran Tajabon kantatuz aritzen dira haurrak, musikaz, kantuz, dantzan, etxez etxe janari eskean. Musulman ohitura erlijiosoen barne baina lehenagoko berezko mundu ikuskeraren parte.

Euskal Herritik mundua eta mundutik Euskal Herria. Tajabon eta Carrascoliendas. Badira loturak, lehenagoko natur mundu horrek emaniko harremanak. Izan Wolof edo Serer , geu bezala elkarrekin sortzen ari baikara geure Tajabon, lehengo gure zaharren carrascoliendas, baina aldi berean gaurko munduan sarturik. Bizitzeko, murgiltzeko, sentitzeko. Ensaio orokorra egingo dugu etzi, animatu guztiok! Guraso eta haur, zahar eta gazte:

CARRASCOLIENDAS ENSAIO OROKORRA
OSTIRALA 19:30etan
La Habana plazan

Joan den astean Baxe Nafarroan agerraldia egin zuten 8 gazte iheslaritatik 7 atxilotu dituzte.

2011-03-02T13:28:00.005+01:00

Urrian ihes egin behar izan zuten etxetik. Polizia segimenduak nabaritu zituzten eta atxilotuak izango ziren susmoan etxetik alde egin zuten. Operazio polizial horretan beste 13 gazte atxilotu zituzten eta sartu zituzten kartzelan, beste 8rek ihes egitea lortu zuten. Ez zizkieten etxean armak topatu, ez zieten beste materialik topatu. Euskal Herri independiente baten alde antolatua egotea, gazteen arazotaz kezkatzea eta inplikatzea izan da haien delitua. Haien moduan elkartzea eta SEGIkoak izatea.

4 hilabete egon dira ezkutuan 8 gazteak, lagunen etxeetan babestuak, atera gabe, guraso eta lagunekin hitz egin gabe. Ez dute ordea ezer egin! Horregatik joan den astean haien gordelekutik atera eta Izpura herrian (Baxe NAfarroa) prentsari deituta itxialdian jarri ziren.

Bizi publikoa eramango zutela esan zuten, iparraldean (Lapurdi-BaxeNAfarroa edo Xiberuan) bizimodua egituratzen hasi. Euskal Herriaren aldeko konpromiso eta borrokarekin segitu. Joan den aste osoan zehar horretan elkarte, sindikatu, kolektibo eta talde politiko askok adierazi zien elkartasuna eta babesa 8 gazte hauei. Horrela iparraldeko hainbat zinegotzi gazteak haien etxeetan hartzeko prest zeudela adierazi zuten. Horrela hasi dira gazteak iparraldeko hainbat hautetsiren etxeetan bizitzen.

IRATI TOBAR - Portugaleteko gaztea
(8 gazteetatik libre dagoen azkena)

Espainiako gobernuaren eskaria ordea berehala heldu da. Eskatu du gazteak Espainiara eramateko (Euroagindua) eta Frantziako gobernuak onartu. 8 gazteetatik 6 jadanik atxilotu ditu Frantziako poliziak eta epaileraren erabakiaren zain daude. Noiz arte horrela? Noiz amaituko da euskal gazteen aurkako persekuzio eta jazarpena? Independentzia eta sozialismoaren alde gaude, herrietan auzoetan lanean gaude, utzi bakean! Euskaldunak Euskal Herrian libre!

Ostegunean lonjen arteko bilera gaztetxean.

2011-03-01T22:44:00.002+01:00

Aurreko bileran aipatutako gaiak zehazteko zita egin dugu ostegunean. Badoa aurrera 2011 eta badator uda eta elkarrekin antolatzen ari garen jaietako kuadrillen liga mundiala kristona izango da!! Bilerako gaiak hauek izango dira:

1-Trapagarango jaietako kuadrilen arteko liga. Zaballako jaietako ginkana zehaztu.

2-Herrian egiazko inauteri herrikoi bat sortzeko alternatiba. "Las Carrascoliendas".

3-Gaztetxean ostiraletan kultur ekimenak egiteko proposamena. Gazteentzako alternatiba autogestionatu bat sortu.

4-KORRIKA 2011. Lonjek partehartzeko proposamena. Euskara eta gazteak Trapagaranen.

Animatu peña! guztion artean eraikitzen dugu Trapagaran berria, alternatiboa, iraultza gorria, trapagaran bizia!

LONJEN ARTEKO BILERA
martxoak 3, osteguna
20:00etan gaztetxean

Larunbatean TRAPAGARANGO NESKEN 2. BAZKARIA

2011-03-01T14:50:00.005+01:00

Bigarren urtez jarraian datorren larunbatean egingo da Trapagarango nesken 2. bazkaria. Trapagarango neska ezberdinak elkartu, adin ezberdinetakoak, kuadrilla ezberdinetakoak, elkarrekin kaleratu, elkarrekin bazkaldu, festa egin, arazoak komentatu, ideiak trukatu. Ekarri zerbait morea eta herriko emakumeen sarea osatu! Izena emateko bidali mezu bat basetxegaztetxea@gmail.com helbidera.

Larunbatean martxoak 5
12:30etan TRIKI-POTEOA La Terraza tabernatik
14:30etan BAZKARIA jatetxe txinatarrean.
eta ondoren.... ondorengoa!

Asteartea, martxoak 8
TAPPER SEX tailerra
19:30etan gaztetxean

CARRASCOLIENDAS: Bideoaren aurrerapena

2011-02-24T14:39:00.003+01:00

Carrascoliendas XXI spota

Hemen dago Trapagarango antzinako inauteriei buruz gure herriko agureekin egin dugun elkarrizketetak muntatzen ari garen bideoaren aurrerapena. Eguna hurbiltzen ari da eta badoa gauza aurrera!

ENSAIO OROKORRA
Ensaio orokorra egingo da martxoaren 4ean ostirala iluntzeko 19:30etan La Habana plazan. Txaranga, dantzari eta kopla-bertsolariekin. Apuntatu eguna agendan!

LAGUNITA MENTAL in live KONTZERTUANMartxoaren 12an, Carrascoliendasekin eguna amaitzeko, inauteri giroa, giro herrikoia, kalea berreskuratzeko, LAGUNITA MENTAL (flamenkore marginal) taldearen kontzertuarekin amaituko da eguna Ilargi tabernan. Prestatu zure mozorroa. Zabaldu bideoa eta hartu eguna!

Kanpotarrak gara gure herrian. Izpurako 8rak lekuko.

2011-02-24T14:15:00.002+01:00

Iragan urrian izandako gazteen aurkako atxiloketetatik ihes egin zuten 8 gazte itxialdian jarri dira Izpuran (BAxe NAfarroa). Astelenean hasita aste bateko itxialdia hasi dute haien egoera salatzeko.

Gazteak dira, Espainiako kartzeletan dauden haien lagunak bezala ez zuten armarik etxean, txostenak, pegatinak, kamisetak, jai herrikoien alde lan egitea, gazteak bildu eta antolatzea, horiek izan dira haien delituak. Horregatik atxilotu, 5 egunez Espainiako poliziaren eskuetan inkomunikaturik egon eta sartu zituzten kartzelara haien lagunak. Finean, euskaldunak, gazteak eta abertzaleak izateagatik. Arriskutsua da hori Espainian.

8 gazte hauek poliziaren atzaparretatik ihes egitea lortu zuten, muga pasatu eta Lapurdi, Baxe Nafarroa edo Xiberuara heldu ziren. Frantziaren menpe dauden euskal lurraldeak. Hizkuntza bera, askatasuna amesten duen lur bera, herri bera.

Euskaldunak ordea ez gara libre gure lurrean. Milaka izan dira Pirinoen hegoaldeko ibarretatik historian zehar iparraldera ihes egin dutenak espainiar poliziengandik ihesi, soldaduskari desertatuz, gerra zibiletik ihesi, karlistadetatik ihesi eta alderantziz, inkisizioari ihesi, gerra mundialetik ihesi...

Azken aldian ordea frantziako poliziak euskal militanteak atxilotu eta Espainiara bidaltzen. Euroagindua deitzen diote prozedura honi. 8 gazte hauek haien jarduera sozial eta politikoagatik Espainiartuak izateko arriskuan daude. Noiz izango gara libre gure herrian? Euskaldunak Euskal Herrian libre! EUROAGINDURIK EZ!

23 - F: LIBIA eta PANARABISMOA

2011-02-23T14:35:00.006+01:00

Arabiar herrialde guztietara zabaltzen ari dira protestak. Tunisian hasi zen, Egipton jarraitu eta oraingoan Libian jarraitzen dute herritar protestek. Gainera Barhein, Yemen, Jordania, Irak eta Iranen ere hasiak dira manifestaldiak eta liskarrak.

Nola gauzkate komunikabideek informatuta? Bitxia egiten da mendebaldeko estatuen jarrera aztertzea. Orain gutxi arte Europar estatuak afrika iparraldeko gobernuekin petrolio eta gas negozioetan aritu direnean, afrika iparraldeko gobernu guztiek zeukaten label demokratikoa, ez zegoen arazorik inon. Orain ordea herritar matxinadak piztu direnean kontatzen digute urte luzeetan gobernuan daramaten diktadura zorrotzak direla. Langabezia tasak itzelak direla. Exportatzen duten petrolio, gas eta balibideek ez dutela herritarren ongizatea hobetzen....

Arabiar herrialdeetako gobernuen jatorria: INTERNAZIONAL SOZIALISTA
Gaurko arabiar estatuetako diktadurek 60.hamarkadan dute jatorria. Deskolonizazio prozesuen ondoren eman ziren iraultzek hasieran itxura ezkertiarreko gobernuak ekarri zituzten arabiar herrietara. Horrela izan zen Libiaren kasua. Mohammed Gaddaffi 1969an iritsi zen boterera Libiako iraultzaren ondorioz. Libiako erregea kaleratu zuten, arabiar sozialismoaren jarraitzailea izan zen, ildo anti-inperialistekoa, horregatik kaleratu zituen Libiatik bertan zeuden italiar guztiak 1970.ean.

INFO+:Argeliako iraultza

Garai hartako iraultzen ondorioz sorturiko afrika iparraldeko arabiar gobernu ugari bezala orduko internazional sozialistan egon ziren sartuta. Gobernuburu haiek gero denborarekin ildo horretatik urrundu, mendebaldeko estatuekin lerratu eta haien menpe jarri ziren arte. Petrolio eta gasa izateak zein Europako enpresa handiek bertan dituzten interesek eman mendebaldeko estatuen onespena eta laguntza.

Bi aukera: Apurketa edo espainiar estiloko transizioa
Egoera horretan, ikaragarrizko langabezia tasen artean, gazteentzako etorkizunik gabe, afrika iparraldeko diktadurek etengabe armada handitzen, beraien inguruko jauntxoak gizentzen, ez dute jakin aberastasuna banatzen. Petrolio eta gasak ematen dizkien baliabideek ez dute herritarren ongizatea hobetzeko balio izan. Hor piztu dira protestak eta borrokak. Orain zer gertatuko den da galdera. Bi aukera nagusi daude;:

Iraultza: Herritarren protestek jarraitu eta egiazko aldaketak gertatzea. Herri boterea, arabiar herrialdeak gobernatzeko estilo propioa garatzea, aberastasuna banatzea, herrialdearen garapenean, ikerketa, baliabideetan, inbertitzea... Munduaren aurrean haien subiranotasuna gauzatuz.

Espainiar moduko transizioa: Gaur da 23F eta egunkari guztietan azaldu da 1981ean Tejerok eman zuen estatu kolpearena. Askok aipatu dute kolpe horren ondorioz ez zela egon frankismoarekin apurketarik eta Espainiako "demokrazia" sortzeko balio izan zuela. Azala aldatu mamia ez aldatzeko. Lehengo jauntxoak edo haien semeak boterean jarraitzeko. Azken egoera hau da Europako gobernuek bilatzen dutena, herrialdeetako jauntxoekin tratuetan jarraitzeko.

PANARABISMOAN al Andalus

60.hamarkadako iraultza islamikoetan garatu zen ideologia zen Panarabismoa. Arabiar herrialde guztiak elkartzearena, gaur egun ikusten da baldintzak antzekoak direla. Afrika iparralde guztia sutan dago, nork daki laster batean iraultza sukarra Andaluzian gora hasiko ez ote den, azkenean Espainia hegoaldeko langabezia datuak (%40) ez dira afrika iparraldeko hain ezberdinak eta herri boterea lortzeko antolakuntza eta borroka, ez dago besterik, hemen eta Soweton.

CARRASCOLIENDAS inauteri mozorroa egiteko TAILERRA

2011-02-17T14:35:00.005+01:00

Hurbiltzen ari da eguna, hasi behar gara mozorroa egiten, pentsatzen, komentatzen. Norberak presta dezala berea, oinarria amama aititeren arropa izango da, aurpegia estaltzeko zerbait pentsatu eta bururako beste zerbait.

Mozorroa prestatzeko tailerra egingo dugu larunbatean gaztetxean. Ekarri amamaren arropa, trukatu, probatu, moztu, ebaki....

LARUNBATEAN
goizeko 10:00etan gaztetxean

Udaberria SORTU: Larunbatean Bilbora manifa.

2011-02-17T14:00:00.002+01:00

Udaberria eta hasiak dira aran zuhaitzak loratzen, laster etorriko dira gereziondoak eta atzetik gainontzekoak. Udaberriarekin batera SORTU alderdia aurkeztu du ezker abertzaleak, aurreikuspen guztiak apurtuz alderdien legea beteko duela adierazi du.

Beste garai berri batean sartuko garela dirudi, eztabaida politikoa, herrigintza eta kaleko masa mobilizazioa gailenduko direna. Atzo bertan Britainia Handiko parlamentuan euskal gatazkaren konponbideaz jardun zuten. Kontextu horretan ahul aurkitzen da espainol proiektua Euskal Herrian: PP eta PSOE elkarrekin eta tranpak eginda gobernatzen Kubako independentzia prozesuan (1895) kontserbadore eta liberal espainolak elkar hartuta aritu ziren moduan.

Euskal Herriak mendeen joanean beti iraun dio alboan izan dituen bi potentzia handien erasoei. Mantendu dugu euskara eta gure ikusmolde propioa. Jakin dugu garaietara moldatzen: gerra karlistak galdu genituen eta abertzaletasuna sortu zen. Espainiako gerra (1936) galdu genuen baina hurrengo belaunaldiarekin ETA sortu zen. Ilegalizaturik, bazterturik, zuzendaritza guztiak kartzelaturik baina nola edo hala iraun dugu beti xutik euskal erresistentziak.

Udaberria dator, hasi dira zuhaitzak loratzen eta oraingo loraldia inoizkoa baino sendoago, indartsuago dator. Aukera guztiak hauteskundeetan! Sar gaitezen fase berrira, bultza dezagun sarrera, ETAk aspaldi eman du su etena, legalizatu daitezen orain aukera guztiak. Horregatik izango gara Bilbon:

LARUNBATEAN, otsailak 19
BAKEAREN BIDEAN LEGALIZAZIOA!
Manifestazio Nazionala Bilbon

17:30etan La Casillatik

Tunisiatik Egiptora eta erdian Trapagaran.

2011-02-14T14:49:00.003+01:00

Harri eta zur gauzka hilabete eskasean arabiar herrialdeetan zabaldu den matxinadak. Tunisian hasi zen iraultzak olioa uretan zabaltzen den gisan, berehala izan du segida Afrika iparralde osoan. Ez dakigu asko eskualde haietaz, ez dugu hango egunerokotasunaren berri, alta badira burura etortzen zaizkigun hainbat ideia.

1-Afrika iparraldeko biztanleen arazoek estatuak gainditzen ditu. Minoria ezberdinak, tribu eta herri ezberdinak bertan bizi badira ere, gizarte, sozial egoera eta bizimoldea antzeko baldintzetan garatzen dela. Horrek eragin du matxinadak estatuen gainetik zabaltzea.

2- Orain arte mendebaldeko estatuen lagunak izan diren estatuak, ezkutatutako diktadura luzeak ziren. 23 urte inguru zeramatzan boterean Tunisiako presidenteak. 30 Egiptokoak. Bitxia egiten zaigu duela gutxi Tunisiako gobernua arabiar herrien eredutzat goraipatzen zuen Nicolas Sarkozy ikustea orain herri matxinaden alde hitz egiten.

Herriak hartu du kalea, eta orain zer?
Piztu da arabiar herria. Urte luzeen ondoren kalea hartu du herriak. Kontua da mendebaldeko herritarrei demokrazia eredugarri bezala saldu dizkiguten gobernuak Europa eta Ipar ameriketako enpresa eta agintarien txotxongilo ziren diktadoreak besterik ez zirela.

Herria piztu da eta egoera ez da gehiago lehengora itzuliko, irekidura bat datorrela dirudi. Aldiz Amerikako Estatu BAtuetako (AEB) presidentea matxinaden alde hitz egiten entzuteak ez du esperantzarako tarterik uzten. Lortuko ahal dute arabiar herriek munduan libre azaltzea? edo erreforma batzuek eginda sortuko diren gobernu berriek segituko dute mendebaldeko interesen txotxongilo izaten? Bigarrenak dirudi aukerarik errazena.

Dena den arabiar herriaren matxinadak erakusten du herria inork espero ez duenean pizteko gai dela. Inork ez zuen Tunisiako herriaren matxinada espero. Are gutxiago matxinada horrek Egipton, Algerian, Yemenen izango zuen segida. Horretan gaude gu ere Euskal Herrian. Herri boterea dugu helburu, lan dezagun herria, herritarrei baloreak, pertsona libreen duintasuna itzuli, ilusioa, borrokatzeko gogoa. Sistemak aberats eta boteretsuentzat soilik balio du. Etorriko da ere gure ordua, erein dezagun gure lurra, emango du fruitua.

INFO+: Samir Amin Egiptoar pentsalariaren iritzia

Atilio Boron: "¿Un octubre rojo en el mundo arabe?

LARUNBATEAN MUSKIZEN MANIFA DEIADARRA: COKE EZ!!!

2011-02-09T14:03:00.004+01:00

Petronor francoren garaian iritsi zen Muskizera, duela 40 urte. Francok kondenatu zuen herri hau lehen aldiz. Geroztik meatzaldeko heriotz tasa Euskal Herriarena baino altuagoa da.

Petronor hiri bat bezalakoa da, bere segurtasun sare propioak ditu eta haiek dira alarma eman behar dutenak... Baina nola da posible hori horrela izatea??

Norbait independientea egon behar luke hor, hori kontrolatzeko. Bestela horrelako gauzak gertatzen direnean petronorrek ez baitu alarma ematen. Bitartean Muskizko herritarrek zer egin behar dute? Bideoko horretan poliziak ez zuen ezer esaten, petronorrek ez zuen alarmarik ematen, inork ez zuen ezer egiten... Eta horrela 40 urte!

Eta zer egin dute orain PNV-k eta PSOE-k? Beti bezala, euren poltsikoak betez, petronorri utzi bere etxean bezala egoten, nahi dutena egiten nahi duten momentuan. Horrela Petronorri beste 30 urte egoteko lizentzia eman diote. Lehen Francok kondenatu zuen muskiz, eta orain “euskaldunik euskaldunenak, aberriaren maitale” eta PSOEk (edo hobeto esanda, “PE” sozialistak ez baitira, eta langileak gutxiago).

PNVk berriz ere diruagatik saldu gaitu (ohi bezala). Baina ez da hori okerrena, Muskiz herriari eta Meatzaldeari beste 30 urteko kondena jarri dio. Beste 30 urte emango dute muskiztarrek arnasa hartu ezinik.

Horregatik, hurrengo larunbatean, otsailak 12, guztiok joango gara Muskizera. COKE EZ koordinakundeak antolatu duen manifestaldia erraldoia izango da! Ezin dugu onartu astakeri hau! Momentuz COKE EZ! plataforma adi dago eta petronorren lizentzien gaineko lehenengo epaiketa irabazi du. Etorriko dira gehiago, 30 urteko lizentzia eman diote baina bada posible petronorri aurre egitea, baita irabaztea ere!

COKE EZ!!

PETRONOR KANPORA!!!!!!

PNV-K ETA PSOE-K PETRONORRI 30 URTEZ BAIMENAK LUZATZEKO EGIN DUTEN AKORDIOAREN AURKAKO MANIFA

HURRENGO LARUNBATEAN, OTSAILAK 12

MUSKIZEN, PETROHORROREN ATEAN

VUELVEN LAS CARRASCOLIENDAS: Trapagarango inauteri herrikoia.

2011-02-08T23:01:00.006+01:00

Las Carrascoliendas, horrela deitzen ziren espainiako gerra baino lehen (1930 aldean) gure herrian egiten zituzten inauteriak. Herriko nagusienei galdezka aritu gara eta kontatu digute haien begiez ikusi zutena. Primo de Riveraren diktaduratik aurrera ahuldu zela ohitura, frankismoan erabat debekatu zuten eta hor desagertu zela. Ordutik ez da gehiago egin gure herrian. Orain martxoaren 12an berriz kalera aterako dira carrascoliendas kantuak. Izan ziren carrascoliendas zaharrak oinarri XXI.mendeko carrascoliendas berriak aterako ditugu kalera.

Nola egiten zuten?
Inauteri ostegunez oilar beltz bat lagun zutela, Trapagarango mutilak etxez etxe kantuan joaten ziren, eskean. "Ya llegaron las carrascoliendas señoras mujeres es lo que se estila..." hasten ziren. Goizean etxez etxe ibili ondoren jasotako apurrekin bazkaria egiten zuten guztiok elkarrekin. Hala egiten zuten Lutxana, Errekaortu, Ugarte, Trapaga, Escontrilla eta Uriosten behinik behin.

INFO+: Carrascoliendas dokumentazioa

Ondoren inauteri igandez mozorrotu egiten ziren, batzutan neskak mutilez eta mutilak neskez. Auzoko etxera joan eta tostadak jan. Herri batzutan dantzaldiak egoten ziren plazan. Eliza ordea ohitura hauen kontra zegoen eta poliki poliki ahulduz joan ziren frankismoan debekatzeraino.

Zer egingo dugu?
Inauteri zaharra oinarri hartuta XXI.mendera moldatuko dugu. Inauteri zaharrek herria zuten oinarri, etxea, etxekoak eta harremanak. Horregatik ibiliko gara auzoz auzo. Zaballatik hasita, Ugarte, Elgero eta San Gabrielera.

Inauteri dantza errez bat ere asmatu dugu, "Trapagarango inauteri dantza". Las carrascoliendas kantatuko dugu, baina orain berriz ere gazteak euskaldun gara, eta herriko bertsolarien ahotik helduko dira auzoetako afera eta istorioen berri plazara. Auzokoekin jan-edan, kantu-dantza egin ondoren hurrengo auzora joango gara. Elkarrekin bazkaldu eta arratsaldean berriz aterako gara kalera, oraingoan Trapagaranen.

TRAPAGARAN: Herri bat izan nahi
Ez dugu sustrairik, ez dugu errorik. Bizi iraun gintuen meatzeak erabat zartarazi zituen gure lur paisaiak. Gero industrializazioak herriak azkar-azkar hiri bihurtu eta izugarrizko gizarte aldaketa ekarri zuen. Azken eraldaketak ekarri dizkigu Max Ocio, Megapark eta halako pila. Gizartea berriz aldatu da, harremanak, abiadura, tratua. Ez ditugu gure herriko auzoak ezagutzen, gainera baztertuta, ez da bertan ekintza kulturalik egiten. Harreman sarea berrosatu behar dugu. Elkar ezagutu, gazteen artean, zahar eta gazteen artean. Loturak sortu, nor garen berreskuratu.

Eskaintzen diguten plastikozko mundutik kanpo gure herria bizi nahi dugu. Musikaz, dantzaz, kantuz, lagunez, auzoz auzo, etxez etxe. Espontaineitatea eta sorkuntza, kalea auzotarrentzat irabazi. Murgildu, izan, sentitu eta bizi. Hortara goaz, hortan gaude. ANIMATU eta PARTE HARTU!

Ensaioak
Astelehena 19:00-20:30 San Gabrielgo capillan
Asteartea 18:30-20:00 Gaztetxean
Asteazkena 18:30-20:00 San Gabrielgo capillan
Ostirala 19:00-21:00 Gaztetxean

INFO+: http://euskalherria.indymedia.org/media/2011/02//72201.pdf

TRAPAGARAN MOREZ: emakumeen 2. bazkaria antolatzeko bilera.

2011-02-07T17:26:00.003+01:00

Iaz martxoaren 8 inguruan emakumeen lehenbiziko bazkaria egin genuen. 40 bat neska elkartu ginen, adin ezberdinak tarteko. Lonjetan gaude, etxeetan, lanean, kalean... Berdintasuna heldu al da gure gizartera. Baiezkoan gaude sarritan, gero ordea ikusten dugu gure espazio publikoa ez dela hain zabala, herriko kirol eskaintzan, jaietan edo egunerokotasunean agertzen zaizkigun jarrera eta bizipen batzuetan! Nolakoa da nire jarrera? Galdera asko datoz burura. Hartu dezagun kalea! Elkartu gaitezen eta guztiok batera urtean behin bederen elkarrekin bazkaldu eta ideiak trukatu, kantatu, ondo pasatu. Bazkariaz gain aurten antzerki, hitzaldi, eztabaida... zerbait gehiago antolatu nahi dugu. Horregatik bilera antolatu dugu hurrengo igandean. Animatu eta etorri! guztion artean egingo dugu!

TRAPAGARAN MOREZ
herriko emakumeen II.bazkaria
bilera otsailak 13, igandea
19:00tan gaztetxean

Agate deuna bertsolari:KRONIKA

2011-02-06T15:48:00.005+01:00

Ostiraleko poteoan gure herriak bertsoekiko izandako jarrera eta sorturiko giroa historikoa izan zen. Trapagarango lau gazte gehiago aritu ginen estreinekoz bertsotan lehen bertsolari bakarra genuen herrian. Eta poliki baina gauzak ari dira aldatzen, bertsogiroa zabaltzen ari da, bertsoeskola sortu dugu eta honen inguruan dagoen euskal herri mugimendua elikatu. Harritu gintuen Iratxe Ibarra bezalako bertsolari "prof" batek gurea bezalako poteo xumearen ikusle eta arizale etortzea, bertsoa herritik sortu eta elikatzen den seinale. Berdin Aitor Arrutia Far Westeko muturreko bertsolaria gurean azaltzeaz eta Barakako frikiak. Guri buruz zer esan? "Txomin" ausart aritu zela, sekulan entzun gabeko doinuetan kantatuz eta bertso guztiak amaituz eta txo! Horrek badu meritua! "Kimi DJ"k segurtasuna eta heldutasuna isladatuz ematen zuen aspalditik bertsolari zela! eta Patxiri buruz zer esan? Bere segidilla izugarriarekin "iker borroka"ren harresi guztiak birrindu zituela. Eta noski ni neu ahal bezala betetzen eta deskuidoren batean norbait zirikatzeko prest.

Azkenik eskerrak gaztetxeko bandari, bertsolaria ez baita bizi euskaldunik gabe, ez eta euskara geure mundu ikuskera propioa garatzea ahalbidetzen digun baliabiderik gabe: herria eta hizkuntza kantatzen zuen xalbadorrek. Ezin ahaztuz basamortuan oinez aspaldi hasiak zirenak, Ion Barrocal eta irakasle fashion Nuria! Zuengatik gaude gu hemen!

Bidea badoa aurrera, Euskal Herri bat eraikitzen ari gara noizbait haren parte izan ginen errautsen gainean. Bertsoa piztu dugu, bertsoa badoa dantzan! emango du etorkizun bizi eta oparoa!

GORA TRAPAGARAN BERTSOZALEA !
GORA TRAPAGARANGO BERTSO GERRILLA!
FAR WEST WE ARE THE BEST !!!

MEATZALDEAN BERTSOLARITZAK
BIZIKO DUEN AROA
KRISTON GIROA SORTU DUGULA
GURE HERRI TA AUZOA
TRAPAGARANEN BERTSO ESKOLAK
IZAN DU HASIERA OPAROA
FAR WESTEAN BEHINTZAT BERTSOLARIEK
SEGURUA DUTE GEROA

Ostiralean SANTA AGEDA eta ondoren BERTSO GERRILLA

2011-02-01T22:32:00.005+01:00

Urtero moduan SANTA AGEDA eskean kantuz kantu kuadrilla irtengo da ostiralean Trapagaranen. 17:45ean gelditu gara GOZOA lonjaren aurrean. KORRIKAren alde egingo da diru bilketa, Euskal Herriko luze zabalean euskaltegiak ireki, hobetu eta euskera erraz ikas dadin. Animatu eta etorri!

Jatorria

Erlijio katolikoaren arabera Santa Ageda kristautasunaren hasierako martiri bat izan zen. 251.urtean Siziliako jauntxo batek Agedarekin ezkondu nahi izan zuen, baina Agedak kristautasunari eutsiz ezkontzeari uko egin zion. Mendeku gosez Siziliako jauntxoak Ageda torturatu, bularrak moztu eta hil egin zuen. Horrela Sata Agedarenganako debozioa berehala zabaldu zen Europa osoan. Euskal Herrian Santiago bideko erromesen bidez heldu zen.

Euskal Herrian ere zabaldu zen
Euskal Herrian berehala zabaldu zen Santa Agedarekiko debozioa. Baina Santa Agedaren bezperako ospakizunen azpian kristautasun aurreko erritoa topatzen da. Etxez etxe eskean aritzeko ohitura inauteri ohitura da, kristautasuna heldu aurreko ohitura. Lurra makilaz kolpatuz lurra bera negutik esna dadin eta koplaz koplen bidez etxez etxe eskean arituz. Beraz esan dezakegu orain ezagutzen dugun SANTA ESKEA inauteri zaharraren beste ohitura bat besterik ez dela, erlijio kristaua heldu aurretik zegoen ohitura berdina baina garai berrietara aldatua.

BERTSOGERRILLA
Lehen berritzen zuten eta orain ere berritzen dugu. Lehen ez zen bertsolaririk Trapagaranen, orain Ion BArrokalekin hasita bertso eskola muntatu da gaztetxean. BErrikuntza dator gurera eta berrikuntza daroagu herrira. Ostiralean Santa Ageda koplen ondoren BERTSOGERRILLA aterako da kalera.

22:00etan SOKRAren tabernatik hasita
TRAPAGARANGO BERTSOGERRILLA

LONJERO BILERA: Aurtengo lehenengoa, ideia berriak eta aurrera!

2011-02-01T21:16:00.010+01:00

Ostegunean lonja guztien artean urteko lehenbiziko bilera egingo dugu. Urtez urte gazteen arteko sarea josi dugu, gure arteko giroa hobetu, elkar ezagutu eta elkarrekin antolatzen dugu lonjero eguna. Beste jai modelo bat ari gara sortzen, auzoz auzo, diru asko gabe baina kuadrilletan oinarrituko dena. Partehartzean oinarrituko dena. Hori guztia gazteen arteko giroan nabaritzen da.

Badira 4 urte lonjero eguna antolatzen hasi ginela, bagaude hasieratik mantentzen garenak, desagertu direnak eta azken bi urteotan ireki diren lonja berriak. Dena den denbora ez doa alferrik, proiektua ondo sendotua ikusten dugu, aurrera pausoak emateko garaia da, horregatik datoz proposamen berriak. Hasieratik bertan gabiltzanontzat ere denbora badoa aurrera eta jada ez gara hain gazte. Horregatik proposamen berriekin belaunaldi berriei bide emateko garaia ere badator. BElaunaldi berriak, ideia berriak, atzetik heldu direnek ere birsortu dezaten eta molda dezaten.

LONJERO BILERA

Ostegunean 19:30etan
in the gaztetx

BILERAKO GAIAK:

1-TRAPAGARANGO INAUTERI HERRIKOIA BERRESKURATZEA: "Las carrascoliendas" (1930 urterarte gure heriko gazteek egiten zuten inauteria).

2-TRAPAGARANGO JAIEN LIGA SORTZEA: Kuadrillen arteko txapelketa bat antolatu nahi dugu, gazteen olinpiadak balira bezala. Auzoetako jai bakoitzean ekintza partehartzaile bat antolatuko dugu, urte bukaeran gehien parte hartu duen kuadrillak irabaziko du Liga. Saria izango da Trapagarango tabernaren batean kuadrilla irabazlearentzat afaria.

GREBA egunaz: Kronika, galderak eta autokritika.

2011-01-27T22:02:00.008+01:00

Grebatik gatoz. Bilbora jaitsi gara eguerdiko manifara eta burura etorri zaizkigu Euskal Herriko lehenbiziko grebak. Arboledatik, Trianotik, Gallarta, Ortuellatik Bilbora jaisten ziren manifestazioetara milaka meatzari, guk gaur egin dugun bezala, euren eskubideen alde protestatzera. Arboledan egin zen Euskal Herriko lehenbiziko greba. 1886ko maiatzaren 1a zen, 25.000 pertsona manifestatu ziren Bilbon langileen egunean. Arratsaldeko ekitaldi nagusia Arboledan egin zen eta 4.000 meatzari bildu ziren herriko frontoian. Mobilizazio horren ondorioz Arboledako komite sozialistako 5 meatzari lanetik kanporatu zituzten.

1886ko maiatzaren 13an despidoen kontra greban hasi ziren Arboledako Orconera konpainiako 200 meatzari. Berehala izan zuen zabalpena grebak, meatzariak meatzez meatz joan ziren grebarako deia zabaltzen eta ordu gutxitan 5.000 meatzari ari ziren protestetan Arboledan. Mendietatik Gallarta eta Ortuellara jaitsi ziren eta iluntzerako beste 3.000 langile gehiago lotu ziren grebari. Gauerako meatzalde guztia geldirik zegoen. Grebak hurrengo egunetan jarraitu zuen, ejerzitoa mobilizatu behar izan zen eta Bizkaia estado de sition ipini zuen gobernuak. 20.000 langile ibili ziren mobilizazioetan. (Lehen grebari buruzko kronika osoa irakurtzeko hemen: Arboleda 1886- dokumentuaren 7-8 orrialdean)

Gaurkoak ordea ez du ordukoaren antzik izan. Jendetza bildugara Bilbon egia da, manifa itzela izan da baina komertzio gehienak irekita gure herrietan, enpresa txiki, tailer eta poligonoetan berriz jarraipen irregularra. Langile tradizioa badu gure eskualdeak, frankismoan ere bai gure inguruko lantegietan protesta handiak gertatu ziren. Gainera sozioekonomikoki gure eskualdeko baldintzak grebarako baldintzak dira, Euskal Herri mailako eskualde prekarioenetakoa, enpresa handiak krisian eta desagertzeko zorian, enpresa txiki, kooperatiba eta tailerren sarea ez da Euskal Herriko beste eskualdeetan (Goierri, Deba bailara...) bezain trinkoa, langabezia tasa altuagoak, bizi kalitate eskasagoa... Hori dugu gurean errealitate. Orduan zergatik gure auzokoak, gure herrikideak ez dira lotzen grebari?

Batzuek esaten dute dela gure eskualdean gehiengoz ez garelako abertzale. Baina orduan zergatik ez du inork itxi CCOO eta UGT sindikatu españolen iraialren 29ko greban? CCOO eta UGT aspalditik daude gurean, sustraiak sakon dituzte gure eskualdean eta ordea ez dute espainia mailara deitua den greba orokor batean inolako jarraipenik izatea lortu. Zer gertatzen da beraz?

Komertzioz komertzio pasatzen garenean merkatariek esaten dute autonomoak direla, ez dutela haien burua sindikatuen deialdiari lotua ikusten, ez dela haien arazoa.... Ez dira langile klasearen parte sentitzen hori nahiko argi somatzen da. Krisiaren kontura espainiako gobernua hartzen ari den neurriez hitz egiten dugunean ordea gobernuaren neurrien erabat kontra azaltzen dira. Orduan zer gertatzen da?

Hainbeste espazio irabazi digu agintarien sistema ofizialak, nun nor garen ahaztua dugun. Indibidualismoa barruraino sartuta daukagu, bizi-iraun ahal izatearekin konformatzen gara, eta galdu dugu errebeldia, galdu herritar klase konzientzia. Politiko profesionalek enpresa handien eta bankuen alde ari dira etengabe. Jauntxoak ez dira geuregatik arituko, gure interesak, herritar xumeen interesak guk geuk defendatu behar ditugu.

Guk ere, greban ari garenok, Euskal Herri aske eta berria nahi dugunok badauzkagu akatsak. Herritar sektoreen konpaktazioa landu behar dugu, merkatariz merkatari, langileak, ikasleak, gure herrian, gure auzoan. Bidea egin behar dugu, lokaletik globalera. Herritar sektoreen interesen alde, herri klase konzientzia sortuz, landuz eta zabalduz. Jauntxoen aurrean etorkizuneko herritarren meatzaldea irabazteko, borroka sozialak, greba orokorrak aurrera eramateko baldintzak sortzeko. Badugu lan eta badugu bide, dendaz denda, kalez kale, auzoz auzo, ahoz aho. Arboledako lehen grebalari horiek aldarrikatzen zuten bezala: "Viva la Zona Minera! Abajo los cuarteles! Viva la unión obrera! "

INFO+: Euskal Herriko lehenbiziko grebak

GREBARA!

2011-01-26T21:52:00.006+01:00

LiveStream: GREBA OROKORRA TB

Greban gaude, kalean gaude, langileon eskubideen alde, herriaren alde. Gobernutik datoz erasoka, lan erreformak, pentsioen erreforma oraingoan. Beti herritar xumeen eskubideen kontra, beti banku eta enpresa handien interesen alde. Gizarte justuago bat nahi dugu, elite ekonomikoen interesen aurretik, herritarren gehiengoaren interesak dituena oinarri. Horregatik goaz kalera , horregatik kalean gaude, herritarren Euskal Herria irabazteko. Elkartasunez gaude kalean Munduko Federazio Intersindikalak babesa adierazi dio hemengo grebari. koloretako munduan.

GREBA OROKORRA INFORMAZIOA ZUZENEAN
Greba Euskal Herrian: http://greba.euskalherrian.info/
Tas-Tas irratia: http://tas-tas.org/streaming.html